CHILAYIJO 01
IBhayibhili Lingakubhancha Chini?
Tose zwedu tosoba nemibhuzo inotishupa nozobupenyu, kusheta, kufa, nelyamangwana. Tososhushikana nobukukutu bwatinoshangana nabo izhuba nezhuba, bunanga sokuwana imali nokuba nemhuli inoshanta. Banhu banji bakabona kuti iBhayibhili linopa inshandulo jemibhuzo mikulwana inoshupa mubupenyu litikopa kulaya kunobhancha mubupenyu bwedu. Ubweni sofana iBhayibhili lingabhancha bamwe na?
1. Mibhuzo ipi inoshandulwa neBhayibhili?
IBhayibhili linopa inshandulo jemibhuzo mikulwana inanga seyi: Takava kupi? Tolalamilani? Neni banhu balolulama besheta? Ini zunotikana patinofa? Unhu wose unoda lunyalalo koga neni kulinejihondo? Ini zuchootikana penyika munelyamangwana? IBhayibhili linotikutayija kuti tiwane nshandulo jemibhuzo yeyi, akale banhu banji bamuwana inshandulo jinoguncha.
2. IBhayibhili lingatibhancha chini kuti tishante mubupenyu?
IBhayibhili linopa kulayija kunobhancha. Sonkwejaniso, linolayija jimhuli kuti jingawana chini lushanto lwechokomende. Linotilayija zwatingate kana tikashushikana mundangalilo akale zwatingate kuti tishantilwe nonshingo wedu. Mukunda konshaji uchafunda zwinji nozwinolayijwa neBhayibhili pezhulu penyaya yeji. Uchoozubonela woga kuti “Makwalo ose [kuleba kuti zunu zose zumo muBhayibhili] . . . anobhancha.”—2 Timoti 3:16.
Ibhuku yeli atobe Bhayibhili. Koga, linokukutayija kuti utokoloje iBhayibhili izhuba nezhuba. Umukumbilwa kuti ubale makwalo amomuzwilayijo yezwi akale ubone kuti zwinongwinilana chini nozwawumulayijwa.
FUNDA ZUNJI
Yeyesesa inzila iBhayibhili yalimubhancha nayo banhu kuti nebo unganakilwa chini nokulibala akale neni zulizubhodo kupota lubhancho kuti uliwhisisise.
3. IBhayibhili lingatitungamilila mubupenyu
IBhayibhili linanga sechimuniko. Lingatibhancha pakuta zutalo zubuyanana akale kuziba zuchootikana munelyamangwana.
Bala Lwimbo 119:105, akale kwejisani nemibhuzo inotobela:
Unkwali wolwimbo yolu wakabelibona chini iBhayibhili?
Iwi unolibona chini iBhayibhili?
4. IBhayibhili linokupa inshandulo yemibhuzo yawunanayo
Umwe nhukaji wakawana inshandulo muBhayibhili yemibhuzo yalunshupa kwamakole. Yebani iVIDIYO, akale kwejisani nemibhuzo inotobela.
Ndiyipi mibhuzo yakabeli nowechinhukaji yoyu?
Kufunda kwaakata iBhayibhili kwakombhancha chini?
IBhayibhili linotikutayija kubhuza mibhuzo. Bala Mateu 7:7, musikokwejisa nozunotobela:
Ndiyipi imwe mibhuzo yawunanayo ingashandulwa neBhayibhili?
5. Uchanakilwa nokubala iBhayibhili
Banhu banji bamunakilwa nokubala iBhayibhili akale bamubhanchikana nalo. Yebani iVIDIYO, akale kwejisani nemibhuzo inotobela.
Bachinokubuka bawabona muvidiyo bamutini nozokubala mabhuku?
Neni belinechido chokubala iBhayibhili?
IBhayibhili linotipa indayijo inotinyalaja akale inotipa chibimbo. Balani BaRoma 15:4, akale kwejisani nombuzo yoyu:
Umunakilwa na nozunolebwa neBhayibhili pezhulu penyalajo nechibimbo?
6. Ungabhanchwa nabamwe kuliwhisisisa iBhayibhili
Banhu banji bakabona zulizubhodo kukwejisa nabamwe nozweBhayibhili kojoba zulizubhodo kulibala uliwoga. Balani Mishingo 8:26-31, akale kwejisani nombuzo yoyu:
Tingaliwhisisisa chini iBhayibhili?—Linga mavesi 30 na31.
Unhulume wokuEtiopiya walushaka lubhancho lokuwhisisisa Makwalo. Nanasi zuchakadalo banji bamushaka lubhancho lokuwhisisisa iBhayibhili
BAMWE BANOTI: “Kufunda iBhayibhili kupejanshaji.”
Ani iwi unotini? Neni udalo?
INI ZWAWAFUNDA
IBhayibhili linopa kulaya kunobhancha mubupenyu akale linopa inshandulo jemibhuzo inoshupa mubupenyu litikopa banhu chibimbo nenyalajo.
Kubwilulula
Towana kulayani kunova muBhayibhili?
Mibhuzo ipi mimwe inoshandulwa neBhayibhili?
Ini zwawungade kufunda nozweBhayibhili?
PAMIJA PANA ZWAWAWANA
Yeyesesa inzila iBhayibhili yalimubhancha nayo banhu mazhubano.
Zunolayijwa neBhayibhili—Alitopelelwa Nonshaji” (INqabayokulinda No. 1 2018)
Yeba ividiyo yeyi ubone kuti iBhayibhili lyakabhancha chini unhulume wakabakashushikana nenyaya yokuzwilingila pasi.
Tokoloja kuti iBhayibhili lingabhancha chini jimhuli.
IBhayibhili linokolola indayijo jamanyepwa nozokuti ndiyani umutonga inyika.