Tingonamata Chini Mwali Nenzila Inonshantisa

Sozwatalayijwa muchilayijo chapinda kuti atoba ose machechi anoshantisa Mwali. Koga tingatubula kunamata Umbumbi wedu nenzila inonshantisa. Ndibupi “bunamati [kana kuti ichechi]” inonshantisa? (Jemusi 1:27, mawhi apo pasi) Iwha zunolayijwa neBhayibhili.

1. Zunu zwatinodimbwa zunokwelela kuva poni?

Zwatinonamata zunokwelela kuva muBhayibhili. Jesu wakati kunaMwali: “Iwhi lyenu ndilyo ichokomende.” (Johani 17:17) Amwe machechi abaneni nechokomende chinowanika muWhi lyaMwali iBhayibhili. Banokoshesa ingalilo nokufundisa zwabanoyeya. Jehova aatoshantiswa naabo “basinowhilila milawu iye.” (Balani Maliko 7:9.) Tingotobeleja zumomuBhayibhili nokuwhilila kulaya kukwe tichashantisa moyo waMwali.

2. Tingonamata chini Jehova?

Tokwelela kunamata Jehova chete nokuti ndiye Umbumbi wedu. (Zwakatondejelwa 4:11) Yozu zunova kuti tokwelela kuunda akale tinamate iye chete tisinoshingisa zubezhwa.​—Balani Izaya 42:8.

Tokwelela kuta kuti kunamata kwedu “kube kuchena akale kutambulike”kuna Jehova. (BaRoma 12:1) Yozu zunoleba kuti tokwelela kulalama titobeleja milawu iye. Sonkwejaniso, yabo banoda Jehova banotobeleja undawu welobolano. Akale banosiya kushingisa bubi zunu zunokola zunanga ifolya nobusukwa.a

3. Neni tikwelela kunamata Jehova tilipamwempela nabamwe?

Mishangano yatinota iviki neviki inotipa chibaka “chokukuja Jehova . . . mugubungano.” (Lwimbo 111:1, 2) Imwe nzila yatinonkuja nayo Jehova kunkwimbila. (Balani Lwimbo 104:33.) Jehova unotibuja kuti tingwine mishangano nokuti unotida akale unoziba kuti inotibhancha kuti tilalame tishanta nokusinopela. Patinoshangana pamwempela tokutayijana.

FUNDA ZUNJI

4. Atitokwelela kushingisa zwibezhwa kana tinamata

IVIDIYO: UNkulunkulu Ufuna Sisebenzise Izithombe Yini Nxa Simkhonza? (3:26)

• Mwali wakata chini yopo baIsraeli benamata zuthombe?

Bamwe banhu banoti kushingisa zuthombe kunobata kuti besendele pelyo naMwali. Koga yozu azutota kuti bebekule naMwali na? Balani Kubhuda 20:4-6 naLwimbo 106:35, 36, akale kwejisani nemibhuzo yeyi:

• Ndizupi zumwe zunu kana kuti zwibezhwa zwawakabona bamwe banhu bezushingisa kana benamata?

• Jehova unowha chini nokushingiswa kozwibezhwa?

• Iwi unowha chini nokushingiswa kozubezhwa?

5. Kunamata Jehova kunotisupula kundayijo jamanyepwa

IVIDIYO: Iqiniso EliseBhayibhilini Lamkhulula (5:16)

Balani Lwimbo 91:14, akale kwejisani nombuzo yoyu:

• Jehova unotibimbisani kana tikanamata iye ega?

6. Mishangano yedu yegubungano inotipa chibaka chokunamata Mwali

Patinokwimba nokushandula pamishangano yegubungano tobekuja Jehova akale nokukutayija bamwe. Balani Lwimbo 22:22, akale kwejisani nemibhuzo yeyi:

• Umunakilwa na nokuwha inshandulo jabamwe pamishangano?

• Ungada na nayibo kubambanyila kuti unoshandula pamishangano?

7. Jehova unoshanta kana tibuja bamwe zwatimulayijwa

Tinane nzila inji jatingashingise kubuja bamwe nozwechokomende imomuBhayibhili. Balani Lwimbo 9:1 na 34:1, akale kwejisani nombuzo yoyu:

• Ndizupi zwawalayijwa muBhayibhili zwawungade kubuja umwe unhu?

INI ZWAWAFUNDA

Toshantisa umbumbi wedu yopo patinonamata iye ega nokunkuja pamishangano yegubungano akale nokubuja bamwe zwatalayijwa.

Kubwilulula

• Tingaziba chini inzila yokunamata inotambulika kuna Mwali?

• Neni tikwelela kunamata Jehova iye ega?

• Neni tikwelela kunamata nabamwe banoda kunshantisa Mwali?

PAMIJA PANA ZWAWAWANA

Bala uwhe kuti umwe unhukaji wakata chini kuti esiye kunamata zubezhwa munyaya inowi

“Sengatshiyana Lokukhonza Izithombe” (INqabayokulinda, July 1, 2011)

Layijwa zumwe zungakubhancha kuti ukwanise kushandula pamisha ngano yegubungano.

“Dumusani UJehova Phakathi Kwebandla” (INqabayokulinda, January 2019)

Bona kuti umwe nhulume wakabhanchikana chini nokungwina mishangano kojoba zusakabeli zulelu.

UJehova Ulendaba Lami (3:07)

Banhu banji banoyeya kuti chiphambano chinomilila chiKristo, koga tokwelela kuchishingisa na kana tinamata?

“Kungani OFakazi BakaJehova Bengasebenzisi Isiphambano?” (Inyaya ipo peintaneti)