November

Taba ya go bolabola tsa go bola a yi gahlane felo le Mokreste. Mara di nyaka re pasope mokgwa wo mongwana wa go bolabola dilo tsa gore a di nape di šupa di kwaletsana. Mo re beyisa, di nyaka re pasope, o sa kraye re lebelele setšo, setšhaba kela naga ya bonnenyane re re yi phala ke ya bomakelele. Fote a re nyake go kwaletsa ba bangwana ka go fo lla go bolabola. Bolabola tsa gore di yagisa ba bangwana. Yakgoswela go thanaka, o sa yakgoswele go solasola kela go kokola. Maisrayele ke mo ma na le dilo tsa go tlala tso ne ma ka di leboga, mara ke mo ma fo kokola mo bo na bo sile. Phela mokgwa wa go solasola wa tshilelana. O sa lebale gore tsa go kekema tso di hlayyeng ke lesome la banna bala ne ba ba romme gore ba ye sikela naga ye nngwana di makiye gore “Maisrayele ka mokana ga wona . . . ma thomise go kokolela Moše.” (Dip. 13:31–14:4) Mara mo re titlwayetsa go thanaka ba bangwana, tsotsone di ka ba tšhofa gore ba ye mahlong ba maka tsa go loka. Byalo dula o ramele mo go thulega lešuba la gore o thanake ba bangwana. w22.04 8 ¶16-17

Go tlugisela Bhayibele yi sa ngwadiwa, Jehova o gelepiye ba go tlala ba gore ba sa gula gore ba nghanelane naye. Fote a ka gelepa bana bago gore ba gule ga tso tsa Modimo mo nkare ke so bona ba se nabelang. (1 Makor. 3:​6, 7) Le mo di ka šupa nkare bana bago ba fo ya ba kene ba keketlela, Jehova a ka sa ba takisi maahlo. (Pis. 11:4) Mo a ka fo bona ba na le hlasenyana ya go šupetsa gore “ba tlalele” ga tsa gabutši, o nyoko ba a le gana hone thina gore a ba gelepe. (Meber. 13:48; 2 Dikor. 16:9) A ka go gelepa gore o bolabole tsa gabutši ka nako ya gona—ka matlamatla mo di nyaka gore bana bago ba di kwe. (Diy. 15:23) Kela a ka hlohletsela mogageru ye mongwana wa monna kela wa mosadi ka ho phutegong gore a hlupege ka matla ka bona. Le mo bana bago ba šele ba gudiye, Jehova a ka ba gopotsa se sengwana sa gore o yye wa ba tšhutisa sona ku botala. (Joh. 14:26) Mo o kene o tšhutisa bana bago ka tso o di bolabolang le ka tso o di makang, o maka gore Jehova a be le tsa go tlala tso a go rufang ga tsona. w22.04 21 ¶18

Ka taba la gore di šašiye tsa Sathane tsa gore a kene a tšwa ku legedimong o napa a ntsha lešidi lage ka mokana ga lona a le ntshela ga bo ba šeleng ba go tlotsiwa, ba gore ke bona ba yemelang Mmušo wa Modimo fote ba gore “ba maka mmereko wa go tšhomayela ka Jeso.” (2 Makor. 5:20; Maef. 6:​19, 20) Ka 1918, mabala ya magageru ya gore ma yeta mmereko mahlong ba yye ba ma hlayela matsaka ke mokane ba ma bošela jele nako ya go lefa. Ne di šupa nkare mmereko wa bo ba go tlotsiwa “go fediye ka wona.” (Kut. 11:​3, 7-11) Mara mathomisong ya mongwaga wa 1919, magageru yane ya go tlotsiwa ba yye ba ma ntsha jele ke mokane ka nthagonyana ba solanya melato ya wona. Ka go yakgoswa magageru ma yye ma boyela ga mmereko wa go tšhomayela. Mara tsone a di rele gore Sathane o yye a lisetsa go hlasela batho ba Modimo. Go tlugisela ka nako yonone Sathane o yye a bulela go hlorisiwa ga nkare ke “meetši ya noka” ga batho ka mokana ga bona ba Modimo. (Kut. 12:15) Nnete ke gore, di nyaka ka mokana ga rune re tiyisele fote re be le tumelo.’—Kut. 13:10. w22.05 5-6 ¶14-16

