Tlamachtili tlen motekiuis ipan pilamatsi Tlen tijchiuasej ipan tlanechikoli Kej Timonejnemiltiaj uan Titlajtolmoyauaj
© 2024 Watch Tower Bible and Tract Society of Pennsylvania
ENERO 6-12
TLEN TLAUEL IPATI KATLI BIBLIA TLAMACHTIA SALMOS 127-134
Tetajmej, nojua xikinmokuitlauijtokaj inmokoneuaj
(Sl 127:1, 2) Intla TOTEKO axkitlalana se kali tlen tlakamej kichiuasnekij, san tlapik ininteki tlen nopano tekitij. Intla TOTEKO axkimokuitlauia se altepetl, san tlapik ininteki nopa tlakamej tlen nopano tlamokuitlauiaj. 2 San tlapik inmeuasej kualka para intekitisej chikauak uan axinmosiyajkauasej hasta tlajkoyoual. San tlapik para ika miak kuesoli inkitemojtinemisej inmotlakualis uan san ya nopa inkimatisej. Pampa TOTEKO Dios kineki ximotemachikaj ipan ya uan xikochikaj kuali. Yajaya kinmakas nochi tlen kiniknelia nochi tlen moneki.
(Sl 127:3) Tokoneuaj itstokej se regalo tlen TOTEKO. Kena, tlen tlakatij tlen totlakayo eltok keja se tlatlankayotl.
Ma tijpatiitakaj tielisej Jehová ichampoyouaj
9 Jehová techchijtok ma tikinpiakaj tokoneuaj uan ma tikinpaleuikaj kiiknelisej uan kitekipanosej. Tlaj tikinpia mokoneuaj, ¿tijpatiita tlen Jehová mitsmakatok? Maske Jehová kinchijchijki iluikaeuanij ma kichiuakaj uejueyi tlamantli, amo kinchijki ma kinpiakaj ininkoneuaj. Yeka, tetajmej moneki tlauel kitlaskamatisej tlen Jehová kinmakatok. Ya kinkajtok konemej ininmako tetajmej, yeka moneki ma kinmokuitlauikaj uan ma kinmachtikaj (Efes. 6:4; Deut. 6:5-7; Sal. 127:3). Jehová kineki kinpaleuis tetajmej, yeka itlanechikol kichijchijtok pilamochtsitsij, videos, uikatl uan sekinok tlamachtili tlen elto ipan Internet. Ya uan Jesús tlauel kinikneliaj konemej (Luc. 18:15-17). Nojkia, Jehová kipatiita pampa tetajmej motemachiaj ipan ya uan kichiuaj kampeka kinmokuitlauisej ininkoneuaj. Tetajmej katli kiampa kichiuaj, kinpaleuiaj ininkoneuaj nochipa ma elikaj Jehová ichampoyouaj.
(Sl 127:4) Nopa konemej tlen se kinpia kema noja se telpokatlakatl, itstokej keja miak kuatlamintli tlen kintekiuia se soldado para ika momanauis ipan tlateuijkayotl.
Xikinpaleuikaj inmokoneuaj ma kiiknelikaj Jehová
20 Kuali xikinixmatikaj inmokoneuaj. Salmo 127 kiijtoua konemej elij kej kuatlamintli (xijpoua Salmo 127:4). Kej nopa kuatlamintli amo eli sanse iuejuexka uan amo sanse ika tlen kichijchijtokej, nojkia inmokoneuaj amo elij sanse. Yeka, tetajmej moneki kiitasej kenijkatsa kiniskaltisej sejse ininkoneuaj. Se tetaj iuaya isiua, katli euaj Israel, kinpaleuijkej omej ininkoneuaj ma kitekipanokaj Jehová. Inijuantij kiijtouaj tlake kinpaleuik: “Amo sansejko tikinmachtiyayaj ika Biblia”. Se tlakatl moneki kiitas tlaj nojkia kiampa kichiuas o amo.
Xijpanti tlamachtili tlen tlauel ipati
(Sl 131:1, 2) TOTEKO, na axnimoueyimati, niyon axnimotlepanita. Na axnimoiljuia para achi más nikuali, niyon axnimoiljuia para más nijmati que sekinok. 2 Na axnimolinia iixtla TOTEKO. Nimochijtok keja se pilokichpiltsi tlen sanok kikajtok chichi uan moseuia ikuaxanko inana. Kena, ayok tleno nimitstlajtlanijtok.
Xiyolpaki ika tlen tiueli tijchiua
6 Tetajmej uelis kiyekosej tlen tlauel ipati ipan tlen kiijtoua Salmo 131:1, 2 (xijpoua). Tlanauatijketl David kiijtok: “Na axnimoiljuia para achi más nikuali, niyon axnimoiljuia para más nijmati que sekinok”. Ya amo moueyimatki uan kimatiyaya amo ueli kichiua nochi tlamantli, yeka kuali kiyolmatiyaya. Ni uelis kinpaleuis tetajmej amo ma moueyimatikaj uan amo ma kinekij kichiuasej tlen amo uelij, uan nojkia uelis kinpaleuisej ininkoneuaj kiampa ma kichiuakaj. Tetajmej moneki kiitasej tlake uelij kichiuaj ininkoneuaj uan tlake amo, kiampa amo kintetsopasej kema kiniljuisej ma mosentlalikaj kichiuasej se tlamantli uan kuali kiyolmatisej. Se tosiuaikni katli itoka Marina, kiijtoua: “Nonana amo kema nechiljuik ma nijchiua kej kichiuayayaj eyij noikniuaj yon kej kichiuaj sekinok. Ya nochipa nechilnamikilik amo tijchiuaj sanse tlamantli, uan Jehová nochi kinpatiita. Tlen nechiljuik tlauel nechpaleuik pampa nama amo san nimosentlalia ipan tlen amo ueli nijchiua”.
