CHILAYIJO 34
Tingatondeja Chini Kuti Toda Jehova?
Kulayijwa iBhayibhili kumuta kuti usendele pelyo naMwali na? Ungada na kundilila mbeli usimisa bukwayina bubo naye? Kana zukadalo, Jehova angobona ludo lulo naye lukubuka nayiye uchakuda kasa akale uchakubabayilila. Ungatondeja chini kuti unonda?
1. Tingatondeja chini kuti tonda Jehova?
Totondeja kuti tonda Jehova nokunwhilila. (Balani 1 Johani 5:3.) Atomanikija unhu kuti onwhilile. Unopa unhu wose chibaka chokuzushalujila kuti unoda kunwhilila kana kusonwhilila. Neni udalo? Jehova unoda kuti “tunwhilile zuva mumoyo.” (BaRoma 6:17) Yozu zunoleba kuti unoda kuti tunwhilile nokuzudila zusili zokumanikijwa. Chikamu 3 na 4 zwebhuku yeli zwakatilwa kukubhancha kuti utondeje kuti unonda Jehova nokuta zwaanoda nokubenga zwaanobenga.
2. Neni zungaba zulemu kutondeja kuti tonda Jehova?
“Bunji bukukutu bunoshanganwa nabalolulama.” (Lwimbo 34:19) Tose zwedu tosolwisana nechibi chatinanacho. Nebo tososhangana nobukukutu bokushayiwa imali, kusobhatwa zubhodo akale nobumwebo bukukutu. Kana tilimubukukutu tosowana zusizulelu kuta zunodiwa naJehova. Ndizo umwe unshaji kuta zunu zubi kulikulelu. Koga pawunota zwawunobabujwa naJehova kuti ute kojoba zukakukomela unobetondeja kuti unonda kupinda zunu zwose. Akale unobetondeja kuti ulobimbika kuna iye. Nebo uchabimbika kunawi. Aatofa akakusiya.—Balani Lwimbo 4:3.
FUNDA ZUNJI
Tokoloja kuti neni kuwhilila Jehova kukakosha akale layijwa kuti ini zungakubhancha kuti ulambe ukabimbika kuna iye.
3. Inyaya inokubhatanisa nebo
Ibhuku lyeBhayibhili lyaJobe linoti Satani ajakapomela Jobe chete koga nabo bose banoda kunamata Jehova. Balani Jobe 1:1, 6–2:10, akale kwejisani nemibhuzo yeyi:
Sokuleba kwaSatani wakati Jobe umunamata Jehova nechinangwa cheni?—Linga Jobe 1:9-11.
Satani umubapomela chini banhu bose kushanganisila iwi?—Linga Jobe 2:4.
Balani Jobe 27:5b, akale kwejisani nombuzo yoyu:
Jobe wakatondeja chini kuti unonda kasa Jehova?
Jobe wakatondeja kuti unonda Jehova nokugala ekabimbika kuna iye
Totondeja kuti tonda Jehova nokugala tikabimbika kuna iye
4. Shantisa moyo waJehova
Balani Zwichimbe 27:11, akale kwejisani nemibhuzo yeyi:
Jehova unowha chini kana utondeja kuti ulochenjela akale unonwhilila? Neni udalo?
5. Unokwanisa kuba ulobimbika kuna Jehova
Kuda kwatinota Jehova kunota kuti tide kubuja bamwe nozuzwe. Kubimbika kwedu kuna iye kunotipa isimba lyokuta alo kojoba zusili zulelu. Yebani iVIDIYO, akale kwejisani nemibhuzo inotobela.
Unosobona zulizulemu na kubuja bamwe nozwaJehova?
Muvidiyo yeyi, ini zwakabhancha Grayson kuti ekome kutya kwakabeli nako?
Zulelu kubimbika kuna Jehova kana tida zwaanoda nokubenga zwaanobenga. Balani Lwimbo 97:10, akale kwejisani nemibhuzo yeyi:
Pana zwawalayijwa ndizupi zunu zunodiwa naJehova? Ndizupi zwaanobenga?
Ungalayijwa chini kuda zubhodo nokubenga zubi?
6. Kuwhilila Jehova kunotibhancha
Kuwhilila Jehova kunobhancha unshaji wose. Balani Izaya 48:17, 18, akale kwejisani nemibhuzo yeyi:
Ubweni sokuti tingabimba naJehova na kuti unoziba zunotibhancha unshaji wose? Neni udalo?
Kulayijwa iBhayibhili nokulayijwa nozwaMwali wechokomende Jehova zwakubhancha chini?
BAMWE BANOTI: “Mwali aanendaba nozwandinota.”
Ndilupi lukwalo lwawungashingise kutondeja unhu yoyu kuti zwatinota zunota kuti ewhe chini Jehova?
INI ZWAWAFUNDA
Tokwanisa kutondeja kuti tonda Jehova nokunwhilila akale nokubimbika kuna iye zusineni nobukukutu bwatimushangamijana nabo.
Kubwilulula
Wafundani nozwonkwejaniso waJobe?
Uchatondeja chini kuti unonda Jehova?
Ini chichakubhancha kuti undilile mbeli ukabimbika kuna Jehova?
PAMIJA PANA ZWAWAWANA
Funda zwawungate kuti ube ulobimbika kuna Jehova nokugubungano lilye.
Funda zunji nozwamanyepwa Satani aamupomela banhu.
“UJobe Wahlala Eqotho” (IBhayibhili—Linolebeleka Nozweni? ingxenye 6)
Bona kuti bana bangatondeja chini kuti banoda Jehova.
Bachinokubuka bangatondeja chini kuti balobimbika kuna Jehova yopo bamwe babo bebamanikija kuta zubi?