४४ “ती राजाहरूको समयमा स्वर्गका परमेश्‍वरले एउटा राज्य खडा गर्नुहुनेछ,+ जुन कहिल्यै नाश हुनेछैन।+ अनि त्यो राज्य अरू कसैको* हातमा दिइनेछैन।+ त्यसले यी सबै राज्यलाई चकनाचुर पारिदिनेछ र तिनीहरूको नामोनिसान मेटिदिनेछ।+ अनि यो राज्यले चाहिँ सदासर्वदा शासन गर्नेछ।+ ४५ हजुरले सपनामा देख्नुभएअनुसारै यो हुनेछ। हजुरले पहाडबाट कसैको हातले नकाटीकनै एउटा ढुङ्‌गा आएको देख्नुभएको थियो। अनि त्यस ढुङ्‌गाले फलाम, तामा, माटो, चाँदी र सुनलाई धुलोपिठो पारेको थियो।+ भविष्यमा हुने कुरा महान्‌ परमेश्‍वरले हजुरलाई प्रकट गर्नुभएको छ।+ यो सपना सत्य हो र यसको अर्थ पनि भरपर्दो छ।”