ENERO 13-19
TLEN TLAUEL IPATI KATLI BIBLIA TLAMACHTIA SALMOS 135-137
“TOTEKO tlauel más ueyi que nochi tlen kintokaxtiaj teotsitsij”
(Sl 135:5, 6) Na nijmati para TOTEKO tlauel ueyi. Nijmati para yajaya tlauel más ueyi que nochi tlen kintokaxtiaj “teotsitsij”. 6 TOTEKO kichiua nochi tlen kineki kichiuas ipan iluikaktli, tlaltipaktli, uan ipan ueyi atl uan kampa más uejkatla.
it-2-S 675 párrs. 4, 5
Poder, Obras poderosas
El control que Dios tiene sobre las fuerzas naturales lo distingue. Sería razonable esperar que, para probar que es el Dios verdadero, Jehová demostrara su control sobre las fuerzas creadas, haciéndolo de tal manera que su nombre estuviese relacionado inequívocamente con ello. (Sl 135:5, 6.) Como el Sol, la Luna, los planetas y las estrellas siguen sus órbitas regulares; las condiciones atmosféricas terrestres (que causan el viento, la lluvia y otros efectos) obedecen las leyes que las gobiernan, como las langostas salen en enjambres y los pájaros migran, todas estas funciones normales y otras muchas no bastarían para santificar el nombre de Dios frente a la oposición y la adoración falsa.
Sin embargo, Jehová Dios podía hacer que la creación natural y los elementos dieran testimonio de su Divinidad, valiéndose de ellos para cumplir propósitos específicos que trascendieran de sus funciones ordinarias, y a menudo en un tiempo señalado específicamente. Incluso cuando no se trataba de acontecimientos extraordinarios en sí mismos, como en el caso de una sequía, una tormenta o condiciones climatológicas similares, dichos fenómenos naturales adquirían una carácter especial por cuanto ocurrían en cumplimiento de una profecía dada por Jehová. (Compárese con 1Re 17:1; 18:1, 2, 41-45.) Pero en la mayoría de los casos, los acontecimientos en sí eran extraordinarios, bien por su magnitud o intensidad (Éx 9:24), o debido a que ocurrían de una manera completamente insólita o en un tiempo que no era normal. (Éx 34:10; 1Sa 12:16-18.)
(Éx 14:29-31) Pero nopa israelitajmej ya kiixkotontoyaj nopa ueyi atl ipan se ojtli uaktok tlatlajko kampa moketstoya nopa atl keja ipan ome tepamitl tlen atl, se ipan ininnejmatl uan se ipan ininarraves. 30 Uajka nopa tonal TOTEKO kinmakixtik nopa israelitajmej tlen nopa egiptojmej uan nopa israelitajmej kiitakej inintlakayouaj nopa egiptojmej iteno nopa ueyi atl. 31 Uan kema nopa israelitajmej kiitakej nopa ueyi chikaualistli tlen TOTEKO kinextijtoya ika nopa egiptojmej, kiueyitlepanitakej, uan motemachijkej ipan ya uan ipan itlatekipanojka Moisés.
(Sl 135:14) Pampa TOTEKO kintlajtolsenkauas xitlauak nochi itlakauaj, uan yajaya kintlasojtlas itlatekipanojkauaj.
(Sl 136:23) Yajaya tlen techilnamijki tiisraelitajmej kema ayok tijpiayayaj chikaualistli, pampa iteiknelijkayo axkema tlami.
¿Kenijkatsa Jehová kinextia tlaiknelili tlen amo tetlauelkaua?
16 Maske kema timomanauiaj ipan Jehová amo timajmauij, kemantika uelis tlauel timokuesosej uan tijmatisej amo tleno topati. ¿Tlake kichiua Jehová kema kiampa tijyolmatij? (Xijpoua Salmo 136:23). Ya kejuak technajnaua uan kichiua sampa kuali ma tijyolmatikaj (Sal. 28:9; 94:18). ¿Kenijkatsa techpaleuia? Kema tijmatij Jehová techmokuitlauia, tikilnamikij ome tlateochiualistli tlen tijpiaj: 1) maske kampa ueli tiitstokej tijpiaj kampa timomanauisej uan 2) toTata katli tlauel techiknelia, kitekipachoua tlen techpano.
Xijpanti tlamachtili tlen tlauel ipati
(Sl 136:15) Pero kinatsonpoliuiltik Faraón uan isoldados ipan nopa ueyi atl, pampa iteiknelijkayo axkema tlami.
Tlauel yolpakij katli amo kitlauelkauaj Jehová
12 Jehová kinextijtok kipia miak tlanauatili uan amo kej “tekiuejmej”. Ma tikitakaj eyi neskayotl. Nopa faraón tlen Egipto tlauel kintlaijiyouiltik toTeotsij itekipanojkauaj uan amo kinekiyaya kinkauas ma tlakuepilikaj inintlal. Maske kiampa kichijki, Jehová kinmanauik israeleuanij uan kiisauik faraón ipan ueyi atl Rojo (Éx. 14:26-28; Sal. 136:15). Belsasar, tlanauatijketl tlen Babilonia, kichijki se iljuitl uan kiijixnamijki toTeotsij “tlen itstok ipan iluikak” pampa kinueyichijki sekinok teotsitsij tlen plata uan oro (Dan. 5:22, 23). Jehová kitekikixtilik pampa moueyimatiyaya. “Ipan nopa tlayoua” Belsasar kimiktijkej, uan mediaeuanij uan persiaeuanij pejkej tlanauatiaj (Dan. 5:28, 30, 31). Tlanauatijketl Herodes Agripa I, katli euayaya Palestina, kimiktik apóstol Santiago uan teipa kitsajki apóstol Pedro pampa nojkia kinekiyaya kimiktis. Maske kiampa kichijki, toTeotsij amo kikajki ma kichiua tlen moiljuijtoya pampa kitekiuik se iluikaejketl “uan kichijki ma mokoko”, yeka Herodes mijki (Hech. 12:1-5, 21-23).
ENERO 20-26
TLEN TLAUEL IPATI KATLI BIBLIA TLAMACHTIA SALMOS 138, 139
¡Amo xijkaua ma mitstsakuili pampa timajmaui!
(Sl 138:1) Ika nochi noyolo nimitstlaskamatis, TOTEKO, uan niuikas para ta iniixtla nopa moiluikaejkauaj.
(Sl 138:3) Kema nimitstsajtsilia, ta tinechnankilia uan tinechfuerzajmaka.
(Sl 138:6) Yonke TOTEKO tlauel ueyi, yajaya kintlakakilia tlen moiknonekij. Pero tlen moueyimatij, moneki moketsasej uejka tlen Toteko, pampa yajaya axkineki kinitas.
