२४ तब केनानाका छोरा सिदकियाहले मिकायाहलाई थप्पड हानेर यसो भने: “यहोवा परमेश्‍वरको शक्‍तिले कहिलेदेखि मसँग कुरा गर्न छोडेर तिमीसित कुरा गर्न थाल्यो?”+ २५ मिकायाहले जवाफ दिए: “जुन दिन तिमी घरको कुनाको कोठामा गएर लुक्नेछौ, त्यही दिन तिमीले यसको जवाफ पाउनेछौ।” २६ तब इस्राएलका राजाले भने: “मिकायाहलाई लगेर सहरका प्रमुख अमोन र राजकुमार योआसको हातमा सुम्पिदेओ। २७ उनीहरूलाई भन्‍नू: ‘राजा यसो भन्‍नुहुन्छ, “यसलाई झ्यालखानामा जाकिदेओ।+ म सकुशल नफर्केसम्म यसलाई थोरै रोटी र पानी मात्र दिने गर्नू।”’” २८ तर मिकायाहले भने: “यदि तपाईँ सकुशल यहाँ फर्कनुभयो भने यहोवा परमेश्‍वरले मसँग कुरा गर्नुभएको होइन रहेछ भनेर साबित हुनेछ।”+ तिनले यसो पनि भने: “हे मानिसहरू हो, यो कुरा नबिर्सनू।”