Unokwanisa Kuba Unkwayina waJehova

Jehova unoda kuti unzibe zubuyanana. Neni? Unobimba kuti ukalamba ulayijwa nozobunhu bubwe, inzila jije akale nozunangwa zuzwe zuchata kuti ude kuba unkwayina uwe. Ungaba unkwayina waJehova na? (Balani Lwimbo 25:14.) Ini zwawungate kuti ube ukwayina waJehova? IBhayibhili linoshandula mibhuzo yeyi akale linotibuja kuti neni bukwayina naJehova bukakosha kupinda bumwe bukwayina bwatingate.

1. Jehova umukukoka kuti uteni?

“Sendelani kuna Mwali nayiye uchasendela kunamwi.” (Jemusi 4:8) Zunovani yozu? Jehova umukoka kuti ube unkwayina uwe. Bamwe zunobakomela kuta bukwayina naMwali wabasinobona. Koga muWhi lilye iBhayibhili, Jehova unotibuja zwose zwatinokwelela kuziba nozobunhu bubwe kutila kuti tikwanise kusendela pelyo naye. Kubala iBhayibhili kunosimisa bukwayina bwedu naJehova kojoba tisinokwanisa kumbona.

2. Neni bukwayina naJehova bukakosha kupinda bumwe bukwayina bwatingate?

Jehova unokuda kupinda bamwe banhu bose. Unoda kuti ugale ushantilwa akale pose pawunobeda lubhancho umbuje . Ungatubula “kumbuja zose zunokushupa nokuti iye unokubabayilila.” (1 Pita 5:7) Jehova wagala ekazubambila kubhancha,kunyalaja nokuwhilila zulilijiko zwabakwayina babe. Balani Lwimbo 94:18, 19.

3. Jehova ulolingililani kubakwayina babe?

Jehova unoda unhu wose “koga unabukwayina bulipelyo nabalolulama.” (Zwichimbe 3:32) Jehova ulolingilila kuti bakwayina babe bede zunu zwaanoda bebenge zwaanobenga. Bamwe banoti abangatubule kuta zunodiwa naJehova nokusota zwaasinoda. Koga Jehova uneshe. Unotambula unhu wose unonda zwechokomende akale unokweja kuta zose zwaanokwanisa kuti onshantise. Lwimbo 147:11; Mishingo 10:34, 35.

FUNDA ZUNJI

4. Abhulahama wakabeli unkwayina waJehova

Inyaya yomuBhayibhili yaAbhulahama (unozibikanwa ewiAbramu) inotibhancha kuwhisisisa kuti zunovani kuba unkwayina waMwali. Balani nozwaAbhulahama panaMatangisilo 12:1-4. Akale kwejisani nemibhuzo yeyi:

• Jehova wakabuja Abhulahama kuti eteni?

• Jehova wakoobimbisani?

• Abhulahama wakadabila chini panazwaakabujwa kuti ete naJehova?

5. Jehova unoda kuti bakwayina babe beteni

Pana zwatinolingilila kubakwayina bedu.

• Ndizupi zumwe zwawunoda kuti bakwayina babo bekutile?

Balani 1 Johani 5:3, akale kwejisani nombuzo yoyu:

• Ini Jehova zwaalolingilila kubakwayina babe?

Kana tida kuwhilila Mwali, tokwelela kuchincha malalamilo edu. Balani Izaya 48:17, 18, akale kwejisani nombuzo yoyu:

• Neni Jehova eda kuti bakwayina babe bechinche malalamilo abo?

6. Kubhancha kunota Jehova bakwayina babe

IVIDIYO: Kunengi UJehova Asengenzele Khona (3:20)

• Jehova wakombhancha chini wechinhukaji yoyu kuti emisikijane nobukukutu?

Balani Izaya 41:10, 13, akale kwejisani nemibhuzo yeyi:

• Jehova unobabimbisani bakwayina babe?

• Ubweni sofana Jehova angaba unkwayina uwo umbodo na? Neni udalo?

7. Bukwayina naJehova bunova pakulebelekesana naye

Bakwayina banogala belebelekesana banoba nobukwayina bulosima. Balani Lwimbo 86:6, 11, akale kwejisani nemibhuzo yeyi:

• Tolebeleka chini naJehova?

• Jehova unolebeleka chini nasu?

INI ZWAWAFUNDA

Jehova unoda kuti ube unkwayina uwe akale uchakubhancha usendele pelyo naye.

Kubwilulula

• Jehova unobabhancha chini bakwayina babe?

• Neni Jehova ebuja bakwayina babe kuti bechinche malalamilo abo?

• Ubweni sofana zulemu na kubankwayina waJehova? Neni udalo?

PAMIJA PANA ZWAWAWANA

Bukwayina naMwali bungachincha chini bupenyu bubo?

“Yindaba Kumele Ubemazi​—UJehova” (INqabayokulinda, February 15, 2003)

Layijwa nozwawunokwelela kuta kuti ube unkwayina waMwali

“Ngingenzani Ukuze Ngibe Umngane KaNkulunkulu?” (Izimpendulo Zemibuzo Ebuzwa​—Ngabasakhulayo, Ingxenye 2, isahluko 35)

Bala uwhe nozwomwenhukaji kuti wakabhanchikana chini nokuba unkwayina waJehova.

“Ngangingafuni Ukufa!” (INqabayokulinda No. 1 2017)

Iwha kuti bachinokubuka banotini nokuba unkwayina waJehova.

Kutshoni Ukuba Ngumngane KaNkulunkulu? (1:46)