NIKUPA 5

Ovinyerya Wuukapuroni o Paapulu Ophiyerya wa Otekiwatho wa Ixiri sa Yerusalemu

AIsarayeli eryeeni wuukapurono o Paapulu, yaahikumana ni saweeha sincipale sa nroromelo naya. Sadraki, Mesaki ni Abedinego yaahivonyeryiwa mu chukucha amooro, nyenya Muluku aahaakumihamo eri akumi. Vachuli vaya, Paapulu oocheihiweene ti aMedi ni aPeresi, Daniyeli aahivonyeryiwa munlichini wa amwacho, nyenya Muluku aahimwakihatho mu owala iyano sa amwacho.

Vookuchula vaya, mwene a o Persiya Koresi aahaataphula aIsarayeli. Awo yaahikookela owannyaya chiryene saakhwanaka iyaakha 70 vachuli va okuxeryiwa waya o Paapulu ntoko akapuro. Emoha ya ichu soopacerya yeenraaya vavaa yaakookenlaaya o Yerusalemu yaari opacerya oteka empa ya Yehova. Nyenya, mwawaakuveya amwiicani yaahikuphiha muteko aya. Va nthowa nenla, waari pahi iyaakha 22 vachuli va okookela waya o Yerusalemu yaphiyenryaaya omaliha empa eyo.

Vocharelavo, nnahaala okhala nsuwelaka sa mukwaha wa okookela wa Estra o Yerusalemu, oya oreeriha empa eyo. Ela yeerenyee iyaakha 47 vachuli va omaalihiwa wa empa eyo. Ovinyerya vavaa, iyaakha 13 vachuli va mukwaha wa Estra, Nehemiya aahikhaviherya otekatho ixiri sookumuwa sa Yerusalemu. Nikupa MATHANU anuuraanya iyaakha 152 sa oovuwa, ophiyerya elukuluku ela.