हामी आनन्दित हुनुको कारण

१. दिन प्रतिदिन बढ्‌दै छ हेर,

आनन्द र खुसी हाम्रो।

जाति जातिका असल व्यक्‍ति

ओइरिंदै छन्‌ हामीमाझ।

अनन्त छ हाम्रो आनन्द,

याहको वचनले दिने।

शिक्षा उनको सिक्छौं दिन दिनै;

विश्‍वासलाई बलियो पार्ने।

हो हाम्रो आनन्द छ पक्का,

मुटुमा ज्वालाझैं बल्छ।

परीक्षा र दुःख त आउँछन्‌

तर शक्‍ति या’ले दिन्छन्‌।

२. ती धर्ती, गगन अनि सागर;

कति सुन्दर याहका काम।

सृष्टिलाई नियाल्दै उनैको,

गर्दछौं प्रशंसा हामी।

फैलाउँछौं समाचार जोडतोडले,

भन्दै, “आयो राज्य या’को”;

यसले ल्याउँछ आशिष्‌ प्रशस्तै।

घोषणा हो यो खुसीको।

रातपछि दिन आएझैं आयो,

आनन्द हेर सदाको।

नयाँ स्वर्ग अनि पृथ्वीले

ल्याउनेछ बहार खुसीको।