Ma tijueyichiuakaj Jehová ipan tlanechikoli
10 ¿Nochipa peua tiyoltotomoka kema tijneki timomatlananas ipan tlanechikoli? Tlaj kena, amo san ta mitspano nopa. Nochi achi timajmauij kema titlanankiliaj. Tlaj nopa kichiua amo xitlanankili, moneki tijmatis kenke mitspano nopa. ¿Timajmaui pampa timoiljuia amo tijmatis tlake tikijtos o amo kuali titlanankilis? ¿Timoiljuia amo titlanankilis sanse kej sekinok katli kuali tlanankiliaj? Amo ximotekipacho, uelis kiampa tijyolmati pampa amo timoueyimati uan tikinita sekinok “keja más uejueyij”. Jehová tlauel kuali kinita katli amo moueyimatij (Sal. 138:6; Filip. 2:3). Jehová amo san kineki amo ximoueyimati, nojkia kineki xijueyichiua uan xikinyolchikaua toikniuaj ipan tlanechikoli (1 Tes. 5:11). Ya tlauel mitsiknelia uan mitspaleuis amo ximajmaui.
Ma timoyolchikauakaj ipan tlanechikoli
7 Tlauel mitspaleuis tlaj tikitas se keski tlamachtili tlen kistok ipan Tlen Tematiltia. Nopa tlamachtili kiijtoua tlauel mitspaleuis tlaj kuali timokualchijchiuas (Prov. 21:5). Kuali ximomachti se tlamachtili, kiampa amo ouij tijmatis timomatlananas. Nojkia tlauel mitspaleuis tlaj amo tikijtos miak tlamantli kema titlanankilis (Prov. 15:23; 17:27). Amo xikijto miak tlamantli, kiampa amo tlauel timajmauis uan toikniuaj nima kikuamachilisej tlen tikijtos. Xikijto san se keski tlajtoli uan ma kisa ipan moyolo, kiampa toikniuaj kiitasej kuali timokualchijchijki uan kuali tijkuamachilia nopa tlamachtili.
Xijpanti tlamachtili tlen tlauel ipati
(Sl 139:1-4) TOTEKO, ta tinechyoltlachilijtok uan tijmati nochi tlen na. 2 Ta kuali tijmati intla nimoseuia o nimoketsa. Uan kema niitstok uejka, ta tijmati tlake nijpixtok ipan notlalnamikilis. 3 Ta tinechnextilia nopa ojtli tlen moneki nijtokilis, uan tinechiljuia kanke nikalakis uan kanke nimosiyajkauas. Sejse tlalochtli ta tijmati kanke niitstok. 4 Ta TOTEKO, tijmati tlake nikijtos hasta kema aya nikamati.
Jehová kinextia kuajkuali tlamantli pampa kinyolkuis katli miktokej
13 Kej tikitstokej, kema Jehová kinyolkuis katli miktokej sampa kipiasej inintlalnamikilis uan elisej sanse kej kema ayamo mikiyayaj. Pampa Jehová tlauel techiknelia, nochipa techmokuitlauia uan yeka kimati tlake timoiljuiaj, tlake tijyolmatij, tlake tikijtouaj uan tlake tijchiuaj. Yeka, tlaj timikisej Jehová amo ouij kimatis sampa techyolkuis kej tieliyayaj. Tlanauatijketl David kimajtoya Jehová tlauel kuali techixmati (xijpoua Salmo 139:1-4). ¿Kenijkatsa tijyolmatij pampa Jehová tlauel techiknelia?
ENERO 27–FEBRERO 2
TLEN TLAUEL IPATI KATLI BIBLIA TLAMACHTIA SALMOS 140-143
¿Tlake uelis tijchiuas kema ya timomaijtok?
(Sl 141:5) Kema moneki se nechtlalnamiktis, xijchiua para tlen monejnemiltiaj xitlauak moixtla ma nechtlatsakuiltikaj. Ya nopa nikitaskia keja se tlamantli kuali tlen nechchiuiliaj. Intla tlakamej tlen kuajkualmej nechtlakaualtisej, elis keja se pajtli para na. Amo xinechkauili para nijuejkamajkauas inon. Pero na ajachika nimomaijtoua para ma kiselikaj tlatsakuiltili tlaixpanoka tlakamej.
“Xijtlakakili ni tlalnamijkatlajtoli”
13 Kema toTeotsij techtlajtolmaka kinextia tlauel techiknelia. Jehová nochipa kineki tlauel kuali ma tiitstokaj (Prov. 4:20-22). Kinextia tlauel techiknelia kema techtlajtolmaka ika Biblia, ipan se amatlajkuiloli o ika se toikni katli kuali tlaneltoka. Uan kej kiijtoua Hebreos 12:9, 10, kichiua pampa “kimati tlen senkistok kuali para techpaleuis”.
14 Ma timosentlalikaj ipan tlen kinekij techiljuisej, uan amo kej techiljuiaj. Kemantika, uelis tikitasej katli techtlajtolmakak amo kuali kej techiljuik se tlenijki. Ma tikilnamikikaj, katli tetlajtolmaka moneki xitlauak kiijtos, kiampa katli kitlajtolmakas nima kiitas tlake kichiuas (Gál. 6:1). Uan tlaj tojuantij techtlajtolmakasej, moneki timosentlalisej ipan tlen techiljuisej, maske uelis timoiljuisej amo kuali kej kiijtojkej. Ueliskia timotlatsintokisej: “Maske amo nechpaktik kej nechtlajtolmakak, ¿nelia tlen kiijtoua? ¿Uelis nimosentlalis ipan tlen kena nechpaleuis uan amo kej nechiljuik?”. Tlauel kuali tlaj nochipa tijchiuaj kampeka tijchiuasej tlen techtlajtolmakaj (Prov. 15:31).
(Sl 143:5) Nikilnamiki kejatsa eltoya ipan nopa tonali tlen panok. Nimoyoliljuia tlen nochi uejueyi tlamantli tlen tijchijki.
