जागा रहौँ, दह्रो होऔँ र पराक्रमी हुँदै जाऔँ!

१. होऔँ जागा अनि दह्रो;

गरौँ अठोट सहने।

अघि लम्कौँ वीर योद्धाझैँ;

हुनेछैन हार कैल्यै।

शिरोपर छ येसुको आज्ञा;

हुन्छौँ अटल उनकै छायामा।

२. होऔँ जागा, रहौँ सचेत;

आज्ञा सधैँ मान्‍नलाई।

गरौँ पालना निर्देशन;

विश्‍वासी दासले दिने।

गुनौँ मनमा एल्डरका अर्ती;

सत्य र बगाल जोगाउँछन्‌ ती।

३. होऔँ जागा, बनाऔँ एकता;

सुसन्देशको पक्षमा।

जतिसुकै गर्जोस शत्रु;

गरौँ काम अन्तसम्मै।

गाऔँ प्रशंसा चारैतिर;

छ है याहको दिन नजिकै!