Ga mmono, Johane wa lepostola o yye a bona megoba ka mmedi ya gore yi thega Mmušo wa Jehova fote ba yi rufiye ka lephelo la go ya go yye. Nombhoro ya mogoba wa mathomo ke 144 000. Ba ba tsere ho lefaseng gore ba ye lawola le Jeso ku legedimong. Ba le naye ba nyoko lawola lefase lowa ka mokana ga lona. (Kut. 5:​9, 10; 14:​3, 4) Ga mmono wowa Johane o ba bona ba yemme le Jeso Thabeng ya Tsiyoni ya ku legedimong. (Kut. 14:1) Go tlugisela ku botala, ba go tlala ba yye ba ba hlawola gore go be ba 144 000. (Luk. 12:32; Marom. 8:17) Mara Johane ba mmutsiye gore bo ba šeleng kela nombhoro ye nyana ga mogoba wone ba ko ba ba phela ho lefaseng ka dinako tsa mafelelo. (Kut. 12:17) Mo motšhatšhamelo wo mogolo wo kene wo ya mahlong bo ba šeleng ba nyoko ya legedimong ba ye gahlana le ba bangwana ba 144 000 ba gore ba yye ba kgwa ba kene ba tshepega. Mo ba le gana ku ba nyoko lawola ba na le Jeso ga Mmušo wa Modimo.—Mat. 24:31; Kut. 5:​9, 10. w22.05 16 ¶4-5

Jeso o tšhutisiye bo ba mo latelelang gore ba titseye gabutši. Jeso o yye a ba botsa gore: “Meriri ya mo dihlogong tsa lune yi balediwwe ka mokana ga yona.” (Mat. 10:30) Tso a di hlayyeng di ya re bhambhatela wa tšiba, ka matlamatla mo nkare re fela re titseyela fase. Tsotsone di napa di šupetsa gore Papa wa rune wa ku legedimong wa tihlupa ka rune fote o re tseyela gedimo. A re nyake go kraya re nagana gore Jehova di mo tlonnye mo a šinya a bona di re tshwanela go ba malata yage fote a nyaka gore re kraye lephelo ga lefase la nyuwane. Ga 15 ya mengwaga ya go fela, Sewokamelo se re hlohletsele gore di nyaka re tšhute go titseya gabutši mo se re: “Ke nnete gore, a di nyake re titseyela gedimo ka matla la go šinya re kakola magetla; kela re titseyela fase ka matla la go šinya re titseya nkare re fo ba ditšiya tsa ditoto. Mara, di nyaka re tšhuta go titseya gabutši, go leng go tšiba tso re kgonang go di maka le mo re kgerang gona. w22.05 24-25 ¶14-16

King so ye mongwana le ye mongwana wa rune a ka se makang gore ka ho phutegong re dule re le ngata ka yyoši? Ke mo re kwana le go phidisana le ba bangwana gabutši. (Mat. 5:9; Marom. 12:18) Mo re kene re kikirisana le taba ya gore re phidisane gabutši le ba bangwana ka ho phutegong, ka mokgonone re nyoko napa re bafatsa pharadeyisi ya tso tsa Modimo. A re lebale gore Jehova o gogiye ye mongwana le ye mongwana ye a leng ga pharadeyisi ya tso tsa Modimo gore le yene a be ga morapelo wa go yela. (Joh. 6:44) O fo nagana gore Jehova o jabola go segela kaye mo a bona re karakara ka matla gore re thogo phidisana le ba bangwana gabutši, le ho a bona malata yage ya gore o ma tseyela gedimo ma mamarelanne go le selo ka ssoši! (Jes. 26:3; Hagh. 2:7) Tso Modimo a re rufang ka tsona ka taba la gore re malata yage, di re berekela ka mokgo mang? O fo nagana ka tso re di tšhutang ka Lentsung la Modimo. Mo re kene re tšhuta re boya re ghayela, tsotsone di nyoko re gelepa gore re be le mekgwa ya Sekreste ka ho phutegong ya gore yi nyoko re tšhofa gore re ‘nyakanane ka matla le magageru fote re sa timakisi.’—Marom. 12:10. w22.11 12-13 ¶16-18