Kena uelis tijchiuas tlen timosentlalijtok
5 Ximoyoliljui kenijkatsa Jehová mitspaleuijtok (Sal. 143:5). Apóstol Pablo moyoliljuik kenijkatsa Jehová kipaleuijtoya uan nopa kipaleuik ma kitekipano ika nochi iyolo (1 Cor. 15:9, 10; 1 Tim. 1:12-14). Tlaj timoyoliljuia kenijkatsa Jehová mitspaleuijtok, tijnekis tijchiuas tlen timosentlalijtok (Sal. 116:12). Ma tikitakaj tlake kipaleuik se tosiuaikni katli eua Honduras ma mochiua precursora regular. Ya kiijtoua: “Pejki nimoyoliljuia kenijkatsa Jehová tlauel nechiknelia. Kichijki ma niitsto ipan itlanechikol uan nechmokuitlauia. Kema nimoyoliljuik ipan nopa tlamantli, nechpaleuik nojua tlauel ma nikikneli Jehová uan nojua tlauel nijnejki nitlatekipanos kej precursora regular”.
(Sl 143:10) Xinechmachti ma nijchiua tlen ta tijneki pampa ta tinoTeko Dios. MoTonaltsi ma nechyakana kampa kuali nopa ojtli.
w15-S 15/3 32 párr. 2
Casarse “solo en el Señor”: ¿Sigue siendo posible?
Habrá ocasiones en las que tal vez te sientas como David cuando dijo: “Apresúrate, respóndeme, oh Jehová. Mi espíritu se ha acabado. No ocultes de mí tu rostro” (Sal. 143:5-7, 10). En esos momentos, no te rindas. Sé paciente y espera hasta que Jehová te haga ver cómo debes actuar. Lee su Palabra y medita en ella. De ese modo entenderás mejor lo que él espera de ti y verás cómo cuidó a sus siervos en el pasado. Eso te ayudará a seguir confiando en Jehová y a no desobedecerle.
Xijpanti tlamachtili tlen tlauel ipati
(Sl 141:1, 2) TOTEKO, na nimitsnotsa. Ximoisiuilti xinechpaleuiki. Xinechtlakakili kema nimomaijtoua ika ta. 2 Xijseli notlamaijtolis keja eliskia kopali tlen kitlatiaj moixtla, uan kema nimomatlalana para nimitsueyimati, xikita keja se tlakajkaualistli tlen nimitsmaktilia ika tiotlak.
Xijpatiita pampa ueli tijnojnotsa Jehová
2 Tlanauatijketl David tlauel kipatiitayaya momaijtos. Yeka ipan se uikatl, kiijtok: “Xijseli notlamaijtolis keja eliskia kopali tlen kitlatiaj” (Sal. 141:1, 2). Kema David itstoya, sacerdotes kuali kichijchiuayayaj se incienso o tlaajuiyajkayotl tlen san kitekiuiyayaj kema kiueyichiuayayaj Jehová (Éx. 30:34, 35). Yeka kema kiijtok nopa tlamantli, kinekiyaya kiijtos kema momaijtoskia monekiyaya kuali moiljuiskia tlen kiijtoskia. Tojuantij nojkia kiampa tijnekij tijchiuasej pampa tijnekij Jehová ma kipakti tlen tikijtouaj kema timomaijtouaj.
FEBRERO 3-9
TLEN TLAUEL IPATI KATLI BIBLIA TLAMACHTIA SALMOS 144-146
‘Pakij tlakamej tlen kipiaj TOTEKO para ininDios’
(Sl 144:11-15) Nojkia xinechmakixti uan xinechmanaui ininmako nokualankaitakauaj, pampa inijuantij san teistlakauiaj uan tlakajkayauaj. 12 Xijchiua para totelpokauaj ma elikaj tejtetikej uan uejkapantikej keja kuatinij tlen yejyektsi moskaltiaj. Uan toichpokauaj ma elikaj yejyektsitsij, keja nopa tlaketsaltinij tlen kinyejyekchijtokej, uan kinketstokej ipan ininchajchaj tlanauatianij. 13 Xijchiua para tokoxtaljuaj ma temikaj ika miak tlamantli pixkistli. Uan toborregojuaj ma momiakilikaj hasta ma mochiuakaj miles uan millones ipan topotrero. 14 Xijchiua totorojuaj ma kipiakaj miak chikaualistli para tekitisej. Amo xijkauili niyon se tokualankaitaka ma kiyaualo nopa tepamitl tlen kiyaualoua toaltepe. San xitechmaka tlaseuilistli kampa ueli. Amo xijkauili para niyon se tlen totlakajuaj moneki tetsajtsilis para tlapaleuili pampa kipanti tlen fiero ipan tocalles. 15 Kena, nelia pakij nopa tlakamej ipan se altepetl tlen kej ni eltok, uan axkipia tlen fiero. Kena, nelia pakij kuali tlakamej tlen kipiaj TOTEKO para ininDios, uan ipan ya motemachiaj.
Tlen maseualmej kinekij kimatisej
1. Xijpoua nochi capítulo 144. Ipan nopa Traducción del Nuevo Mundo de las Santas Escrituras ika inglés, xiuitl 2013, ipan versículo 12 motekiuia nopa tlajtoli then (“uajka”). Kiampa tijkuamachiliaj nopa kuajkuali tlamantli tlen moijtoua ipan versículos 12-14, kiselisej katli xitlauakej, katli ipan versículo 11 kiiljuiaj toTeotsij ma kinmakixti tlen ininkualankaitakauaj. Tlen mopatlak nojkia nesi ipan versículo 15. Kema ipan nopa versículo ompa moijtoua “nelia pakij”, nama kuali kakisti, uan tijkuamachiliaj nopa altepetl tlen nelia paki uan nopa ‘altepetl tlen kipia Jehová kej ininTeotsij’, eli sanse.
2. Sanse ika sekinok textos kampa kiijtoua tlake tlateochiualistli kiseliskiaj toTeotsij itekipanojkauaj. Nama, ipan Salmo 144, tikitaj kenijkatsa David motemachiyaya Jehová kinmakixtiskia israeleuanij tlen ikualankaitakauaj uan kichiuaskia ma yolpakikaj uan kuali ma itstokaj (Lev. 26:9, 10; Deut. 7:13; Sal. 128:1-6). Se neskayotl, Deuteronomio 28:4 kiijtoua: “Tlateochiualmej elisej nochi inmokoneuaj, uan nochi tlen inkipixkasej, uan nochi ininkoneuaj inmouakaxjuaj, inmoborregojuaj uan nochi sekinok inmotlapialjuaj”. Kema Salomón, ikone David, tlanauatik ipan Israel tlauel kuali itstoyaj uan yolpaktoyaj. Uan se keski tlamantli tlen mochijki ipan nopa tlanauatijkayotl, kiixnextik tlen mochiuaskia ipan toTeotsij iTlanauatijkayo, kampa tlanauatis Mesías.
