त्यसैले यहोवाले ती मानिसहरूलाई चर्को मोल तिर्न लगाउनुको कारण बुझ्न सक्छौँ। तिनीहरूले सात वटा बहर र सात वटा थुमा बलिदान चढाउनुपर्ने थियो। यस्तो बलिदान चढाउन तिनीहरूले निकै खर्च गर्नुपर्ने थियो। किनकि मोसाको व्यवस्थाअनुसार प्रधान पुजारीको पापले गर्दा सम्पूर्ण राष्ट्र दोषी भयो भने तिनले बहर चढाउनुपर्थ्यो। (लेवी ४:३) मोसाको व्यवस्थाअनुसार बलिदान चढाइने जनावरहरूमध्ये बहर सबैभन्दा महँगो जनावर थियो। त्यति मात्र होइन, अय्युबका आरोपीहरूको खातिर अय्युबले प्रार्थना गरिदिएमा मात्र यहोवाले त्यो बलिदान स्विकार्नु हुनेथियो।d (अय्युब ४२:८) यहोवाले नै अय्युबलाई सही साबित गर्नुभएको र उहाँको निष्पक्ष न्याय देख्न पाउँदा तिनको मन कति हलुका भयो होला!