Ini Chinowi Bushe bwaMwali?

Bushe BwaMwali ndiyo inyaya ilokosha imomuBhayibhili. Jehova uchashingisa Bushe bwakalebo kuzhakija chinangwa chiche kuti inyika ibe Paladayisi sozwaakabeda pokutanga. Ini Bushe bwadeni? Tozuziba chini kuti bumutonga feno? Ini zwabwakata? Akale buchootani munelyamangwana? Mibhuzo yeyi ichashandulwa muchilayijo yechi akale nomuzulayijo zubili zunotobela.

1. Ini Chinowi Bushe bwaMwali akale ndiyani She wadeni?

Bushe ihulumende yakabigwa naJehova Mwali. She wadeni, Jesu Kristo umukutonga elikudenga. (Mateu 4:17; Johani 18:36) IBhayibhili linoti Jesu: “Unootonga saShe . . . nokusinopela.” (Luka 1:32, 33) SaShe woBushe bwaMwali Jesu uchootonga unhu wose unobelipenyika.

2. Ndibaani bachootonga naJesu?

Jesu atootonga eli ega. Banhu “boluji, indimi akale nenyika jose. . . bachootonga samaShe pechinyika yose.” (Zwakatondejelwa 5:9, 10) Bangana bachootonga naKristo? Kuva Jesu paakezha penyika, mamiliyoni amaKristo bakaba batobeli babe. Koga bali 144 000 chete ndibo bachenda kudenga kunotonga naJesu. (Balani Zwakatondejelwa 14:1-4.) Amwe maKristo ose apo penyika banobetongwa noBushe yobo.​—Lwimbo 37:29.

3. Ini zunotisa kuti Bushe bwaMwali bube bubhodo kupinda jihulumende jabanhu?

Kojoba jihulumende jabanhu jikweja kuta zubhodo koga ajina isimba lyokuta zwose zwajinoda. Banosopejeleja batolelwa chibhula nabamwe basina chido chokutila banhu zubhodo. Koga Jesu Untongi woBushe bwaMwali, aatootolelwa chibhula nomwe unhu. Mwali wakabiga “bushe businoopalajwa.” (Daniyeli 2:44) Jesu uchootonga inyika esinota zokulinga kumesho. Unaludo, ishe, unobhata bamwe zulolulama akale unoolayija banhu kuti bebhate bamwe alo.​—Balani Izaya 11:9.

4. Inyika yose ichootongwa nehulumende inesimba

Jesu Kristo unesimba lyokutonga kupinda amwe mashe akabatonga. Balani Mateu 28:18, akale kwejisani nombuzo yoyu:

• Butongi bwaJesu bulosiyana chini nobutongi bwabanhu?

Jihulumende jabanhu jinochincha-chincha akale pana pajinojibila kutonga. Zunowini noBushe bwaMwali? Balani Daniyeli 7:14, akale kwejisani nemibhuzo yeyi:

• Neni zulizubhodo kuti Bushe bwaMwali “abutoopalajwa”?

• Neni zulizubhodo kuti buchatonga inyika yose?

5. Jihulumende jabanhu jinokwelela kubhiswa

Neni Bushe bwaMwali bukwelela kubhisa jihulumende jabanhu? Yebani iVIDIYO, akale kwejisani nombuzo unotobela.

IVIDIYO: Uyini Umbuso KaNkulunkulu?​—Isiqephu (1:41)

• Ndizupi zubi zumutiswa nobutongi bwabanhu?

Balani Mbaunuli 8:9, akale kwejisani nemibhuzo yeyi:

• Ubweni sokuti neni Bushe bwaMwali bukwelela kubhisa jihulumende jabanhu? Neni udalo?

6. Bushe bwaMwali bunabatongi banotiwhisisisa

Nokuti She wedu Jesu wakabalalama penyika sonhu wenyama, unotubula “kutiwhila ishe mubutela bwedu.” (BaHebhelu 4:15) Jehova ndiye wakashala banhulume nabanhukaji bali 144 000 balobimbika yabo bachootonga pamwempela naJesu, ebatola “munduji, indimi nenyika jose.”​—Zwakatondejelwa 5:9.

• Ubweni sokuti zunonyalaja na kuziba kuti Jesu nabo baachootonga nabo banowhisisisa bupenyu bopenyika? Neni udalo?

7. Bushe bwaMwali bunamilawu mibhodo kasa

Jihulumende jinobiga milawu inokwelela kubhancha nokutabilija banhu babanotonga. Nebo Bushe bwaMwali bunamilawu inobhancha yabo banokwendelejwa nabo. Balani 1 BaKolinte 6:9-​11, akale kwjisani nemibhuzo yeyi:

• Ubweni sokuti inyika inobeli chini kana unhu wose engowhilila milawu yaMwali yokuzubhata?a

• Ubweni sokuti zunobhancha na kuti banhu bose banokwendelejwa noBushe bwaMwali belalame bewhililla milawu yeyi? Neni udalo?

• Ini zunotondeja kuti banhu basijimuwhilila milawu yeyi bangakwanisa kuchincha?​—Linga vesi 11.

INI ZWAWAFUNDA

Bushe bwaMwali ihulumende ikokudenga ichootonga inyika yose.

Kubwilulula

• Ndibaani bachootonga muBushe bwaMwali?

• Ini zunotisa kuti Bushe bwaMwali bube bubhodo kupinda jihulumende jabanhu?

• Ndizupi zunu zunolingililwa naJehova kubanhu banokwendelejwa noBushe bubwe?

PAMIJA PANA ZWAWAWANA

Bona kuti Jesu wakalayija kuti Bushe bwaMwali bukokupi.

“Umbuso KaNkulunkulu Yinto Esenhliziyweni Yakho Yini?” (Inyaya ipo peintaneti)

Neni baSumikiji baJehova beshaluja kuba balobimbika kubuShe bwaMwali pana kubimbika kujihulumende jabanhu?

Sikhetha Ukusekela Umbuso KaNkulunkulu (1:43)

Tokoloja kuti iBhayibhili linotini nabali 144 000 baloshalwa naJehova kuti betonge naJesu.

“Ngobani Abazakuyaphila Ezulwini?” (Inyaya ipo peintaneti)

Ini zwakabhancha umwe wechinhukaji wakabasungwa kuti ebenechokomende chokuti Mwali ndiye chete uchabuza bululami penyika?

“Sengikwazi ukuthi Ngubani Ozaqeda Ukuphathwa Kubi Kwabantu” (Vukani!, November 2011)