CHILAYIJO 05
Mwali Unolebeleka Nasu Eshingisa IBhayibhili
IBhayibhili chipo chilokosha chatakapiwa naJehova chinamakwalo ali 66. Pamwe ungazubhuza kuti: ‘IBhayibhili lyakava kupi? Ndiyani unkwali weBhayibhili?’ Kuti tiwane inshandulu jadeni, ngatiboneni kuti zwakakwenda chini kuti iBhayibhili liswike kunasu.
1. Neni titi iBhayibhili lyakava kuna Mwali iko lyakakwalwa nabanhu?
IBhayibhili lyakakwalwa nabanhu bali 40 akale lyakatola makole anopinda 1 600 likwalwa kuva muna 1513 B.C.E kuswika muna 98 C.E. Banhu bakalikwala bakabekasiyana-siyana. Kojoba zwakadalo zwabakakwala zunovumilana. Zungatikana chini yozu? Nokuti Mwali ndiye unkwali weBhayibhili. (Balani 1 BaTesalonika 2:13.) Banhu bakakwala iBhayibhili abajakakwala miyeyo yabo. Koga “bakalebeleka zwinova kuna Mwali bekatungamililwa nompepo unchena.”a (2 Pita 1:21) Mwali wakashingisa umpepo nchena uwe kuti efulijile bakwali beBhayibhili kuti bekwale miyeyo iye. 2 Timoti 3:16.
2. Unhu wose engabhanchikana neBhayibhili na?
“Bagali benyika, induji, indimi akale nabanhu bose” bangabhanchwa nendebo imbuya jimomuBhayibhili. (Balani Zwakatondejelwa 14:6.) Jehova wakata kuti iBhayibhili liwanikwe mundimi inji kupinda amwe mabhuku. Unhu wose unotubula kuliwana iBhayibhili. Yozu ichokomende zwisineni kuti unogala kupi kana kuti unolebeleka lupi lulimi.
3. Jehova wakalitabilija chini iBhayibhili?
IBhayibhili lyakabekwalilwa pazunu zwakabekambija kushakala zunanga sechikumba namapepa. Koga kunabamwe bakabelidisisisa iBhayibhili bakalitabilija nokulikopa bupya. Kojoba bamwe bakabeda kulipalaja iBhayibhili koga bamwe bakazupila nokubiga bupenyu bwabo mungozi kuti belitabilije. Jehova ajakavumila chimwe chinu kuti chunkonese kulebeleka nasu. IBhayibhili linoti: “Iwhi lyaMwali wedu limile nokusinopela.”—Izaya 40:8.
FUNDA ZUNJI
Layijwa zunji nozokuti Mwali wakafulijila chini banhu kuti bekwale iBhayibhili, wakata chini kuti elitabilije akale kuti liwanikwe nabanhu banji.
4. IBhayibhili linotibuja kuti ndiyani unkwali walo
Yebani iVIDIYO. akale balani 2 Timoti 3:16, akale kwejisani nemibhuzo inotobela.
Neni iBhayibhili liwi iWhi lyaMwali, ilyo lyakakwalwa nabanhu?
Ubweni sofana zunota na kuti Mwali ete kuti banhu bekwale miyeyo iye?
Mweni wekampani unotuma mabhalani kuti ekwale lukwalo koga mawhi amomulukwalo anobeli omweni wekampani. Ndizo zwakatikana kuna Mwali wakata kuti banhu bekwale mawhi awe muBhayibhili
5. Banhu bakakonelwa kulipalaja iBhayibhili
Kana iBhayibhili lili iwhi lyaMwali tobelingilila kuti elitabilije. Kuva ntolo banhu bakabekweja kupalaja iBhayibhili. Batungamilili bamansondo bakakweja kulisisila banhu. Koga banhu banji bakebelida iBhayibhili bakazupila kulitabilija kojoba bakabeshangana nokunyenyejwa nokubulayiwa. Kuti uwhe nozwomwe unhu wakabiga bupenyu bubwe mungozi, yebani iVIDIYO, akale kwejisani nemibhuzo inotobela.
Kuziba zose zwakatiwa kuti iBhayibhili litabilijwe zunokuta kuti ude kulibala na? Neni udalo?
Balani Lwimbo 119:97, akale kwejisani nombuzo yoyu:
Ini zwakatisa kuti banhu bebige bupenyu bwabo mungozi kuti beshandulile iBhayibhili akale liwanikwe nabanhu bose?
6. Ibhuku lyonhu wose
IBhayibhili ndilyo loga lyakashandulilwa mundimi inji akale ndilyo lyoga linowanikwa mubanhu kupinda mamwe mabhuku. Balani Mishingo 10:34, 35, akale kwejisani nemibhuzo yeyi:
Neni Mwali eda kuti iWhi lilye lishandulilwe mundimi inji akale liwanikwe nonhu wose?
Ini zwawada nozweBhayibhili?
Posa
100%
yabanhu bose munyika
banotubula kubala iBhayibhili mululimi lwabo
Linowanikwa mundimi jinopinda
3 000
lilizhele
kana kuti lili muzwibabi
Kumuyeyelwa kuti kwakabhudiswa maBhayibhili anoswika
5 000 000 000
akuna limwe ibhuku limubhudiswa seli
BAMWE BANOTI: “IBhayibhili ibhuku lyantolo lyakakwalwa nabanhu.”
Ani iwi unotini?
Ini zunotondeja kuti iBhayibhili iWhi lyaMwali?
INI ZWAWAFUNDA
IBhayibhili iwhi lyaMwali akale wakata kuti liwanikwe nonhu wose penyika.
Kubwilulula
Zunolebani kana titi Mwali wakafulijila banhu kuti bekwale iBhayibhili?
Ndizupi zwakunakilija nozokutabilijwa, kushandulilwa akale nokuwanikwa kweBhayibhili?
Kuziba matano Mwali ngaakata kuti elebeleke nawi zunota kuti uwhe chini?
PAMIJA PANA ZWAWAWANA
Bala uwhe kuti iBhayibhili lyakaswika chini kunasu kuva kumakwalo akakwalwa ntolo kuswikila kumaBhayibhili anasi.
Bala kuti iBhayibhili lyakatabilijwa chini muzunu zutatu zwalotikoneja kuti tiliwane.
“Ibhuku Elingasoze—Litshabalale” (INqabayokulinda No. 4 2016)
Bona kuti bamwe bakabiga chini bupenyu bwabo mungozi betila kuti beshandulile iBhayibhili.
IBhayibhili lyakakopwa akale likashandulilwa kanji. Toziba chini kuti zumomukati azujakachincha?
a Muchilayijo 7 tichakwejisa nozokuti umpepo unchena isimba lyaMwali lyaanoshingisa.