४४ “यदि तपाईँले आफ्नो प्रजालाई आफ्ना शत्रुहरूसित लडाइँ गर्न कतै पठाउनुभयो+ र तिनीहरूले तपाईँले रोज्नुभएको यस सहरतर्फ+ र मैले तपाईँको नामको निम्ति बनाएको यस भवनतर्फ+ फर्केर प्रार्थना गरे भने+ हे यहोवा, ४५ स्वर्गबाट तिनीहरूको प्रार्थना र तपाईँको कृपाको लागि तिनीहरूले गरेको बिन्ती सुन्‍नुहोस्‌ अनि तिनीहरूको न्याय गरिदिनुहोस्‌।

११ त्यसपछि आसाले आफ्ना परमेश्‍वर यहोवालाई पुकार्दै यसो भने:+ “हे यहोवा, तपाईँ जसलाई मदत गर्न चाहनुहुन्छ, तिनीहरूलाई अवश्‍य मदत गर्न सक्नुहुन्छ, चाहे तिनीहरू सङ्‌ख्यामा धेरै होऊन्‌ वा चाहे तिनीहरूसित कुनै शक्‍ति नहोस्‌।+ हे हाम्रा परमेश्‍वर यहोवा, हामीलाई मदत गर्नुहोस्‌ किनकि हामी तपाईँमै भर परेका छौँ।+ अनि तपाईँको नाममा हामी यो विशाल सेनासित लड्‌न आएका छौँ।+ हे यहोवा, तपाईँ हाम्रा परमेश्‍वर हुनुहुन्छ। मरणशील मानिसलाई तपाईँमाथि विजयी हुन नदिनुहोस्‌।”+

५ यहुदा र यरुसलेमका मानिसहरूको समुदाय यहोवा परमेश्‍वरको भवनमा नयाँ चोकको अगाडि भेला भएको थियो। तब यहोसापात मानिसहरूको समुदायसामु खडा भए ६ अनि यसो भने:

“हे हाम्रा पितापुर्खाका परमेश्‍वर यहोवा! के स्वर्गमा तपाईँबाहेक अरू कुनै ईश्‍वर छ र?+ सबै राष्ट्रमाथि के तपाईँकै अधिकार छैन र?+ तपाईँको हातमा सामर्थ्य र पराक्रम छ। तपाईँविरुद्ध कोही पनि खडा हुन सक्दैन।+