२:७; ३:५—सुलेमानका सुसारेहरूलाई किन “मृग र हरिणीका नाउँमा शपथ” खान लगाइन्छ? मृग र हरिणी अत्यन्त आकर्षक र सुन्दर हुन्छन्‌। सुलेमानका सुसारेहरूलाई जति पनि आकर्षक र सुन्दर-सन्दर चीजहरू छन्‌ ती सबको नाउँमा शपथ खान लगाएर शुलम्मेनी कन्याले तिनीभित्रको प्रेम नजगाउन अनुरोध गरिरहेकी छन्‌।

२:७; ३:५. गाउँले केटी शुलम्मेनी सुलेमानप्रति अलिकति पनि मोहित भइनन्‌। साथै, गोठालो केटाबाहेक अरूप्रति प्रेम जगाउने कोसिस नगर्न पनि तिनले सुलेमानका सुसारेहरूलाई अनुरोध गरिन्‌। कसैप्रति त्यतिकै मोहित हुनु न सम्भव छ न त उचित नै। विवाह गर्न चाहने अविवाहित मसीहीहरूले यहोवाका वफादार जनसित मात्रै विवाह गर्नुपर्छ।—१ कोरिन्थी ७:३९.