(Sl 146:5) Pero nelia paki nopa tlakatl tlen kipixtok keja itlapaleuijka yajaya tlen iTeko Jacob, uan san ipan TOTEKO iDios motemachia para kimokuitlauis.
Ma timotemachijtokaj ipan tlen tijselisej
16 Jehová techmakatok se tlamantli tlen tlauel ipati: kiijtojtok uelis tiitstosej nochipa. Tijchiaj ma kichiua tlen kiijtojtok uan timotemachiaj nelia kiampa kichiuas. Tlen tijchiaj tijselisej, eli kej se tepostli tlen moatsintlanoua pampa techpaleuia ma tikijiyouikaj tlaouijkayotl, kema techtlatsakuiltiaj o kema kinekij techmiktisej. Nojkia eli kej totepostsontsajka pampa techpaleuia amo ma timoiljuikaj yon ma tijchiuakaj tlen amo kuali. Tlen Jehová techtenkauilijtok, techpaleuia nojua kuali ma timouampojchiuakaj iuaya uan kinextia tlauel techiknelia. Yeka, tlauel techpaleuis tlaj nochipa timotemachisej ipan tlen tijselisej teipa.
17 Kema Pablo kintlajkuiljuilik toikniuaj katli itstoyaj Roma, kiniljuik: “Ximoyolpakiltikaj ipan tlen inkichiaj” (Rom. 12:12, TNM). Pablo yolpakiyaya pampa motemachiyaya itstoskia iluikak tlaj amo kitlauelkauaskia Jehová. Tojuantij nojkia tiyolpakij pampa timotemachiaj toTeotsij nelnelia kichiuas tlen kiijtojtok. Uelis tijyolmatisej kej katli kiijkuilok se salmo, ya kiijtok: “Nelia paki nopa tlakatl tlen [...] san ipan toTeko iDios motemachia [...]. Yajaya tlen kichiua nochi tlen kitlajtolkajtok para kichiuas” (Sal. 146:5, 6).
(Sl 146:10) TOTEKO tlanauatis para nochipa. Inmojuantij ipan altepetl Jerusalén, imoTeko Dios elis nopa Tlanauatijketl, tlen kinnauatis nochi tlakamej tlen tlakajtiasej para nochipa. ¡Pakilistli!
¿Tlake kichiua nelnelia ma tiyolpakikaj?
19 Ipan 6,000 xiuitl tlen panotok, Satanás tlauel kintlaijiyouiltijtok maseualmej. Uan ipan ni itlamia tonali, maseualmej san inijuantij mopatiitaj o moikneliaj, uan san moiljuiaj kenijkatsa tlauel tlatominpiasej uan moyolpakiltisej. San mosentlaliaj kichiuasej uan kipiasej tlen inijuantij kinekij. Nopa maseualmej amo kema nelnelia tlauel yolpakisej. Biblia kiijtoua ajkia inijuantij kena yolpakiskiaj: “Nelia paki nopa tlakatl tlen kipixtok keja itlapaleuijka yajaya tlen iTeko Jacob, uan san ipan toTeko iDios motemachia para kimokuitlauis” (Sal. 146:5).
20 Kej panotia tonali, toTeotsij itekipanojkauaj nojua tlauel kiiknelijtiauij Jehová. Uan sejse xiuitl, miakej maseualmej kiixmatij uan kiikneliaj toTeotsij. Ni kinextia toTeotsij iTlanauatijkayo tekichijtok uan toTeotsij nechka tlauel techteochiuas ika nopa tlanauatijkayotl. Nelnelia tlauel tiyolpakij pampa tijmatij tijchiuaj tlen Jehová kineki uan pampa tijmatij nojkia tijyolpakiltiaj. Ipan nopa seyok tlamachtili tikitasej ome tlamantli tlen amo sanse: tlake amo kuali tlamantli kinextiaj katli san ininselti moikneliaj uan tlake kuajkuali tlamantli kinextiaj Jehová itekipanojkauaj.
Xijpanti tlamachtili tlen tlauel ipati
(Sl 145:15, 16) Nochi tlakamej ipan tlaltipaktli mitstemouaj, uan mitschiaj para xikinpaleui. Ta tikinmaka inintlakualis keja kinmonekilijtiuala. 16 Ta ika moma tikinteochiua nochi tlen yoltokej, pampa tikinmaka tlen kikuasej uan tlen kiisej.
Tlaj más titemakaj tlen tijpiaj más tiyolpakisej
6 Jehová techmaka tlen moneki pampa techiknelia. Ma tikitakaj tlen Jesús kiijtok ipan Mateo 6:25, 26 (xijpoua). Ipan ni versículos Jesús kamanaltik tlen totomej uan kiijtok inijuantij “amo tokaj, amo pixkaj yon kiajokuij inintlakualis”. Uan nojkia kiijtok: “InmoTata katli itstok iluikak kintlamaka”. Teipa tlatsintokak: “¿Amo más inmopati que ne totomej?”. Ika tlen kiijtok, Jesús kinejki techmachtis Jehová más kinpatiita itekipanojkauaj. Tlaj Jehová kinmokuitlauia tlapialmej, uelis timotemachisej nojkia techmokuitlauis. Ya eli toTata uan techiknelia, yeka techmaka tlen techpoloua (Sal. 145:16; Mat. 6:32).
FEBRERO 10-16
TLEN TLAUEL IPATI KATLI BIBLIA TLAMACHTIA SALMOS 147-150
Onka miak tlamantli tlen techyololinia ma tijueyichiuakaj Jehová
(Sl 147:3, 4) Yajaya kinyolchikaua tlen kipiaj yolkuesoli uan kinpajtia kampa mokokojtokej. 4 Yajaya kimati keski imiaka sitlalimej onka uan sejse kintokaxtlalijtok.
¿Kenke moneki tijueyichiuasej Jehová?
