भजनसङ्ग्रह
११८ यहोवालाई धन्यवाद चढाओ किनकि उहाँ भला हुनुहुन्छ;+
उहाँको अटल प्रेम कहिल्यै टल्दैन।
२ अब इस्राएलले भनोस्:
“उहाँको अटल प्रेम कहिल्यै टल्दैन।”
३ अब हारुनको घरानाले भनोस्:
“उहाँको अटल प्रेम कहिल्यै टल्दैन।”
४ अब यहोवाको डर मान्नेहरूले भनून्:
“उहाँको अटल प्रेम कहिल्यै टल्दैन।”
७ यहोवा मेरो साथमा हुनुहुन्छ, उहाँ मेरो मदतगार हुनुहुन्छ;*+
मलाई घृणा गर्नेहरूको पराजय मैले देख्नेछु।+
८ मानिसमा भरोसा गर्नुभन्दा
यहोवामा शरण लिनु उत्तम हो।+
९ शासकहरूमा भरोसा गर्नुभन्दा
यहोवामा शरण लिनु उत्तम हो।+
११ तिनीहरूले मलाई घेरे, हो, चारैतिरबाट घेरे
तर यहोवाको नाममा
मैले तिनीहरूलाई खेदेँ।
१२ मौरीले घेरेझैँ तिनीहरूले मलाई घेरेका थिए
तर काँडा-घारीको आगो तुरुन्तै निभेझैँ तिनीहरू निभिहाले।
यहोवाको नाममा
मैले तिनीहरूलाई खेदेँ।+
१३ मलाई लडाउन बेसरी धक्का दिइयो*
तर यहोवाले मलाई मदत गर्नुभयो।
१४ याह मेरो शरण र मेरो बल हुनुहुन्छ,
उहाँ मेरो उद्धारक हुनुभएको छ।+
१५ धर्मीहरूको उद्धार* भएको छ;
त्यसैले तिनीहरूको पालमा जयजयकारको आवाज सुनिन्छ।
यहोवाको दाहिने हातले आफ्नो शक्ति प्रकट गरेको छ।+
१६ यहोवाको दाहिने हात माथि उचालिएको छ;
यहोवाको दाहिने हातले आफ्नो शक्ति प्रकट गरेको छ।+
१७ अहँ, म मर्दिनँ, म बाँच्नेछु
र याहका कामहरूको घोषणा गर्नेछु।+
१९ मेरो लागि धार्मिकताको ढोका खोलिदिनुहोस्।+
म त्यहाँबाट प्रवेश गर्नेछु र याहको प्रशंसा गर्नेछु।
२० यो यहोवाको ढोका हो।
धर्मीहरू यसबाट प्रवेश गर्नेछन्।+
२१ म तपाईँको प्रशंसा गर्नेछु किनकि तपाईँले मलाई जवाफ दिनुभयो+
र तपाईँ मेरो उद्धारक हुनुभयो।
२४ यो दिन यहोवाले नै तोक्नुभएको हो;
हामी हर्ष र आनन्द मनाउनेछौँ।
२५ हे यहोवा, कृपा गरी हामीलाई बचाउनुहोस्, बिन्ती छ!
हे यहोवा, बिन्ती छ, हामीलाई विजयी तुल्याउनुहोस्!
२७ यहोवा परमेश्वर हुनुहुन्छ;
उहाँले हामीलाई ज्योति दिनुहुन्छ।+
हातमा हाँगाहरू लिएर हामीसँगै चाडको जुलुसमा आओ,+
हामी वेदीको सिङसम्मै जाऔँ।+
२८ तपाईँ मेरा परमेश्वर हुनुहुन्छ र म तपाईँको प्रशंसा गर्नेछु;
मेरा परमेश्वर, म तपाईँको जयजयकार गर्नेछु।+