यो ज्ञानले बाइबलका विभिन्‍न घटनाहरू प्रति तपाईंको दृष्टिकोणमा असर पार्न सक्छ। शायद एलियाले उनको उत्तराधिकारी नियुक्‍त गरेको कुरा तपाईंले पढ़नु भएको होला: “तब उनले [एलियाले] शापातको छोरा एलीशालाई खेत जोतिरहेको भेट्टाए। तिनको सामने बाह्र हल गोरू थिए।” (१ राजा १९:१९) यो घटना कुन महिनामा घटेको हुनु पर्छ र खेत कस्तो देखिन्थ्यो होला? साथै, यूहन्‍ना ४:३५ मा येशूले एसो भन्‍नु भयो: “के तिमीहरू भन्दैनौ, अब चार महिना छ र बाली काटने बेला आउँछ? . . . आफ्ना आँखा गाड़ेर खेतबारीहरू हेर, किनभने ती अहिले देखिनै कटनीको लागि पहेंला भएका छन्‌।” येशूले यहाँ समय किटेर कुरा गर्नु भए तापनि, त्यो समय कहिले थियो, के तपाईं बुझ्नु हुन्छ?

एलिशाले अगमवक्‍ता हुने निम्तो, तिनी एउटा मुख्य हलो जोत्ने काममा लागेको बेलामा पाए। यस अनुसार, यो घटना घटेको समय तिश्री (सितम्बर-अक्‍तुबर) तिर हुनु पर्छ, जब ग्रीष्मको अत्यन्त ताप बिति सकेको हुन्छ। शुरू शुरूका पानीका झरीले गर्दा माटो पनि कमलो भएको हुन्छ, जसले गर्दा जोत्न र बिउ छर्न सम्भव हुन जान्छ।