Mo re yi tshepa taba ya gore Jehova o re tshwarele, tsotsone di maka gore re be le “dinako tsa go kwa re yimulugiye,” re dule re bebiye fote re sa kokone ke lekwalo. Aa šiyo le ka wwoši wa gore a ka di kgona go go tshwarela ka mokgonone mara “Jehova ka bo yene” wa di kgona. (Meber. 3:19) Jehova yene mo a re tshwarela o tsosa senghana so re nang naso naye la go šinya di šupetsa nkare a sanka ra mo kwisa go baba le ka gonyana. Jehova mo a tshwarela motho, taba yi napa yi felela gana hone aa sa boya a yi tsosa. (Jes. 43:25) Phela tso re di sinnyeng Jehova o di beyela ku kgole go fo tshwana le mo “bohlabela bo le kgole le bodikela.” (Pis. 103:12) Mo re fo nagana ka taba ya gore Jehova o re tshwarela a sa fetsi, re šala re sa tšibi gore re ka mo thanaka re re king. (Pis. 130:4) Jehova mo a segelela sepheto sa gore a tshwarele motho aa yi ka gore tso motho yene a di sinnyeng ke tse dinyana kela ke tse dikgolo. Jehova ke yene ye a re Makiyeng, ye a re Neyang Molawo fote go le Wa go Yahlula mo a nyoko tshwarela motho o thomisa a lebelela mahlaya ka mokana ga wona ya taba. w22.06 5 ¶12-14

Jehova o neyye bo ba mo nyakang tshepo ya gabutši ka matla. Go se botala o nyoko fetsa ka malwele a tlosa tsa go re kwisa go baba a boya a fetsa ka likgu. (Kut. 21:​3, 4) O nyoko gelepa “ba go tinyanafatsa” ba gore ba tshepele gage gore a tšhentšhe lefase go be pharadeyisi. (Pis. 37:​9-11) Fote o nyoko maka gore batho ba nghanelane naye thina ka matla go phala gana byalo. Ye lune, phela yone ke tshepo ya go bafala ka matla! Mara ke ntaba re tshepa gore tso Modimo a re tshepisang tsona di nyoko makega? A di kgonege gore Jehova a re tshepise matsaka. Byalo di ya kwagala mo re “tshepa Jehova.” (Pis. 27:14) Re šupetsa gore re tshepa Modimo mo re mo yemela re lefisiye pelo gore a make tso a di tshepisiyeng fote re kene re jabodiye. (Jes. 55:​10, 11) Di nyaka re dula re tshepega ga Jehova re sa kamake gore o nyoko rufa “bo ba mo nyakang tsa mannete.” w22.06 20 ¶1; 25 ¶18

A re yi kamake le ka gonyana taba ya gore Jehova go leng yene Hlogo ya mutši o yi tseyela gedimo tšhiko yo yi nyarelang ga 1 Thimothi 5:8. Mo o sa yi kamake taba ya gore Jehova o re nyaka ka matla fote o nyaka le ba mitši ya rune di nyoko ba lula go tshepa gore re ka sa gayele selo. (Mat. 6:​31-33) Jehova ke yene ye a re pasopang ka tso re di gayelang o re nyaka ka matla fote aa konane! Nakwela a maka lefase o makiye gore re kraye dilo ka mokana ga tsona gore re thogo phela. Fote o yye a tokegela ka dilo tsa gore di nyoko maka gore lephelo le jabodise. (Gen. 2:9) Le mo yi le gore ka dinako tse dingwana re fo ba le tsa go yenela ka nako yonone, so re se lebelelang ke gore re kene re ya mahlong. Jehova a sanka a re tšebisa le ka gonyana o dula a re neya tso re di gayelang. (Mat. 6:11) Re sa lebale gore dilo tso Modimo a re beyeleng tsona ku mahlong di di phala kgole tso re tikonang tsona gana byalo.—Jes. 65:​21, 22. w22.06 15 ¶7-8