5 Jehová amo san kiyolchikajki ialtepe, nojkia kinyolchikajki sejse tlen itekipanojkauaj. Uan ipan ni tonali nojkia kiampa kichiua. Katli kiijkuilok Salmo 147 kiijtok toTeotsij “kinyolchikaua tlen kipiaj yolkuesoli uan kinpajtia kampa mokokojtokej” (Sal. 147:3). Kema tijpiaj se kokolistli o uejkaua timotekipachojtokej, uelis timotemachisej Jehová nelia kineki techyolchikauas uan techpaleuis kuali ma tijyolmatikaj (Sal. 34:18; Is. 57:15). Ya techmaka chikaualistli uan tlalnamikilistli katli techpaleuia ma tikijiyouikaj tlen ueli tlaouijkayotl tlen tikixnamikij (Sant. 1:5).
6 Katli kiijkuilok nopa salmo tlachixki iluikak uan kiijtok Jehová “kimati keski imiaka sitlalimej onka uan sejse kintokaxtlalijtok” (Sal. 147:4). ¿Kenke pejki kiijtoua tlen sitlalimej? Ma timoiljuikaj ipan ni tlamantli: maske kinitayaya sitlalimej, amo ueliyaya kinpoua. Ipan ni tonali, científicos uelij kiitaj miak sitlalimej, uan kiijtouaj onka millones tlen sitlalimej ipan Vía Láctea uan onka billones tlen galaxias. Maske kinitaj, nojkia amo uelij kinpouaj. San katli kinchijchijki ueli kichiua, uan nochi kintokaxtlalijtok. Ni kinextia ya kipatiita sejse tlen nopa sitlalimej (1 Cor. 15:41). ¿Tlake techmachtia? Tlaj toTeotsij nochipa kimati kanke eltok sejse sitlali, uajka nojkia kuali kimati kanke tiitstokej, tlake tijyolmatij uan tlake techpoloua.
(Sl 147:5) Toteko nelia ueyi uan kipia miak chikaualistli. Itlalnamikilis axaka ueli kitlamimachilia.
¿Kenke moneki tijueyichiuasej Jehová?
7 Jehová nojkia kuali kikuamachilia tlake tlaouijkayotl tikixnamikij, uan kipia nopa chikaualistli tlen ika uelis techpaleuis (xijpoua Salmo 147:5). Maske kemantika timoiljuiaj amo uelis tikijiyouisej se tlaouijkayotl, toTeotsij “kimati para tojuantij san tielij tlaltejpoktli”, uan kimati onka se keski tlamantli tlen amo uelis tijchiuasej (Sal. 103:14). Pampa titlajtlakolejkej, miakpa timokuapolouaj ika san se tlamantli. Uelis nochi tikijtojtokej se tlenijki tlen amo kinamikiyaya, techyoltilantok se tlamantli tlen amo kuali uan tikixtokakej se tlamantli tlen amo toaxka. Maske Jehová amo kiampa kipano, kena kimati tlake tijyolmatij (Is. 40:28).
(Sl 147:19, 20) Yajaya kinmakak israelitajmej itlanauatiljuaj, uan kiniljuijtok nochi tlen kuali ma kichiuakaj ipan ininaltepe, para tetlajtolsenkauasej xitlauak. 20 TOTEKO axkinchiuilijtok ni tlamantli tlakamej ipan sekinok tlaltinij. Inijuantij aya kiixmatij itlanauatiljuaj, pero tojuantij, kena. ¡Pakilistli!
¿Kenke moneki tijueyichiuasej Jehová?
18 Katli kiijkuilok nopa salmo kimatiyaya Jehová kinteochijtoya israeleuanij pampa san inijuantij kinmakatoya “itlanauatiljuaj”, kiniljuijtoya tlake “kuali ma kichiuakaj ipan ininaltepe” uan kenijkatsa “tetlajtolsenkauasej xitlauak” (xijpoua Salmo 147:19, 20). Jehová nojkia techteochijtok pampa techtlapejpenijtok ma tikinpouilikaj sekinok tlen ya. Tojuantij kuali tikixmatij toTeotsij, uan techyakana ika iTlajtol. Uan nojkia uelis timouampojchiuasej iuaya. Yeka tlauel tijtlaskamatiliaj. Sanse kej kichijki katli kiijkuilok Salmo 147, tojuantij nojkia uelis tijueyichiuasej Jehová pampa techmakatok miak tlamantli uan uelis tikinyololinisej sekinok nojkia ma kiueyichiuakaj.
Xijpanti tlamachtili tlen tlauel ipati
(Sl 148:12, 13) Ma kipakilismakakaj telpokamej, ichpokamej, ueuentsitsij, uan konemej. 13 Ma kipakilismakakaj TOTEKO pampa san yajaya kinamiki tijueyimatisej. Iueyitilis nelueyi hasta kipano iluikaktli uan tlaltipaktli.
¿Kenijkatsa Jehová kiyakana itlanechikol?
3. ¿Tlake moneki kichiuas se Jehová itekipanojka?
Nochi toikniuaj kiueyichiuaj Jehová itoka ipan tlanechikoli kema tlanankiliaj, tlamachtiaj uan kema uikaj. Nojkia kiueyichiuaj kema tlajtolmoyauaj, uan sejse itekipanojka kichiua kampeka tlajtolmoyauas tlen ya ueli (xijpoua Salmo 148:12, 13).
KUALI XIMOMACHTI
Ma tikitakaj kenijkatsa Jesús kinyakana itokilijkauaj, kenijkatsa ueuejtlakamej kichiuaj kej ya uan kenijkatsa uelis tijchiuasej tlen Jesús kiijtok uan tikinpaleuisej ueuejtlakamej.
FEBRERO 17-23
TLEN TLAUEL IPATI KATLI BIBLIA TLAMACHTIA PROVERBIOS 1
Telpokatl, ¿ajkia tijtlakakilis?
(Pr 1:8) Tinotelpoka, xijtlakakili tlen motata uan monana mitsmachtiaj, uan amo xijuejkamajkaua inintlajtol.
Amo tleno ma techtsakuili tijselisej tlen tijchiaj
16 Uelis ta tieli se piltelpokatsi, uan timoiljuia motatauaj, katli kitekipanouaj toTeotsij, amo mitskauaj xijchiua yon se tlamantli. Uelis nopa kichiua ximoiljui tlaj nelia tlauel kuali tijtekipanos Jehová o amo. Tlaj ta tijtlauelkauas toTeotsij, tikitas amo aka kitekipachoua tlen mitspano, kej kichiuaj motatauaj uan toikniuaj.
