Salmu

Ti yaphaama wiipa macipo oomucicimihano* Muluku ahu;

Ti yoohakalaliha nave ti yoophwanelela omucicimiha!

 2 Yehova orino omuteka Yerusalemu;

Orino waathukumanya a Isarayeli yaawo yaamwalamwanle.

 3 Owo onnaapenuxa yaale arino murima woophweeya;

Onnamaka makhwaca aya.

 4 Owo onnaalakhanyerya waaca wa itheneeri;

Owo onniichana soothene seiho masina aya.

 5 Apwiya ahu atokweene nave tooweryaxa;

Tahi wooweryeya ophima wiiwexexa waya.

 6 Yehova onnaaviiha awiichacala,

Nto onnaavonyerya vathi achu oonanara murima.

 7 Mmwiipele Yehova macipo oomuthamalelano;

Mucharihiwaka ni chakare, mwiipe macipo oomucicimihano Muluku ahu,

 8 Yoowo onakhuneela erimu ni mahuruku,

Yoowo onavahererya epula veelaponi,

Yoowo onameliha munyepu mmiyaakoni.

 9 Owo onnaavaha yoolya axinama

Ni asaana a nakhuku yaawo anakhuwela ni etala.

10 Owo hanasiveliwa ni ikuru sa kavalo;

Naari mano otikhiniheya ni meco sakuru sa muchu.

11 Yehova onahakalala ni yaale anamoova,

Yaale anaweherya osivela wawe woororomeleya.

13 Owo onnalipiha iwalelo sa milako saa itokweene;

Nave onnaareeliha anaa, yaawo anakhala mwemmo.

14 Owo onnaruuha murecele mu elapo aa

Nave onnoovoniha weyo ni tiriku aphaamaxa.*

15 Owo onnarumiha nlamulo nawe veelaponi;

Masu awe annuupuwa.

16 Owo onnamoriha eneevi* ntoko mapururu a epuchepuche

Nave onnammwaramwaxa nakhutu ntoko ecuurwa.

19 Owo onnalaleya masu awe wa Yakopo,

Malamulo awe ni mathorihelo awe wa Isarayeli.

20 Owo heenreno yeela ni nloko vyakala;

Awo hasuwenle echu vooloca sa mathorihelo awe.