भजनसङ्‌ग्रह

२९ हे वीरहरूका छोराहरू हो, यहोवाको आदर गर,

यहोवाको मान गर किनकि उहाँ महिमावान्‌ र शक्‍तिशाली हुनुहुन्छ।+

 २ यहोवाको नामले पाउनुपर्ने महिमा उहाँलाई देओ;

पवित्र पोसाक लगाएर* यहोवालाई दण्डवत्‌ गर।*

 ३ यहोवाको स्वर बादलमाथिबाट* सुनिन्छ,

महिमित परमेश्‍वर गर्जनुहुन्छ।+

यहोवा बाक्लो बादलमाथि हुनुहुन्छ।+

 ४ यहोवाको स्वर शक्‍तिशाली छ;+

यहोवाको स्वर बेजोड छ।

 ५ यहोवाको स्वरले देवदारका रूखहरू भाँचिन्छन्‌;

हो, यहोवाले लेबनानको देवदारका रूखहरूलाई टुक्राटुक्रा पार्नुहुन्छ।+

 ६ उहाँको स्वर सुनेर लेबनान* बाछाजस्तै

अनि सिरिओन+ जङ्‌गली बहरजस्तै उफ्रन्छ।

 ८ यहोवाको स्वर सुनेर निर्जनभूमि काँप्छ;+

यहोवाले गर्दा कादेसको निर्जनभूमि थरथराउँछ।+

 ९ यहोवाको स्वर सुनेर हरिणी डरले काँप्छे र ब्याउँछे

अनि जङ्‌गलहरू उजाड हुन्छन्‌।+

अनि उहाँको मन्दिरमा हुने सबैले भन्छन्‌: “परमेश्‍वरको महिमा होस्‌!”

१० यहोवा पानीको विशाल भेलमाथि* विराजमान हुनुहुन्छ;+

यहोवा सिंहासनमा बस्नुभएको छ र उहाँको शासनको अन्त कहिल्यै हुनेछैन।+

११ यहोवाले आफ्ना मानिसहरूलाई बल दिनुहुनेछ,+

यहोवाले आफ्ना मानिसहरूलाई शान्तिको वरदान दिनुहुनेछ।+