Batho ba nyuwane bo ba šupetsang gore baa jabolela a yi bona ba le ntoši bo di nyakang gore ba tšhute dilo tsa go kenelela tsa go tšwa ga Modimo. Ka mokana ga rune di nyaka re make ka mokgonone. Pawulo wa lepostola o ngwadiye gore go berekisa dilo tsowa go nyoko re gelepa gore re “thogo bona tsa gabutši le tsa go kekema.” Ka dinako tsowa tsa go thathafa batho ba maka dilo tsa go sa hlamatsega byalo, tsotsone di ka maka gore re thathafele ke go theetsela melawo ya Jehova. Mara Jeso o wa a tsoga gore a re gelepe go tiyisa tumelo ya rune ka tso tsa go tšwa ga Modimo. Tsa go ja tsowa di tšwa ka Lentsung la Modimo go leng Bhayibele. Go fo tshwana le Jeso, le rune re liketsiye ka matla go gadimisa lebitso la Modimo. (Joh. 17:​6, 26) Mo re beyisa ka 1931 re yye ra neyiwa lebitso la go tšwa ka Bhayibeleng la Dihlatse Tsa Jehova la gore le yelana le la Papa wa rune wa ku legedimong. (Jes. 43:​10-12) Go tokegela gana hone, New World Translation of the Holy Scriptures yi yye ya busetsa lebitso la Modimo mo ne le le gona ka Bhayibeleng. w22.07 11 ¶11-12

Nnete yo yi leng ka ho Bhayibeleng yi hlaya le ditaba tsa go bafala tsa go bolabola ka Mmušo wa Modimo. Jeso o tshwanisiye nnete yone ya go bolabola ka Mmušo wa Modimo le makgekgembha ya gore ba ma wutametsiye. Ga Matewu 13:​44, Jeso o yitseri: “Mmušo wa magedimo wo tshwana le makgekgembha ya gore ba ma wutetsiye ke mokane motho ye mongwana a segela a ma kraya a ma pasopa ka taba la gore ne a jabodiye ka matla, o yye a šinya a tloga a ye rekisa dilo ka mokana ga tsona tso ne a le natso gore a reke tšhomo yone.” Ayitsano wa di bona gore monna yewa ne a sa sepele a nyakanana le makgekgembha yane. Mara mo a ma krayye o yye a maka sengwana le se sengwana gore go be yage. Gabutšibutši o rekisiye dilo ka mokana ga tsona. Ke ntaba a makiye ka mokgonone? Ke mo a di tšiba tsa gore makgekgembha yawa ke selo se segolo. Re ya di tšiba gore a go na le selo ka ssoši so motho a ka re neyang sona sa gore re ka se likanisa le go berekela Jehova re jabodiye fote re na le tshepo ya lephelo la go ya go yye ku mahlong mo go lawola Mmušo wa Modimo. Phela taba yowa ya gore re tikwisa ka senghana sa thina le Jehova yi di teya kgole ka mokana ga tsona tso re tikonang tsona. So se makang gore re jabole ke go karakara “gore a thogo jabola.”—Makol. 1:10. w22.08 15 ¶8-9; 17 ¶12

Josefa o di tšibiye ka mokgo mang tsa gore Modimo ke mo a nyoko tseya taba ya go yetsela le mosadi wa monna ye mongwana go le go maka dilo “tsa go befa”? Phela Maisrayele ba ma neyye Molawo wa Moše wa gore “O sa make tsa mapaying le mosadi kela monna wa ye mongwana,” ka nthago ga 200 ya mengwaga. (Ek. 20:14) Le mo go le ka mokgonone, Josefa ke mo a mo tšiba gabutši ga Jehova la go šinya a ro tšiba le ka mokgo a tikwang ka go maka dilo tsa go sa hlamatsega. Mo re beyisa, Josefa ke mo a di tšiba tsa gore Jehova o makiye gore mošadho go be wa monna ka wwoši le mosadi ka wwoši. Fote di ka makega gore o yye a yi kwelela taba ya gore Jehova o yye a tšhireletsa kokwane wage wa mosadi ye ba reng ke Sara gore a dule a tshepega ga monna wage. (Gen. 2:24; 12:​14-20; 20:​2-7) Byalo mo Josefa a nagana ka ditaba tsone o napa a thogo di bona gore so se lukiyeng maahlong ya Modimo ke sefeng. Ka taba la gore Josefa ke mo a mo nyaka ka matla ga Modimo fote a kwana le melawo yage ya go loka ke mo a tikemisele go yi ngangarela. w22.08 26 ¶1-2

