Bunamati Bokunyepa Bumuta Kuti Mwali Ebonwe Nenzila Isiliyo

Neni machechi manji beta zunu zubi ibobezuti banonamata Mwali unaludo? Ichokomende kuti machechi yaya ngamanyepwa bamuta kuti Mwali ebonwe nenzila isiliyo. Ndiyipi ndayijo yokunyepa yabanolayija nozwaMwali? Mwali unowha chini? Uchoota chini nozwazo?

1. Indayijo yobunamati bokunyepa imuta chini kuti Mwali ebonwe nenzila isiliyo?

Machechi okunyepa “bakachincha ichokomende lyaMwali bakalita manyepwa.” (BaRoma 1:25) Sonkwejaniso, abatolayija banhu izina lyaMwali. Koga iBhayibhili linoti tokwelela kushingisa izina lyaMwali. (BaRoma 10:13, 14) Bamwe batungamilili bejinsondo banoti kana kukatikana zunu zubi kuda kwaMwali. Koga yaya manyepwa oga. Mwali atoba iye unotisa zunu zubi. (Balani Jemusi 1:13.) Zunolwaja ndizokuti manyepwa amufundiswa kumachechi amuta kuti banhu besunde Mwali.

2. Bunamati bokunyepa bumuta chini kuti Mwali ebonwe nenzila isiliyo nozuto zwabo?

Machechi okunyepa abatobhata banhu nenzila inoda Jehova. IBhayibhili linoti zubi zwobunamati bokunyepa “zwakwilikana kuswika kudenga.” (Zwakatondejelwa 18:5) Kwaba namakole manji bamachechi bengwinila zwamatongelo enyika, bebhanchija kujihondo nokubulayiwa kwabanhu. Bafundisi bamufuma nokuwana imali jabanowana kubanhu babanonamata nabo. Zuto zwabo zunotondejela kuti abatonziba Mwali akale abana ilulamilo lyokuunamata.​—Balani 1 Johani 4:8.

3. Mwali unowha chini nozunotiwa nobunamati bwamanyepwa?

Kana iwi zukunyemesa zunotiwa namachechi amanyepwa, ani Jehova unowha chini? Mwali unoda banhu koga unobenga bafundisi bejinsondo banofundisa zunonsolesa akale banobhata bubi babanonamata nabo. Unobimbisa kuti uchapalaja bunamati bwamanyepwa akale“abutoobayipo.” (Zwakatondejelwa 18:21) Kwaba pelyo kuti Mwali epalaje machechi ose amanyepwa.​—Zwakatondejelwa 18:8.

FUNDA ZUNJI

4. Mwali aatotambula bunamati bose

Banhu banji banodimbwa kuti bunamati bunanga semigwagwa ilosiyana inokuswincha kundawo imwempela. Koga zungaba ichokomende na? Balani Mateu 7:13, 14, akale kwejisani nombuzo yoyu:

• IBhayibhili linotini nongwagwa unotungamila kubupenyu?

Yebani iVIDIYO, akale kwejisani nombuzo unotobela.

IVIDIYO: UNkulunkulu Wamukela Zonke Izindlela Zokukhonza Yini?​—Isiqephu (3:22)

• IBhayibhili linoti jinsondo jose jinonshantisa na Mwali?

5. Bunamati bwamanyepwa abutotondeja ludo lwaMwali

Jinsondo jamanyepwa jimuta zunu zubi zusinodiwa naMwali zunota kuti tumbone nenzila isiliyo. Chibi chikulwana chabamuta kungwinila mujihondo. Kuti ubone yozu, yebani iVIDIYO. Akale kwejisani nemibhuzo inotobela.

IVIDIYO: Okwenziwa Ngamasonto Ngesikhathi Sempi Yomhlaba Yesibili II (2:22)

• Ini zwakatiwa namachechi ponshaji wehondo yenyika II?

• Unowha chini nozwabakata?

Balani Johani 13:34, 35 na 17:16. Akale kwejisani nemibhuzo yeyi:

• Ubweni sokuti Jehova unowha chini yopo machechi pabanongwinila mujihondo?

• Zunji zunu zubi zunotiswa namachechi amanyepwa. Ini zwawakabona zunotiwa namachechi amanyepwa zunotondeja kuti bamukonelwa kubonesa ludo lwaMwali?

6. Mwali umuda kubhancha banhu kuti bebhude mumachechi amanyepwa

Balani Zwakatondejelwa 18:4,a akale kwejisani nombuzo yoyu:

• Unowha chini nechido chaMwali chokubhancha banhu kuti bebhude mumachechi amanyepwa?

7. Ndililambeli ulayijwa nozwaMwali wechokomende

Tokwelela kuvumila machechi amanyepwa kuti echinche mabonelo atinota Mwali na? Sonkwejaniso, mwananhulumyana unolamba kutambula kulaya kwadade babe. Unotizha pasha esikonolalama bupenyu bwaanoda. Tate abatobeshanta nozunu zubi zuchabetiwa nomwanabo. Neni zusili zubhodo kuti tisole tate nenzila mwanabo yamulalama nayo?

• Zunota na kuti tisole Jehova akale tisikoleka kulayijwa nozuzwe pezhulu pozumutiwa namachechi amanyepwa?

INI ZWAWAFUNDA

Machechi amanyepwa amuta kuti Mwali eboneke nenzila isiliyo namanyepwa abanolayija akale nozuto zwabo zubi. Mwali uchapalaja machechi amanyepwa.

Kubwilulula

• Unowha chini nozunolayijwa nozunotiwa namachechi amanyepwa?

• Jehova unowha chini namachechi amanyepwa?

• Mwali uchootani namachechi amanyepwa?

PAMIJA PANA ZWAWAWANA

Layijwa nozunu zubili zunotiwa namachechi manji zusinoshantisa Mwali.

“UNkulunkulu Wamukela Wonke Amasonto Yini?” (Inyaya ipo peintaneti)

Neni Jehova eda kuti tinamate tilipamwempela nabamwe?

“Kuqakathekile Yini Ukuthi Umuntu Abe Lilunga Lenkolo Ethile?” (Inyaya ipo peintaneti)

Umwe mpristi wakabeshushikana nozunu zwakabetikana munsondo yiye. Koga azujakonkoneja kulayijwa ichokomende nozwaMwali.

“Kuyini Okwenza Umpristi Watshiya Isonto Yakhe” (Vukani!, February 2015)

Machechi aba namakole efundisa manyepwa anota kuti banhu beyeye kuti Mwali unamoyombi akale azutota kuti tisendele pelyo naye. Layijwa ichokomende namanyepwa matatu yaya.

“Uyawazi Yini Amanga Enza Kube Nzima Ukuthanda UNkulunkulu” (INqabayokulinda, November 1, 2013)