BaSumikiji BaJehova MaKristo Echokomende Na?

SabaSumikiji baJehova todimbwa kuti ndisu maKristo echokomende. Neni tidalo? Tokoloja kuti tozuwana kupi zwatinodimbwa akale kuti takaliwana kupi izina lyatinoshobwa nalyo usikobona kuti totondejana chini kuti todanana.

1. BaSumikiji baJehova banozuwana kupi zwabanodimbwa?

Jesu wakati: “Iwhi [lyaMwali] ichokomende.” (Johani 17:17) SaJesu, baSumikiji baJehova zwabanodimbwa banozuwana muWhi lyaMwali. Tokoloja ubone kuti ishangano lyedu lipo mazhubano lyakatananga chini. Mumakole okuma 1870, igapo lyabalayijwa beBhayibhili lyakatanga kufunda iBhayibhili litokoloja zwalinoleba. Bakabedimbwa zwabakabefunda muBhayibhili, zusineni nokuti zwakabesiyana nozwakabefundiswa naamwe machechi. Bakatanga kubuja bamwe zwabakabefunda.a

2. Neni tishobwa tiwi baSumikiji baJehova?

Jehova unoshoba banamati babe eti basumukiji babe pezhulu pokuti banozibisa ichokomende nozuzwe. (BaHebhelu 11:4–​12:1) Sonkwejaniso, wakabuja banamati babe bantolo kuti: “Ndimwi basumikiji bangu.” (Balani Izaya 43:10.) Jesu unoshobwa ewi “unSumikiji Ulobimbika.” (Zwakatondejelwa 1:5) Muna 1931 ndipo patakatanga kushobwa tiwi baSumikiji baJehova. Todada kushobwa nezina yelyi.

3. BaSumikiji baJehova banotondeja chini kuti banaludo saJesu?

Jesu wakabebadisisisa kasa batobeli babe zokuti wakabebabona semhuli yokunayibo. (Balani Maliko 3:35.) Nokudalo, baSumikiji baJehova balobhatana semhuli yomunyika yose. Ndizo tishobana titi mwanakwayina nokuti nkazwaji. (Filimoni 1, 2) Towhilila undawu unoti: “Idani bose bamunonamata nabo.” (1 Pita 2:17) BaSumikiji baJehova banotondeja ludo munzilanji jilosiyana-siyana sokubhancha bamwe babo banobawilwa nobukukutu.

FUNDA ZUNJI

4. Zwatinodimbwa tozuwana muBhayibhili

Jehova wakagala aleba kuti ichokomende imomuBhayibhili yalojeka. Balani Daniyeli 12:4 namawhi apo pasi, akale kwejisani nombuzo yoyu:

• Ini chakawi “chichowanda” pakati pabanhu baMwali ponshaji betokoloja zunolebwa neBhayibhili?

Ngatiboneni zwakabetiwa nelimwe igapo lyabalayijwa beBhayibhili pabakebetokoloja iWhi lyaMwali banoshanganisila Charles Russell. Yebani iVIDIYO, akale kwejisani nombuzo unotobela.

IVIDIYO: Indlela Iqiniso EliseBhayibhilini Elavunjululwa Ngayo (7:45)

• Charles Russell nabakwayina babe bakabeta chini pabakabefunda iBhayibhili?

Wabezuziba na?

Chimwe chikati tosochincha mawhisisilo atinota mamwe mavesi omuBhayibhili. Neni tidalo? Sozunota izhuba kana linda kunobhuda kunolamba kuchena zushoma nozushoma nenzila ilofanana Mwali unotita kuti tiwhisisise iWhi lilye zushoma nozushoma. (Balani Zwichimbe 4:18.) Kojoba iBhayibhili lisinochincha koga tochincha zwatinolayija bamwe yopo patinowhisisisa bupya mamwe mavesi.

5. Tolalama mawililano nezina lyedu

IVIDIYO: Ibizo Elitshengisa Lokho Esiyikho (2:40)

• Neni izina lyokuti baSumikiji baJehova likatikwelela?

Neni Jehova akashaluja banhu kuti bebe basumikji babe? Nendaba jokuti balotondeja kuti ndiye Mwali wechokomende sezwo kunamanyepwa manji amulebelekwa nozuzwe. Ngatiboneni mamwe manyepwa adeni.

Mamwe machechi anolayija banhu kuti banokwela kushingisa zwibezhwa kana benamata Mwali. Balani Umpilo 26:1, akale kwejisani nemibhuzo yeyi:

• IBhayibhili linotini? Jehova unowha chini nokushingisa zutombe?

Bamwe bafundisi banolayija kuti Jesu ndiMwali. Balani Johani 20:17, akale kwejisani nemibhuzo yeyi:

• IBhayibhili linotini? Mwali naJesu unhu umwempela na?

• Unowa chini nokutuma kwaakata Jehova baSumikiji babe kuti belayije ichokomende nozuzwe akale nozoMwananhulumyana uwe?

6. Todanana

IBhayibhili linokwejanisa maKristo nozubabi zombili wonhu. Balani 1 BaKolinte 12:25, 26, akale kwejisani nemibhuzo yeyi:

• MaKristo echokomende anokwelela kutani kana babanonamata nabo bengoshangana nobukukutu?

• Ini zwawakabona zunotondeja kuti baSumikiji baJehova banodanana?

BaSumikiji baJehova pabanowilwa nobukukutu munemwe inyika, bamwe babo babanonamata nabo banova kunejimwe inyika banonyamukila muzhezhulu kunobabhancha. Kuti ubone yozu, yebani iVIDIYO. akale kwejisani nemibhuzo inotobela.

IVIDIYO: Abazalwane BeHaiti Bama Baqina Ngesikhathi Sesiphepho (5:29)

• Kubhancha kunota baSumikiji baJehova pakunoba nobukukutu kunotondeja chini kuti banaludo?

INI ZWAWAFUNDA

BaSumikiji baJehova maKristo echokomende. Tili mhuli ilobhatana yenyika yose, banodimbwa zunova muBhayibhili akale banozibisa ichokomende nozwaMwali.

Kubwilulula

• Neni takatanga kushingisa izina lyokuti baSumikiji baJehova?

• Tobabhata chini batinonamata nabo?

• Ubweni sokuti baSumikiji baJehova maKristo echokomende na?

PAMIJA PANA ZWAWAWANA

Funda zunji kuti takava kupi.

Ofakazi BakaJehova​—Balokholo Olukhanya Ngemisebenzi, Ingxenye 1: Baphuma Emnyameni (1:00:53)

Bona kuti baSumikiji baJehova bakafumula chini indayijo yamanyepwa.

Abantu BakaNkulunkulu Badumisa Ibizo Lakhe (7:08)

Wana inshandulo jemibhuzo jawungabe najo pezhulu pabaSumikiji baJehova.

“Imibuzo Ejayele Ukubuzwa Ngabantu Mayelana LaboFakazi BakaJehova” (ipeji ipo pewebhusayiti yedu)

Stephen wakabebenga banhu bolumwe luji kuswika pakubalwisa. Bala inyaya yeyi uwhe kuti wakabonani kubaSumikiji baJehova zwakata kuti echinche.

“Impilo Yami Yaqhubeka Isibambi Kakhulu” (INqabayokulinda, July 1, 2015)