भजनसङ्ग्रह
३३ हे धर्मीहरू हो, यहोवाले गर्नुभएका असल कुराहरूको लागि खुसीले कराओ।+
सोझाहरूले उहाँको प्रशंसा गर्न सुहाउँछ।
२ वीणा बजाएर यहोवालाई धन्यवाद चढाओ;
दस-तारे बाजा बजाएर उहाँको स्तुति गाओ।*
३ उहाँको लागि एउटा नयाँ गीत गाओ;+
तारे बाजा राम्ररी बजाओ र जयजयकार गर।
४ किनकि यहोवाको वचन सच्चा छ;+
उहाँ जे गर्नुहुन्छ, ती सबै भरोसायोग्य छन्।
७ उहाँ समुद्रको पानीलाई बाँधले जस्तै जम्मा गर्नुहुन्छ;+
उर्लँदो पानीलाई भण्डारमा सञ्चय गर्नुहुन्छ।
८ सारा पृथ्वीले यहोवाको भय मानोस्।+
धर्तीका सबै बासिन्दाले उहाँको श्रद्धा गरून्।
१२ आनन्दित हो त्यो जाति, जसको परमेश्वर यहोवा हुनुहुन्छ;+
ती मानिसहरू, जसलाई उहाँले आफ्नो सम्पत्तिको रूपमा रोज्नुभएको छ।+
१३ यहोवा स्वर्गबाट तल हेर्नुहुन्छ;
उहाँको नजर सबै मानिसमाथि रहन्छ।+
१४ उहाँ आफ्नो निवासस्थानबाट
पृथ्वीका सबै बासिन्दामाथि नजर लगाउनुहुन्छ।
१५ सबैको हृदय रच्ने उहाँ नै हुनुहुन्छ;
उहाँले तिनीहरूका सबै काम जाँच्नुहुन्छ।+
१६ कुनै पनि राजा आफ्नो विशाल सेनाको भरमा बच्न सक्दैन;+
बलवान् मानिसलाई उसको ठूलो बलले जोगाउन सक्दैन।+
२० हामी यहोवाको बाटो हेरिरहन्छौँ।
उहाँ हाम्रो मदतगार र ढाल हुनुहुन्छ।+
२१ उहाँको कारण हाम्रो हृदय हर्षित हुन्छ
किनकि हामीले उहाँको पवित्र नाममा भरोसा गरेका छौँ।+