भजनसङ्‌ग्रह

१ आनन्दित हो त्यो मानिस, जो दुष्टहरूको सल्लाहअनुसार चल्दैन,

जो पापीहरूको मार्गमा उभिँदैन+

अनि खिसी गर्नेहरूसित उठबस गर्दैन।+

 २ तर यहोवाको व्यवस्थामा ऊ प्रसन्‍न रहन्छ+

र दिनरात उहाँको व्यवस्था गुनगुनाएर पढ्‌छ।*+

 ३ ऊ खोलाको छेउमा रोपिएको रूखजस्तै हुनेछ,

जसले आफ्नो ऋतुमा फल दिन्छ,

जसको पात कहिल्यै ओइलाउँदैन।

 ४ तर दुष्टहरू त्यस्ता हुँदैनन्‌;

तिनीहरू बतासले उडाएर लैजाने भुसजस्तै हुन्छन्‌।

 ५ त्यसैले न्यायको समयमा दुष्टहरू खडा रहन सक्दैनन्‌+

अनि पापीहरू धर्मीहरूको समुदायमा टिक्न सक्दैनन्‌।+

 ६ किनकि यहोवा धर्मीहरूको मार्ग जान्‍नुहुन्छ+

तर दुष्टहरूको मार्ग नष्ट हुनेछ।+