भजनसङ्‌ग्रह

१४९ याहको प्रशंसा गर!*

यहोवा परमेश्‍वरको निम्ति एउटा नयाँ गीत गाओ;+

वफादार जनहरूको समुदायमा उहाँको प्रशंसा गर।+

 २ इस्राएल आफ्ना महान्‌ रचनाकारको कारण रमाओस्‌;+

सियोनका छोराहरू आफ्ना राजाको कारण रमाऊन्‌।

 ३ तिनीहरूले नाच्दै यहोवाको नामको प्रशंसा गरून्‌+

अनि खैँजडी र वीणा बजाउँदै उहाँको स्तुति गाऊन्‌।*+

 ४ यहोवा आफ्ना मानिसहरूसित खुसी हुनुहुन्छ।+

नम्रहरूको उद्धार गरेर उहाँ तिनीहरूको शोभा बढाउनुहुन्छ।+

 ५ वफादार जनहरू महिमा पाएकोमा रमाऊन्‌;

तिनीहरूले आफ्नो ओछ्यानमा खुसीले जयजयकार गरून्‌।+

 ६ तिनीहरूको गलाबाट परमेश्‍वरको प्रशंसा गर्ने गीत गुञ्जियोस्‌।

तिनीहरूको हातमा दुईधारे तरबार होस्‌

 ७ ताकि तिनीहरूले राष्ट्रहरूसित बदला लिन सकून्‌

अनि जातिजातिलाई सजाय दिन सकून्‌,

 ८ उनीहरूका राजाहरूलाई साङ्‌लाले बाँध्न सकून्‌

अनि उनीहरूका प्रतिष्ठित मानिसहरूलाई फलामको नेल ठोक्न सकून्‌