17 Tlaj motatauaj amo kema mitstlalnamiktiskiaj, ¿timoiljuiskia motatauaj nelia kintekipachoua tlen mitspano? (Heb. 12:8). Uelis amo mitspaktia kenijkatsa mitstlalnamiktiaj. Amo ximoiljui ipan nopa tlamantli, kualtiaskia timoiljuis kenke mitstlalnamiktiaj. Yeka amo xikualani uan xijchiua kampeka kuali tikinnankilis. Biblia kiijtoua: “Se tlen kimokuitlauia ikamak para axkamatis tlauel, yajaya kipia tlalnamikilistli. Se tlakatl tlen kimachilia miak tlamantli axnimantsi kualani” (Prov. 17:27). Ximosentlali kuali titlalnamikis uan amo xikualani kema mitstlajtolmakaj, uan ximoiljui kenijkatsa mitspaleuis tlen mitsiljuisej maske amo mitspaktis kej mitsiljuisej (Prov. 1:8). Tlauel mitspaleuis tlaj motatauaj kiikneliaj Jehová. Inijuantij kinekij mitspaleuisej xijseli nopa nemilistli tlen toTeotsij techmakas.
(Pr 1:10) Notelpoka, intla ualauij tlaixpanojka tlakamej uan kinekij mitskajkayauasej, amo xikinkauili.
(Pr 1:15) Pero notelpoka, na nimitsiljuia amo xia ininuaya, niyon amo xijtokili ininojui. San xikintlalkaui.
w05-S 15/2 19, 20 párrs. 11, 12
Protejamos nuestra identidad cristiana
11 Procuremos agradar a Dios, y no al hombre. Es natural que la pertenencia a un grupo defina en parte nuestra identidad. Todos necesitamos amigos, y nos agrada sentirnos aceptados. Durante la adolescencia —y también en otras etapas de la vida—, la presión de los compañeros puede ser intensa, lo que produce un fuerte deseo de imitar o agradar a los demás. Pero hay que tener en cuenta que los compañeros no siempre desean lo mejor para nosotros. A veces simplemente quieren tener a alguien con quien realizar sus fechorías (Proverbios 1:11-19). Cuando un cristiano sucumbe ante la presión de hacer algo malo, suele ocultar su identidad (Salmo 26:4). “No traten de imitar el modo de vivir de este mundo”, aconsejó el apóstol Pablo (Romanos 12:2, La Escritura Santa). Jehová nos suministra la fortaleza que precisamos para combatir tal presión (Hebreos 13:6).
12 Cuando la presión exterior amenaza con arruinar nuestro sentido de la identidad cristiana, conviene recordar que nuestra lealtad a Jehová es mucho más importante que la opinión pública o las tendencias populares. Las palabras de Éxodo 23:2 nos sirven de pauta: “No debes seguir tras la muchedumbre para fines malos”. En la ocasión en que la mayoría de los israelitas dudaron de la capacidad de Jehová para cumplir sus promesas, Caleb se negó rotundamente a apoyarlos. Estaba convencido de que las promesas de Dios eran fidedignas, postura que le reportó abundantes bendiciones (Números 13:30; Josué 14:6-11). ¿Estamos también dispuestos a resistir la presión de la mayoría y proteger nuestra relación con Dios?
Xijpanti tlamachtili tlen tlauel ipati
(Pr 1:22, TNM) Inmojuantij katli amo inkimatij miak tlamantli, ¿kema inkinekisej inmomachtisej? Inmojuantij katli intepinajtiaj, ¿kema ayokmo inmechpaktis intepinajtisej? Uan inmojuantij katli inuiuitikej, ¿kema ayokmo inkikualankaitasej tlalnamikilistli?
w22.10 19 párr. 6; 21 párr. 11
Tlalnamikilistli moketsa ipan ueyi ojtli
6 Miakej maseualmej amo kinekij kikakisej nopa tlalnamikilistli tlen Jehová temaka. Biblia kiijtoua onka eyi pamitl maseualmej katli amo kinekij kitlakakilisej toTeotsij itlalnamikilis: katli amo kimatij miak tlamantli, katli tepinajtiaj uan katli uiuitikej (xijpoua Proverbios 1:22, TNM; 1:23-25). Ma tikitakaj kenke ni maseualmej amo kiseliaj toTeotsij itlalnamikilis uan tlake uelis tijchiuasej tlaj amo tijnekij tielisej kej inijuantij.
11 Nopa expa pamitl maseualmej katli amo kiseliaj toTeotsij itlalnamikilis elij katli uiuitikej. Kiampa kiniljuiaj pampa amo kinekij monejnemiltisej kej Biblia kiijtoua uan kichiuaj san tlen inijuantij moiljuiaj kuali (Prov. 12:15). Amo kinekij kitlakakilisej Jehová, katli temaka tlalnamikilistli (Sal. 53:1). Kema tikinpantiaj kampa titlajtolmoyauaj, tlauel techtlaijiljuiaj pampa timoyakanaj ika tlen Biblia kiijtoua. Maske techtlaijiljuiaj, amo uelis techpaleuis tlen kiijtouaj. Biblia kiijtoua: “Se tlakatl tlen uiuitik axueli kiaxilis tlalnamikilistli, niyon axkimatis tlachke kiijtos kema kiuikasej ipan tekikali para kitlajtolsenkauasej” (Prov. 24:7). Tlen kiijtouaj katli uiuitikej amo techpaleuia, yeka Jehová techiljuia: “Ximouejkatlali ika tlen kichiua se tlakatl tlen uiuitik” (Prov. 14:7).
FEBRERO 24-MARZO 2
TLEN TLAUEL IPATI KATLI BIBLIA TLAMACHTIA PROVERBIOS 2
¿Kenke moneki tijchiuasej kampeka timomachtisej?
(Pr 2:3, 4) Xijtemo tlalnamikilistli. Kena, ika nochi moyolo ximomachti para más tijmachilis tlamantli. 4 Xikintemo ni tlalnamikilistli uan tlaixmatili ika nochi moyolo keja tijtemoskia miak tomij tlen motlatijtok, o keja tijtemoskia se tlamantli tlen nelpatiyo tlen tijpolojtoya.
