भजनसङ्ग्रह
९९ यहोवा राजा हुनुभएको छ।+ मानिसहरू थरथर काँपून्।
उहाँ करूबहरूभन्दा माथि* विराजमान हुनुहुन्छ।+ पृथ्वी थरथराओस्।
२ यहोवा सियोनमा महान् हुनुहुन्छ;
उहाँ उच्च हुनुहुन्छ, सबै मानिस उहाँको अधीनमा छन्।+
३ तिनीहरूले तपाईँको महान् नामको प्रशंसा गरून्+
किनकि त्यो श्रद्धा जगाउने र पवित्र छ।
४ उहाँ पराक्रमी राजा हुनुहुन्छ, जो न्याय मन पराउनुहुन्छ।+
जे सही छ, त्यसलाई तपाईँले स्थिर पार्नुभएको छ।
तपाईँले याकुबमा न्याय र धार्मिकता+ स्थापना गर्नुभएको छ।
६ मोसा र हारुन उहाँका पुजारीहरूमध्येका थिए+
अनि समुएल उहाँको नाम पुकार्नेहरूमध्येका थिए।+
तिनीहरू यहोवालाई पुकार्थे
अनि उहाँ तिनीहरूलाई जवाफ दिनुहुन्थ्यो।+
७ उहाँ तिनीहरूसित बादलको खामोबाट बोल्नुहुन्थ्यो।+
उहाँले तिनीहरूलाई दिनुभएका सम्झौटाहरू र आज्ञाहरू तिनीहरूले पालन गरे।+