CHILAYIJO 25
Mwali Wakatibumbilani?
IBhayibhili linotibuja kuti bupenyu bonhu ‘bufupi akale buzhele masheto.’ (Jobe 14:1) Mwali unoda tilalame bupenyu bwakadalo na? Kana zusili alo ani biya wakatibumbilani? Chinangwa chiche chichoozhajikijika na? Bona inshandulo jimomuBhayibhili jinonyalaja.
1. Jehova unoda kuti tilalame bupenyu bulichini?
Jehova unoda kuti tilalame bupenyu bunonakilija. Paakabumba banhu bokutanga Adamu naEva wakababiga mupaladayisi unsha wokutanga muEdeni. Nokudalo“Mwali wakabakombolela akati kwabali: ‘Zwalani muwande, muzhaje inyika muyizunde.’” (Matangisilo 1:28) Jehova wakabeda kuti bebe nabana, bete kuti inyika yose ibe paladayisi akale belilitile imhuka. Chinangwa chiche chakabeli chokuti banhu benakilwe nobupenyu bulopelela akale belalame nokusinopela.
Kojoba zunu zusijakakwenda nenzila yaakabakalonga nayo,a chinangwa chaMwali achijakachincha. (Izaya 46:10, 11) Uchinoda kuti banhu banonwhilila benakilwe nobupenyu bulopelela akale belalame nokusinopela.—Balani Zwakatondejelwa 21:3, 4.
2. Tingatani kuti tilalame bupenyu bunachinangwa feno?
Jehova wakatibumba tikwelela “kutungamililwa nayiye,” yozu zuva kuti tilinechido chokuda kunziba nokuunamata. (Balani Mateu 5:3-6.) Unoda kuti tibe nobukwayina bupo pelyo naye, “ukwende munzila jije jose, uunde,” akale tunamate “nomoyo [wedu] wose.” (Kuzhajikijwa 10:12; Lwimbo 25:14) Tingodalo, tokwanisa kulalama tishanta zusineni nobukukutu bwatinoshangana nabo. Kunamata Jehova kunota kuti bupenyu bwedu bube nechinangwa.
FUNDA ZUNJI
Funda nozoludo lwakatondejelwa naJehova paakatibumbila inyika akale zunolayijwa neWhi lilye nozwechinangwa chobupenyu.
3. Jehova unoda kuti tilalame bupenyu bubuya
Yebani iVIDIYO, akale kwejisani nombuzo unotobela.
Mwali wakayibumbilani inyika imbodo?
Balani Mbaunuli 3:11, akale kwejisani nombuzo yoyu:
Yozu zunokulayijani nozwaJehova?
4. Chinangwa chaJehova achijanu chachincha
Balani Lwimbo 37:11, 29 naIzaya 55:11, akale kwejisani nombuzo yoyu:
Toziba chini kuti chinangwa chaJehova nabanhu achijanu chachincha?
Ingumba isijakabebhatwa zubhodo inokwaniswa kumusilijwa kuti ibembodo. Nebo ndizozuchatikana kunyika yeyi isijilobhatwa zubhodo nabanhu, Mwali uchayimusilija kutila kuti yabo baanoda begale mwayili beshanta
5. Kunamata Jehova kunota kuti bupenyu bwedu bube nechinangwa
Kuziba chinangwa chobupenyu kunota kuti tilalame tishanta. Yebani iVIDIYO, akale kwejisani nombuzo unotobela.
Terumi wakabhanchikana chini nokufunda nozwechinangwa chobupenyu?
Balani Mbaunuli 12:13, akale kwejisani nombuzo yoyu:
Tingatondeja chini kuti tomboka Jehova nayizo zose zwaakatitila?
UMWE ANGABHUZA KUTI: “Ini chinangwa chobupenyu?”
Ungonshandula chini?
INI ZWAWAFUNDA
Jehova unoda kuti tinakilwe nobupenyu bulopelela penyika nokusinopela. Tingoonamata nomoyo wose tichaba nobupenyu bunachinangwa feno.
Kubwilulula
Ini chakabeli chinangwa chaJehova pakabumba Adamu naEva?
Toziba chini kuti chinangwa chaMwali nabanhu achijakachincha?
Ungabuwana chini bupenyu bunachinangwa?
PAMIJA PANA ZWAWAWANA
Tokoloja busumikiji bunotondeja kuti unda weEdeni wakabelipo zwechokomende.
“Isivande Se-Edeni—Sasikhona Yini Kumbe Yinganekwane Nje?” (INqabayokulinda, January 1, 2011)
Bala uwhe kuti neni tilinechokomende chokuti inyika ichalamba ilipo nokusinopela.
Tokoloja zunolebwa neBhayibhili nozokuti ungachiwana chini chinangwa chobupenyu.
Bona umwe nhulume wakabeyeya kuti unazunu zose mubupenyu koga wakoobona kuti unachimwe chinu chaakabeshayiwa.
a Muchilayijo chinotobela uchafunda nozokuti ini zwakatikana.