Seporofeto sowa a se ka mokgo ne re se kwisisa ku botala, ne re tseya gore taba yo ya gore go nyoko tsusiwa malata ya Modimo ya gore ma kgwile botala ya gore yi makega ga dinako tsa mafelelo yi fo ba ya go tshwanisela. Mara mantsu yawa, ma rela go tsusiwa ga bo ba kgwileng ga gore go nyoko makega ga lefase la nyuwane. Ke ntaba re napa re yi fetsa ka mokgonone? Lentsu la gore “lerole” la gore fote ba le berekisiye ga Jobo 17:16 le yelana le la gore “Lebitla.” Taba yonone yi napa yi šupetsa gore Daniyele 12:2 yi bolabola ka taba ya gore batho ba nyoko tsusiwa tsa mannete mo go šele go le mafelelong ya dinako tsa mafelelo ka nthago ga ntwa ya Aremaghedoni. Daniyele 12:2 yi ra gore king mo yi re ba bangwana ba gore ba nyoko tsusiwa ba nyoko kraya “lephelo la go ya go yye”? Yi rela gore mo bo ba gore ba ba tsusiye ba ya mahlong ba tšhuta ba boya ba theetsela Jehova le Jeso, ga 1 000 sa mengwaga ba nyoko feleletsa ba le krayye lephelo la go ya go yye.—Joh. 17:3. w22.09 21 ¶6-7

Mara taba yowa a yi rele gore Jehova o re re fo lla go tshepa motho ye mongwana le ye mongwana, mara o nyaka re ba tshepa ka taba la gore le bona ba tišupetsiye gore baa tshepega. Taba ya go tshepega a yi šiyane kgole le taba ya go hlompa, di nyaka motho a ro karakara gore a thogo di kraya fote di tseya nako. Mara o ka maka byang gore o thogo tshepa magageru? Di nyaka o ma tšiba gabutši. Mo o le mogahlanong wa phutego o bolabole nabo. O boye o ba kgopele gore le bereke ggoši ga mmereko wa go tšhomayela. Ba lefisele pelo o ba neye lešuba la gore ba thogo šupetsa gore nnete baa tshepega. O ka kraya gore mo o sa thoma o nyoko kgeta gore ga ditaba tsago ke difeng tso o nyoko di botsang motho wa gore a yi botala o mo tšiba. Mo senghana sa lune se kene se ya se tiyelela o ko di kweng le wene gore a o sa tšhaba go mmotsa se sengwana le se sengwana. (Luk. 16:10) Mara o nyoko maka byang mo mogageru yene a ka go sepela ka fase o šala o tikwa le wene gore a o sa mo tshepa? O sa yakgoswele go lahla tewu. Mara o fo yemanyana. Fote o sa tinwisi ke go tshepa magageru o makisa ke tso ba bangwana ba yyeng ba di maka. w22.09 4 ¶7-8

Mogolo ye mongwana ye ba reng ke Miqueas o yye a tikwa a tshwariwa bošidi ke magageru ya mangwana ya gore ma maka mmereko wo mogolo ka ho mokgahlong wa Jehova. Mara, o yye a berekisa monagano wage ke mokane a lwela gore pelo yage yi kgibe. Ke mo a rapela a sa fetsi, a kgopela Jehova gore a mo neye moya wage wa go hlawolega le matšhika ya gore a tiyisele. Fote o yye a lebelela tso di ka mo gelepang ga dikgatiso tsa rune. Re tšhuta ying mara? Mo o kwa nkare mogageru wa monna kela wa mosadi aa go tshwara gabutši, dula o kgibiye fote o kganele kgole le go nagana dilo tsa gore a yi tsona. O ka sa tšibi gore motho yene o tšhofiye king gore a šinye a bolabole kela a make dilo ka mokgo a makiyeng. Byalo, bolabola le Jehova ka thapelo o mo kgopele a go gelepe gore o lebelele dilo ka mokgo motho yene a di lebelelang. O tseye magageru go le batho ba gore ba ka sa tsoge ba go makiye bošidi fote di nyoko ba lula gore o liketse go ba tshwarela. (Diy. 19:11) O sa lebale gore Jehova wa di bona tso o kikirisanang natso fote o nyoko go neya matšhika ya o ma hlokang gore o tiyisele.—Mmo. 5:8. w22.11 21 ¶5

