^१२ भोलिपल्ट सीनै पर्वतमा मोशाले आफ्नो सामने यहोवाको भलाइ देखे। त्यतिबेला मोशाले परमेश्‍वरको महिमाको झलक देखे र यस्तो घोषणा पनि सुने: “परमप्रभुनै टिठाउनमा भरिपूर्ण र दयालु परमेश्‍वर, रीस गर्नमा ढीलो, र कृपा र सत्यतामा प्रशस्त हुनुहुन्छ, हजारौं हजारमाथि कृपा देखाउनुहुने, दुष्टता, अपराध, र पाप क्षमा गर्नुहुने, दोषीलाई कुनै किसिमले पनि निर्दोष नठहराउनुहुने, पिता-पुर्खाको दुष्टताको दण्ड तिनीहरूका छोरा-छोरीहरू, नाति-पनाति, र तेस्रो र चौथो पुस्तासम्म दिनुहुने हुनुहुन्छ।” (प्रस्थान ३४:६, ७) यी शब्दहरूले यहोवाको भलाइ उहाँको कृपा र उहाँको व्यक्‍तित्वका अन्य पक्षहरूसँग सम्बन्धित छ भनेर संकेत गर्छ। यी कुराहरूलाई विचार गर्दा हामीले भलाइ प्रदर्शन गर्न मदत पाउँछौं। हामी सबैभन्दा पहिला यस अद्‌भुत घोषणामा दुई चोटि उल्लेख गरिएको गुणमा ध्यान देऔं।

१३. परमेश्‍वरको भलाइको घोषणा गर्दा कुन गुण दुई-दुई चोटि उल्लेख गरिएको छ र यो किन एकदमै उपयुक्‍त छ?

^१३ “परमप्रभु . . . कृपा[ मा] प्रशस्त हुनुहुन्छ, हजारौं हजारमाथि कृपा देखाउनु[ हुन्छ]।” “कृपा” भनी अनुवाद गरिएको हिब्रू शब्दको अर्थ “वफादार प्रेम” पनि हो। परमेश्‍वरले मोशालाई गर्नुभएको घोषणामा दुई-दुई चोटि दोहऱ्‍याइएको गुण यही मात्र हो। यसरी दोहऱ्‍याइनु एकदमै उपयुक्‍त छ किनभने परमेश्‍वरको प्रमुख गुण प्रेम हो! (१ यूहन्‍ना ४:८) यहोवा ‘भलो हुनुहुन्छ, र उहाँको कृपा सदासर्वदा रहिरहन्छ’ भन्‍ने चिरपरिचित अभिव्यक्‍तिले यस गुणलाई प्रकाश पार्छ।