Kusukela Ekuvusweni kukaJesu Kusiya Ekubotshweni kukaPhawuli

UJesu wafa wasevuswa ngemva kwamalanga amathathu. Ngalelolanga lesithathu wabonakala kubalandeli bakhe kahlanu. UJesu wayelokhe ebonakala kubo okwamalanga angu-40. Ngemva kwalokho, abanye abalandeli bakaJesu bambukela esiya ezulwini. Ngemva kwamalanga angu-​10, uNkulunkulu wathululela umoya ongcwele kubalandeli bakaJesu ababemelele eJerusalema.

Izitha zikaNkulunkulu zenza ukuthi abaphostoli bahambe ejele, kodwa ingilosi yabakhulula. Abaphikisi bakhanda umfundi uStefane ngamatshe waze wafa. Sifunda langendlela uJesu akhetha ngayo omunye wabaphikisi waba yinceku yakhe eqakathekileyo. Umphikisi lo wabizwa ngokuthi umphostoli uPhawuli. Ngemva kweminyaka emithathu lezinyanga eziyisithupha uJesu efile, uNkulunkulu wathuma umphostoli uPhethro ukuthi ayetshumayeza uKhoneliya lemuli yakhe. UKhoneliya wayengayisuye umJuda

Sekudlule iminyaka engu-​13, uPhawuli waqalisa uhambo lwakhe lwakuqala esiyatshumayela. Ohambweni lwakhe lwesibili wahamba loThimothi. Sifunda ngezikhathi ezithokozisayo uPhawuli labangane bakhe ayehamba labo ababa lazo bekhonza uNkulunkulu. Ekucineni uPhawuli wafakwa ejele eRoma. Ngemva kweminyaka emibili, uPhawuli wakhululwa kodwa wabuyiselwa futhi ejele wasebulawa. Okukungxenye 7 kwenzakala eminyakeni engu-32.