Yesu mwatakangania lisa abandu ngoko erina ly’oMungu ni Yehova. Abayahudi ababya akabugha nabo ibanasi erina ry’oMungu. Aliwe, Yesu yo wabya w’erimbere erimuminyikalya. (Yoh. 1:17, 18) Ng’eky’erileberyako, Amasako w’Ekiebrania akakanganaya ngoko Yehova akaghanyira n’erikwira abandu b’obulighe. (Eril. 34:5-7) Yesu mwaminyikalya omwatsi oyo gho ndeke-ndeke omo musyo w’omwana oyo wahera, na tata w’omwana oyo. Omughulu tukasoma ngoko omwana oyo abere abiyisubako, mwahongoka n’erisuba eyiri baba wiwe, “iniakine hali, baba wiwe mwamulangira,” amatibita eyali n’erimukumbatira n’erimughanyira n’omutima wosi; ekyo kikakanganaya ngoko Yehova akaghanyira n’erikwira abandu b’obulighe. (Luka 15:11-32) Yesu mwawatikya abandu eriminya Yehova yo ndeke-ndeke. w24.02 10 enu. 8-9