क्षमा दिने गरौं

१. मायालु याहले

पठाए छोरा आफ्नो;

पापको क्षमा गर्न

अनि जड उखेल्न मृत्युको।

साँचो पश्‍चाताप गरेमा

पाउनेछौं क्षमा पापको;

बलिदान ख्रीष्टको सम्झँदै

नाम लिएमा उनैको।

२. पाउनेछौं है दया

या’को सिको गरेमा,

दया र माया देखाउँदै

सबलाई क्षमा गरेमा,

सहँदै सधैं अरूलाई

तीतोपना फालेमा,

आदर गर्दै भाइबैनीलाई

अटुट प्रेम देखाएमा।

३. सिकौं हामी सबै

कृपालु हुन सधैं।

इबी र रिस हुनेछैन

न हुनेछ घृणा नै।

अटुट प्रेमका खानी या’को

गर्दा जीवनमा सिको,

हुनेछौं साँच्चै क्षमाशील

हुनेछौं याह जस्तो।