Ma tijneltokatokaj tlen melauak
16 Maske amo nochi techpaktia titlapouasej uan timomachtisej, Jehová kineki nojua ma timomachtijtokaj uan kiampa kuali tijkuamachilisej tlen melauak (xijpoua Proverbios 2:4-6). Tlauel techpaleuis tlaj kuali timomachtisej. Toikni Corey kiijtoua kema momachtia Biblia, san mosentlalia ipan se versículo. Ya kiijtoua: “Nijpoua notas tlen eltok kampa tlami iamayo, nijtemoua textos tlen mouika ika nopa versículo uan nijtemoua sekinok tlamachtili. […] Kiampa nijyekoua miak tlamantli ipan tlen nijpoua”. Maske uelis amo timomachtiaj sanse kej kichiua toikni, tlaj tijkixtiaj tonali uan tijchiuaj kampeka kuali timomachtisej, tijnextisej tijpatiitaj tlen melauak (Sal. 1:1-3).
(Pr 2:5-7) Uan uajka kena, tijmachilis para tlauel moneki tijtlepanitas uan tijmakasis TOTEKO, uan teipa tikixmatis ya. 6 Pampa san yajaya TOTEKO temaka tlalnamikilistli, uan tlen ya uala nochi tlamatilistli uan tlamachilistli. 7 Kena, TOTEKO kinmaka se kuali tlalnamikilistli nochi tlakamej tlen itstokej xitlauakej. Kinmanauia tlen nemij kuali iixpa.
Tlalnamikilistli moketsa ipan ueyi ojtli
3 Kema se akajya nelnelia tlalnamiki, amo san kichiua tlen kiyekojtok kema kitlapejpenia se tlenijki. Nojkia kichiua tlen kiijtoua Proverbios 9:10: “Tlalnamikilistli peua kema se akajya kiimakasi uan kitlepanita toTeko. Uan intla se akajya kiixmatis toTeko tlen tlatsejtseloltik kichiuas para kimachilis miak tlamantli”. Uajka, kema tijtlapejpenisej tijchiuasej se tlamantli, moneki timoyakanasej ika tlen Jehová moiljuia. Uelis tijmatisej tlake moiljuia tlaj timomachtisej Biblia uan amatlajkuiloli. Tlaj kiampa tijchiuasej, uelis tijnextisej nelia titlalnamikij (Prov. 2:5-7).
4 San Jehová ueli temaka tlalnamikilistli (Rom. 16:27). ¿Kenke kiampa tikijtouaj? Se, pampa ya techchijchijki uan kuali kiixmati nochi tlen kichijchijtok (Sal. 104:24). Ome, pampa nochi tlen kichiua kinextia ya tlauel tlalnamiki (Rom. 11:33). Uan eyi, pampa tlen ya tetlajtolmaka tlauel kinpaleuia katli kichiuaj ipan ininnemilis (Prov. 2:10-12). Tlaj tijnekij nelia titlalnamikisej moneki tijneltokasej ni eyi tlamantli uan tijkauasej ma techyakana kema tijtlapejpenisej o tijchiuasej se tlamantli.
(Pr 2:11, 12) Uan pampa tielis titlalnamiki uan tijmatis miak, motlalnamikilis mitsmokuitlauis. Kena, tlen tijmatis mitschiuas para tiitstos ika temachili. 12 Motlalnamikilis uan nopa tlen tijmatis mitsmanauisej para axtias ipan ojtli tlen axkuali. Kena, mitsmakixtis ininmako tlakamej tlen tlauel fiero kamatij.
Telpokamej uan ichpokamej, nojua kuali xitlaneltokakaj
2 Ipan ni tonali miakej maseualmej amo kineltokaj tlaj toTeotsij techchijchijki. Tlaj ta titelpokatl o tiichpokatl uan tijtekipanoua Jehová o peua timomachtia tlen Biblia, uelis kemantika tijneki tijmatis kenijkatsa uelis tijnextis toTeotsij yaya techchijchijki. ToTeotsij iTlajtol kiijtoua: “Motlalnamikilis mitsmokuitlauis”. ¿Kenijkatsa mitsmokuitlauis? Mitspaleuis amo xijneltoka tlen sekinok moiljuiaj uan kiampa nojua kuali titlaneltokas ipan Jehová (xijpoua Proverbios 2:10-12).
3 Tlaj tijnekij kuali titlaneltokasej ipan Jehová, moneki kuali tikixmatisej (1 Tim. 2:4). Yeka, kema tijpouas Biblia uan amatlajkuiloli, tlauel moneki timoketstias uan kuali timoyoliljuis tlen tijpoua, uan xijchiua kampeka kuali tijkuamachilis (Mat. 13:23). Tlaj kiampa tijchiuas kema timomachtis, tikitas miak tlamantli tlen kinextia nelia Jehová techchijchijki uan tikitas nelia itlalnamikilis tlen ijkuilijtok ipan Biblia (Heb. 11:1). Ma tikitakaj kenijkatsa uelis tijchiuas ni.
Xijpanti tlamachtili tlen tlauel ipati
(Pr 2:4-6) Xikintemo ni tlalnamikilistli uan tlaixmatili ika nochi moyolo keja tijtemoskia miak tomij tlen motlatijtok, o keja tijtemoskia se tlamantli tlen nelpatiyo tlen tijpolojtoya. 5 Uan uajka kena, tijmachilis para tlauel moneki tijtlepanitas uan tijmakasis TOTEKO, uan teipa tikixmatis ya. 6 Pampa san yajaya TOTEKO temaka tlalnamikilistli, uan tlen ya uala nochi tlamatilistli uan tlamachilistli.
Ma tijneltokatokaj tlen melauak
16 Maske amo nochi techpaktia titlapouasej uan timomachtisej, Jehová kineki nojua ma timomachtijtokaj uan kiampa kuali tijkuamachilisej tlen melauak (xijpoua Proverbios 2:4-6). Tlauel techpaleuis tlaj kuali timomachtisej. Toikni Corey kiijtoua kema momachtia Biblia, san mosentlalia ipan se versículo. Ya kiijtoua: “Nijpoua notas tlen eltok kampa tlami iamayo, nijtemoua textos tlen mouika ika nopa versículo uan nijtemoua sekinok tlamachtili. […] Kiampa nijyekoua miak tlamantli ipan tlen nijpoua”. Maske uelis amo timomachtiaj sanse kej kichiua toikni, tlaj tijkixtiaj tonali uan tijchiuaj kampeka kuali timomachtisej, tijnextisej tijpatiitaj tlen melauak (Sal. 1:1-3).