Kgeta banghana ba gore ga Jehova ba kwana naye ka matla. Banghana bo o ba kgetang ba ka yama ka mokgo o golang ga tso tsa Modimo. (Diy. 13:20) Julien, wa gore gana byalo ke mogolo ka phutegong, o re: “Nakwela ke sa gola ke yye ka tikgetela banghana ba gabutši mo nkene ke maka mmereko wa go tšhomayela. Banghana bo ba gore ke mo ba na le matšato ba yye ba n’gelepa gore ke thogo di bona gore mmereko wa tšhomo wa natefa. . . . Fote ke di bonne tsa gore ke mo ke feta ke tsa go tlala ga taba ya go fokatsa le banghana ka taba la gore ke mo ke fo kgeta banghana ba gore ba lekana le nna ka mengwaga.” Byalo o nyoko maka byang mo o bona gore ye mongwana ka phutegong di ka sa make gore go be monghanago wa gabutši? Pawulo ke mo a di tšiba tsa gore ba bangwana ga phutego ya Sekreste ya ku botala ke mo ba sa tlalela ga tso tsa Modimo, byalo o yye a pasopisa Thimothi gore a kganele kgole le batho ba mošaga wone. (2 Thim. 2:​20-22) Senghana so re nang naso le Jehova ke mong lekolwane. Byalo a di nyake re fo lisetsa motho ye mongwana a hlafolanyana senghana so re nang naso le Papa wa rune wa ku legedimong sa gore re ro karakara ka matla gore se šinye se tiyelele. w22.08 5-6 ¶13-15

Rune a re tshwane le bo ba gore a ba kwane le taba ya gore ba yetetse ke Modimo, mara re karakara ka matla gore re kwane le tso Modimo a kwanang natso le go phela ka melawo yage. Fote re ka tiyisa taba ya rune ya go mo nyaka ka matla ga Modimo ka go fo lebelela maphomela ya ba go theetsela le ba go sa theetsele. Lebelela gore ke mathatha ya mošaga mang yaa batho ba tileyelang wona ka taba la go fo ba le sekokonono kela bophokophoko bya go gana mo Jehova a ba yetetsa. Ke mokane o lebelele lago lephelo gore le kawone go segela kaye, ka taba la go theetsela Modimo. (Pis. 32:​8, 10) Jehova o neya ye mongwana le ye mongwana go hlalefa, mara aa gapeletse motho mo a sa nyake go hlalefa. O boya a re yatlalela ditaba gabutši mo a re botsa gore maphomela go ba ya mošaga mang mo motho a sa nyake go theetsela melawo yage. (Diy. 1:​29-32) “Ba nyoko kraya patela ya tso ba di makang.” Mo goya-goya, maphelelo ya bona ma nyoko ba leyela tsa go baba le tsa go sasamela ke mokane mafelelong Jehova o nyoko fetsa ka bona. Mara bo ba theetselang tso Jehova a ba yetetsang ka tsona ba boya ba di maka ba ba tshepisa gore: “Ye a ntheetselang o nyoko dula a pasopegiye fote a ka sa tshose ke tsa go sasamela tsa gore di nyoko makega.”—Diy. 1:33. w22.10 21 ¶11-13

Go tšhaba Jehova di rela go mo hlompa ka matla la go sa nyake go maka selo sa gore se ka mo kwisa go baba. (Diy. 16:6) Ka mokgonone, re nyoko karakara gore re theetsele melawo ya Modimo yo yi leng ka Bhayibeleng ga taba ya sa go loka le sa go sa loka. (2 Makor. 7:1) Re nyoko jabola tsa nkare ke moka mo re maka dilo tso Jehova a kwanang natso ke mokane re hloya tso a di hloyyeng. (Pis. 37:27; 97:10; Marom. 12:9) Motho a ka fo ba a di tšiba tsa gore Jehova o na le matšhika ya go kgeta gore ke sefeng sa gore se lukiye le gore ke sefeng sa gore a se ya loka, mara o ka kraya motho yene a sa nyake go yi theetsela melawo yone. (Marom. 12:2) Re šupetsa ka tso re di makang gore re ya resa mo re re re ya tshepa gore mo re theetsela melawo ya Jehova tsotsone di nyoko maka gore tsa lephelo di re sepelele gabutši. (Diy. 12:28) Dafita ne a tikwa ka mokgonone, mo a bolabola ka Jehova o yitseri: “Pata ya lephelo ke yi šupetsa ke wene. Mo o leng gona gwa jabodisa; ga letsogo lago la go ja go jabodisa go ya go yye.”—Pis. 16:11. w22.10 8 ¶9-10

