CHILAYIJO 36
Bimbika Muzunu Zose
Unhu wose unoda bakwayina balobimbika. Jehova nebo unoda bakwayina balobimbika. Koga yozu atoba zulelu nokuti timulalama munyika izhele banhu basilobimbika. Towanani tikaba banhu balobimbika muzunu zose?
1. Ndichipi chizatu chikulwana chokuba balobimbika?
Tingobimbika kunabamwe, tobetondeja Jehova kuti tonda akale tondemekeja. Yeya kuti: Jehova unoziba zose zwatinoyeya akale nozwatinota. (BaHebhelu 4:13) Unoshanta paanobona tishala kuba balobimbika. IWhi lilye linoti: “Jehova unosheshemiswa nonhu unonyepa, koga unkwayina upo pelyo nabalolulama.”—Zwichimbe 3:32.
2. Tingatondeja chini kuti tilobimbika mubupenyu bwedu?
Jehova unoda kuti “tilebeleke ichokomende kunomwe nomwe.” (Zekaliya 8:16, 17) Yozu zunovani? Patinolebeleka namakamu edu, batinoshinga nabo, batinonamata nabo nabakulwana bejihulumende atitokwelela kunyepa kana kubabuja zusilizo. Banhu balobimbika abatokwibila bamwe. (Balani Zwichimbe 24:28 naBaEfeso 4:28.) Akale banobhadala mitelo yose. (BaRoma 13:5-7) Penyaya yeji nejimwe, “totondeja kuti tilobimbika pazunu zose.”—BaHebhelu 13:18.
3. Kubimbika kunobhancha chini?
Tingozibikana tili banhu balobimbika, banhu banobimba nasu. Akale yozu zunota kuti banhu mugubungano bezuwe bekatabilijika. Toba nehana ilochena isinotitongesa. Tingobimbika zunota kuti “Indayijo yoNchiji wedu, Mwali, iboneke kunaka kwayo” akale zute kuti bamwe bede kuunamata.—Titosi 2:10.
FUNDA ZUNJI
Bona kuti kubimbika kunokubhatanisa chini naJehova akale ubone kuti ungaba chini ulobimbika muzunu zose.
4. Kubimbika kunoshantisa Jehova
Balani Lwimbo 44:21 naMalaki 3:16, akale kwejisani nemibhuzo yeyi:
Neni kulikuzuchenga kuti tokwanisa kusisa ichokomende?
Ubweni sokuti Jehova unowha chini patinoshaluja kulebeleka ichokomende kojoba zulizulemu kuta alo?
Bana pabanolebeleka ichokomende banoshantisa bazwali babo. Patinolebeleka ichokomende toshantisa Jehova
5. Bimbika unshaji wose
Banhu banji banoyeya kuti azutotubukana kugala ukabimbika. Koga bona kuti neni tikwelela kuba balobimbika unshaji wose. Yebani iVIDIYO.
Balani BaHebhelu 13:18, akale kwejisani nozokuti tingaba chini balobimbika . . .
mumhuli.
kunshingo kana kuchikolo.
nomunazumwe zumo.
6. Kubimbika kunotibhancha
Kubimbika kungatibuzila bukukutu. Koga mukunda konshaji unoobona kuti kubimbika inzila imbodo Balani Lwimbo 34:12-16, akale kwejisani nombuzo yoyu:
Kubimbika kungata chini kuti bupenyu bubo bube bubuya?
Undume nonkaji bengobimbika ilobolano lyabo linosima
Ungobimbika ponshingo, bawunoshingila banobimba nawi
Banhu balobimbika banota kuti jihulumende jibabimbe
BAMWE BANOTI: “Kunyepa kutukutuku akutobeli kubi pe.”
Neni udimbwa kuti Jehova unobenga manyepwa oose?
INI ZWAWAFUNDA
Jehova unoda kuti bakwayina babe bebebalobimbika pana zwose zwabanolebeleka nozwabanota.
Kubwilulula
Inzila jipi jatingatondeje najo kuti tilobimbika?
Neni kulikuzuchenga kuti tokwanisa kusisa ichokomende?
Neni uda kuti ube ulobimbika unshaji wose?
PAMIJA PANA ZWAWAWANA
Bazwali bangalayija chini bana babo kuti bebe balobimbika?
Kuta zwatinobabimbisa kunotibhancha chini?
Bona kuti neni tikwelela kubhadala mitelo zusineni kuti inoshingiswa chini.
“Kungani Kumele Sibhadale—Imithelo?” (INqabayokulinda, September 1, 2011)
Ini zwakabhancha umwe nhulume usakabekabimbika kuti echinche bupenyu bubwe?
“Ngazibonela Ukuthi UJehova Ulesihawu Njalo Uyathethelela” (INqabayokulinda, May 1, 2015)