CHILAYIJO 28
Tondeja Kuti Unoboka Nozo Zwawakatilwa naJehova naJesu
Unowha chini kana unkwayina akakupa chipo chibhodo? Unoshantilwa akale unomboka unkwayina uwo nechipo chaakupa. Jehova naJesu bakatipa chipo chinodikana kasa kupinda zose. Ndichipi chipo yecho akale tingatondeja chini kuti tochiboka?
1. Tingatondeja chini kuti toboka nozo zwatakatilwa naJehova naJesu?
IBhayibhili linotibimbisa kuti “aani naani unodimbwa kwaali [Jesu]” unoolalama nokusinopela. (Johani 3:16) Zunovani kuba nokudimbwa? Azutopelela pakudimbwa kuna Jesu chete. Koga totondeja kudimbwa kwedu nozwatinoshaluja mubupenyu akale nozwatinota. (Jemusi 2:17) Patinotondeja kudimbwa kwedu nozwatinota akale nozwatinolebeleka, tobesimisa bukwayina bwedu naJehova naJesu.—Balani Johani 14:21.
2. Ndichipi chitikano chilokosha chinotibhancha kuti tiboke zwatakatilwa naJehova naJesu?
Busiku bokupejeleja Jesu esanu afa wakabuja balayijwa babe imwe inzila yokutondeja kuboka nokuzupila kwaakata. Wakababuja kuti bezhe kuchitikano chilokosha chinowi neBhayibhili “Chilyo chaShe Chamadeko,” akale chinowi Chikumbulujo cholufu lwaKristo. (1 BaKolinte 11:20) Paakata unshangano yoyo Jesu wakabeda kuti bapositoli babe namaKristo ose echokomende bekumbululukwe kuti wakatifila. Jesu wakati: “Salani muta alo mundikumbuluka.” (Luka 22:19) Kubayipo peChikumbulujo kunotondejela kuti tinoboka noludo lukulwana lwatakatilwa naJehova naJesu.
FUNDA ZUNJI
Tokoloja jimwe inzila jawungatondejele kuti unoboka noludo lukulwana lwatakatilwa naJehova naJesu. Funda nozokukosha kweChikumbulujo cholufu lwaKristo.
3. Ini zwatingate kuti titondejele kuti toboka
Yeyesesa umwe unhu ekununula muvula. Ungakanganwa zwawakatilwa nonhu yoyo na? Kana kuti awungapote inzila jawungatondejele najo kuti unomboka nozo zwaakakutila na?
Jehova ndiye wakatipa bupenyu. Balani 1 Johani 4:8-10, akale kwejisani nemibhuzo yeyi:
Neni kuzupila kwaJesu kulichipo chilokosha kasa?
Unowa chini nozwawakatilwa naJehova naJesu?
Tingatondejela chini kuboka nozo zwatakatilwa naJehova naJesu? Balani 2 BaKolinte 5:15 na 1 Johani 4:11; 5:3. Kwejisani nombuzo unotobela mungopeja kubala ivesi imwe nemwe:
Tishingisa ivesi yeyi totondeja chini kuti toboka zwatakatilwa?
4. Kwejejela Jesu
Imwe inzila yatingatondejele nayo kuti toboka zwatakatilwa kukwejejela Jesu. Balani 1 Pita 2:21, akale kwejisani nombuzo yoyu:
Tingatondejela chini kuti timutobeleja zwakatiwa naJesu?
Jesu wakabeda iWhi lyaMwali, epupula indebo imbuya akale ebhancha bamwe
5. Ibayipo peChikumbulujo cholufu lwaKristo
Kuti ubone kuti ini zwakatikana peChilyo chaShe Chamadeko chokutanga, balani Luka 22:14, 19, 20. Akale kwejisani nemibhuzo yeyi:
Ini zwakatikana peChilyo chaShe Chamadeko?
Chinkwa newayini zunomililani?—Linga vesi 19 na 20.
Jesu wakabeda kuti batobeli babe bete Chilyo chaShe Chamadeko kamwempela negole bekumbulukwa izhuba lyakafa nalo. Ndizo igole negole baSumikiji baJehova banobungana kuti bekumbulukwe lufu lwaJesu betobeleja zwaakababuja. Kuti ufunde nozonshangano yoyu ulokosha, yebani iVIDIYO. Akale kwejisani nombuzo unotobela.
Ini zunotikana peChikumbulujo?
Chinkwa newayini zuna zwazunomilila. Chinkwa chinomilila umbuli waJesu usina chibi. Iwayini linomilila ilopa
BAMWE BANOTI: “Kuti uchijwe unokwelela kudimbwa kuna Jesu chete.”
Ungashingisa chini Johani 3:16 naJemusi 2:17 kutondejela kuti pana zumwe zunodikana?
INI ZWAWAFUNDA
Totondejela kuboka nozwatakatilwa naJesu nokudimbwa kuna iye akale nokubayipo peChikumbulujo cholufu lulwe.
Kubwilulula
Zunovani kudimbwa kuna Jesu?
Ungada kutondejela chini kuboka nozo zwatakatilwa naJehova naJesu?
Neni zukakosha kubayipo peChikumbulujo cholufu lwaJesu?
PAMIJA PANA ZWAWAWANA
Lufu lwaKristo lunota kuti tide kutani?
Funda zunji nozokudimbwa akale kuti tingakutondejela chini.
“Tshengisa Ukuthi Ulokholo Ezithembisweni ZikaJehova” (INqabayokulinda, October 2016)
Bala uwhe kuti bupenyu bomwe nhukaji bwakachincha chini yopo paakafunda nokuzupila kwaakata Kristo penyaya inowi “Khathesi Sengihlanzekile Futhi Sengiyikholisa Impilo.”
“IBhayibhili Liyamutshintsha Umuntu” (INqabayokulinda, August 1, 2011)
Bala uwhe kuti neni belibashoma banolya chinkwa nokunwa iwayini peChikumbulujo.