Jeso ke mo a dula a tinyanafatsiye fote a titseya gabutši. Nakwela a soko bane a tla ho lefaseng go le motho, ke mo a na le dilo tsa go tlala tsa gore o yye a di maka ga mmereko wa Jehova. Ka yene Jeso, “dilo ka mokana ga tsona tsa ku legedimong le tsa ho lefaseng di makiwwe.” (Makol. 1:16) Nakwela a kolobetsiwa, o yye a gopola dilo tso a yyeng a di segelela mo a na le Papage. (Mat. 3:16; Joh. 17:5) Mara taba ya gore Jeso ne a tšiba ka dilo tsone a sanka ya maka gore a tseye nkare yene ke yene. Mara ne a sa tseyele motho fase. O butsiye malata yage gore mo lefaseng, “aa tlela go berekediwa, mara o tlele go berekela ba bangwana gore a thogo neyela ka lephelo lage gore a lepolle ba go tlala.” (Mat. 20:28) Fote ke mo di sa mo tšebisi go hlaya gore dilo ka mokana ga tsona tso a di makang ke mo a di botsa ke Papage. Yii phela Jeso wa tinyanafatsa ye lune! Jeso o re beyisele gabutši. w22.05 24 ¶13

Mo motho a sinnye Jehova o thomisa a lebelela gore ayitsano motho yene ne a kene a di tšiba tsa gore so a se makang a se ya loka. Jeso o yye a di beya lekgwaying ga Luka 12:​47, 48. Mo motho a fo ya mahlong a maka sa go befa ka bomu a kene a tšiba gore selo sone a se ya loka fote se kwisa Jehova go baba, o napa a ro sinya ka matla. Fote motho wa mošaga wonone wa tipolayisa ka taba la gore Modimo a ka sa mo tshwarele. (Mar. 3:29; Joh. 9:41) Ayitsano di ka makega gore ba re tshwarele go kene go le ka mokgonone? Eya! Se sengwana so Jehova a se lebelelang mo a nyoko tshwarela motho wa gore o sinnye ke taba ya gore ayitsano motho yene wa resa mo a re wa tisola. Tsotsone di rela gore motho o nyoko “tšhentšha tso a di naganang, ka mokgo a tseyang dilo kela tso a tikemiseleng go di maka.” Gana hone go kena le taba ya gore motho yene di mo kwisa go baba tsa go kekema tso a di makiyeng kela o kgongwetsa ke taba ya gore a sanka a maka sa gabutši so ne a tshwanele a se make. So se napang se maka gore motho wa gore wa tisola a kwe go baba ka matla ke taba ya gore o lisetsiye senghana sage le Jehova se šehla. w22.06 5-6 ¶15-17

Manaba ya rune ma sabalatsa matsaka kela dilo tsa gore re sa tshepe magageru ya gore ma yeta mokgahlo wa Jehova mahlong. (Pis. 31:13) Magageru ya mangwana ba ma bošele jele fote ba ma hlayela matsaka ya gore ke batho ba go sinya. Makreste ya ku botala le wona ma yye ma gahlana le seyemo sa mošaga wonone, nakwela Pawulo wa lepostola ba mo hlayela matsaka ba boya ba ro mo hlahlela jele. Ya mangwana ma yye ma lisetsa go thega Pawulo wa lepostola nakwela ba mmošele jele ku Roma. (2 Thim. 1:​8, 15; 2:​8, 9) O fo nagana gore Pawulo o yye a tikwa ka mokgo mang. O yye a tiyisela dilo tsa go tlala tsa go mo roba fote o nyakiye a loba le lephelo lage a re o kgwela bona. (Meber. 20:​18-21; 2 Makor. 1:8) Le ka tšatši la mohlolo re sa nabele go tshwana nabo batho bone ba gore ba yye ba kganyela Pawulo! Byalo, di nyaka re sa lebale gore ka matlamatla bo Sathane a ba goroleleng maahlo ke magageru ya gore ma yeta mahlong. O nyaka gore magageru yane ma lisetse go tshepega ga Jehova fote o teyela le rune diparapara. (1 Pet. 5:8) Le sa lisetse go theganana le magageru fote le yeme nabo le kene le tshepega.—2 Thim. 1:​16-18. w22.11 16-17 ¶8-11

