စံထားအပ်သူ—မောရှေ
မောရှေမှာ အခွင့်အရေးကောင်းတွေ အများကြီးရှိခဲ့တယ်။ သူဟာ ဖာရောမင်းရဲ့နန်းတော်မှာ ကြီးပြင်းလာပြီး အီဂျစ်အတတ်ပညာအားလုံးကို သင်ယူခဲ့ရတယ်။ (တမန်တော် ၇:၂၂) အဲဒါတွေကို သူဘယ်လိုအသုံးချမလဲ။ နာမည်ကျော်ကြားဖို့၊ ချမ်းသာကြွယ်ဝဖို့၊ ဩဇာအာဏာရှိဖို့ အသုံးချနိုင်တယ်။ ဒါပေမဲ့ မောရှေဟာ ရွယ်တူချင်းတွေရဲ့ လွှမ်းမိုးမှုမခံခဲ့ဘူး။ အတ္တဆန်တဲ့ရည်မှန်းချက်တွေနောက် မလိုက်ခဲ့ဘူး။ သူ့ဘဝကိုအသုံးချပုံက လူအများအံ့သြလောက်တဲ့အထိပါပဲ။ သူက “ဘုရားသခင်၏လူတို့နှင့်အတူ ညှဉ်းဆဲခံရန် ရွေးချယ်” ခဲ့တယ်။ (ဟေဗြဲ ၁၁:၂၅) အဲဒီလိုရွေးချယ်ခဲ့လို့ သူ နစ်နာဆုံးရှုံးခဲ့သလား။ လုံးဝမဆုံးရှုံးခဲ့ဘူး။ ဘုရားအမှုတော်ဆောင်ပြီး လူတွေကိုကူညီပေးဖို့ ရွေးချယ်ခဲ့လို့ တကယ့်ကို ပျော်ရွှင်ကျေနပ်စရာဘဝမျိုး ပိုင်ဆိုင်ခဲ့တယ်။
သင်လည်း အခြေခံပညာ ကောင်းကောင်းတတ်ထားတယ်ဆိုရင် ဘယ်လိုအကျိုးရှိရှိအသုံးချမလဲ။ ငွေနောက်လိုက်မလား၊ ဩဇာအာဏာနောက် လိုက်မလား။ ဒါမှမဟုတ် မောရှေလုပ်ခဲ့သလို ဘဝမှာ တကယ်အကျိုးရှိတဲ့အရာကို လုပ်မလား။ သင့်ရဲ့ ကာယ၊ ဉာဏစွမ်းရည်တွေကို ဘုရားတရားအလုပ်မှာ၊ လူလူချင်းကို ကူညီပေးတဲ့နေရာမှာ အသုံးပြုနိုင်တယ်။ (မဿဲ ၂၂:၃၅-၄၀) အဲဒါက ပျော်ရွှင်ကျေနပ်စရာအကောင်းဆုံး ဘဝပါပဲ။