२. रुपैयाँ-पैसाप्रति सन्तुलित दृष्टिकोण राख्नु भनेको के हो?

हुनत बाइबलले “रुपैयाँ-पैसाले सुरक्षा दिन्छ” भनेर बताउँछ तर त्यसले मात्र हामीलाई आनन्दित बनाउन सक्दैन भनेर पनि सजग गराउँछ। (उपदेशक ७:१२) त्यसैले रुपैयाँ-पैसालाई प्रेम नगर्न बरु “अहिले आफूसित भएका कुराहरूमा सन्तुष्ट” हुन प्रोत्साहन दिइएको छ। (हिब्रू १३:५ पढ्‌नुहोस्‌।) हामी आफूसित भएका कुराहरूमा सन्तुष्ट भयौँ भने अझ धेरै धनसम्पत्ति थुपार्ने चाहनाले गर्दा निराश हुनेछैनौँ। साथै हामीले अनावश्‍यक ऋणको भार बोक्नुपर्दैन। (हितोपदेश २२:७) त्यति मात्र होइन, हामी जुवा खेल्ने र रातारात धनी हुने प्रलोभनहरूमा पर्नदेखि जोगिन्छौँ।

५. आफूसित भएका कुराहरूमा सन्तुष्ट हुँदा हाम्रै फाइदा हुन्छ

प्रायजसो मानिस धेरैभन्दा धेरै रुपैयाँ-पैसा कमाउन लागिपर्छन्‌। तर बाइबलको सल्लाह भने फरक छ। पहिलो तिमोथि ६:६-८ पढ्‌नुहोस्‌ अनि यो प्रश्‍न छलफल गर्नुहोस्‌:

• बाइबलले हामीलाई के गर्न प्रोत्साहन दिन्छ?

भिडियो: “अहिले आफूसित भएका कुराहरूमा सन्तुष्ट” हुनुहोस्‌ (३:२०)

• यी परिवारहरूसित थोरै रुपैयाँ-पैसा भए तापनि तिनीहरू किन आनन्दित छन्‌?

हामीसित प्रशस्तै रुपैयाँ-पैसा छ तर अझ धेरै थुपार्न चाहन्छौँ भने नि? येसुले यस्तो मनोवृत्ति कत्ति खतरनाक छ भनेर बुझाउन एउटा उदाहरण बताउनुभयो। लुका १२:१५-२१ पढ्‌नुहोस्‌ अनि यो प्रश्‍न छलफल गर्नुहोस्‌:

• येसुले बताउनुभएको उदाहरणबाट तपाईँले के सिक्नुभयो? —पद १५ हेर्नुहोस्‌।

हितोपदेश १०:२२ र १ तिमोथि ६:१० पढ्‌नुहोस्‌ अनि तुलना गर्नुहोस्‌। त्यसपछि यी प्रश्‍नहरू छलफल गर्नुहोस्‌:

• तपाईँको विचारमा यहोवासितको मित्रता र रुपैयाँ-पैसामध्ये कुनचाहिँ महत्त्वपूर्ण छ? किन?

• रुपैयाँ-पैसाको पछि लाग्दा के-कस्ता समस्या आइपर्छन्‌?