२५ तर ती मानिसहरूले त्यस वृद्ध पुरुषको कुरा सुन्दै सुनेनन्‌। त्यसैले त्यहाँ बास बसेका लेवीले आफ्नी उपपत्नीलाई समाएर बाहिर ती मानिसहरूकहाँ ल्याइदिए।+ तिनीहरूले त्यस स्त्रीलाई रातभरि बलात्कार गर्नुका साथै दुर्व्यवहार गरे। अनि भोलिपल्ट बिहान मिरमिरेमा तिनीहरूले उसलाई पठाइदिए। २६ बिहान मिरमिरेमा त्यो स्त्री आएर ती वृद्ध पुरुषको घरको ढोकाअगाडि लडी, जहाँ उसका पति बास बसिरहेका थिए। अनि उज्यालो नहोउन्जेल त्यो स्त्री त्यहीँ लडिरही।