Di ka makega gore sekgohlane sela sa gore se sokologiye sa gore ba se kokotele ka ho nthoko ga Jeso a soko bane a kgwa, ke mo go le Lejuda. Majuda ke mo ma rapela Modimo ka wwoši mara batho ba go tšwa ga ditšhaba tse dingwana ne ba dumela ga medimo ya go tlala. (Ek. 20:​2, 3; 1 Makor. 8:​5, 6) Mola sekgohlane sela go se Lejuda, nke putsiso yo yi butsisiwweng ga temanyana ya lekgono yi re, “Ayitsano a o sa tšhaba medimo?” Go tokegela gana hone, Jeso ne ba sa mo romela ga batho ba ditšhaba mara ba mo romele ga “dinku tsa gore di lahlegiye tsa ntlo ya Israyele.” (Mat. 15:24) Modimo o yye a wunyullela Maisrayele gore o nyoko tsosa bo ba kgwileng. Byalo, sekgohlane sela sa gore se sokologiye se ka fo ba se yi tšiba taba yowa fote mantsu ya sona ma šupetsa gore ne se naganela gore Jehova o nyoko tsosa Jeso gore a lawole Mmušong wa Modimo. Phela di šupetsa nkare morenela ne a na le tshepo ya gore le yene Modimo o nyoko mo tsosa. Ka taba la gore sekgohlane sela sa gore se sokologiye ne go le Lejuda, ne se tshwanele se tšiba ka Adamo le Efa. Byalo, di ka makega gore sekgohlane sela ne se dumela gore Pharadeyisi yo Jeso a bolabodiyeng ka yona ga Luka 23:43 go nyoko ba tšhomo ya gore yi bafele stereka ya gore yi gana howa lefaseng.—Gen. 2:15. w22.12 8-9 ¶2-3.

Le rune re ka maka mmereko wa go tšhomayela mo re gelepa ke moya wa Modimo wa go hlawolega. Ke ntaba re reyane? Ka taba la gore Sathane o yemme ka mawoto o nyaka go re lisisa go maka mmereko wowa wa go tšhomayela. (Kut. 12:17) Batho ba tseya nkare Sathane o na le matšhika ka matla fote rune re ka sa di kgone tsa go mo hlula. Mara ka mmereko wo wa go tšhomayela re ro mo tsosa fase! (Kut. 12:​9-11) Ka mokgo mang mara? Mo re tšhela letsogo ga mmereko wa go tšhomayela, re šupetsa gore diparapara tsa Sathane a di re tshosanye. Ka moka nako mo re tšhomayela, Sathane o šala a pawogiye. Byalo, yi napa yi šupetsa gore re tiyisa ke moya wa Modimo wa go hlawolega fote Jehova wa re yamogela. (Mat. 5:​10-12; 1 Pet. 4:14) Moya wa Modimo wa go hlawolega wo ka re gelepa gore re thogo tshwaragana le dintshitshire tso re gahlanang natso ga mmereko wa go tšhomayela. (2 Makor. 4:​7-9) Byalo, king so re tshwaneleng re se make gore Modimo a ye mahlong a re neya mmereko wage wa go hlawolega? Di nyaka re sa tinwe go rapela, fote re sa kamake gore Jehova o nyoko re theetsela. w22.11 5 ¶10-11

Re šupetsa magageru gore re ma nyaka ka matla mo re karakara gore go dule go bebiye. Re wa re tsoga gore re kopisele ga mošupetso wa Jehova wa go tshwarela ba bangwana. Mo nkare Jehova o yye a dumela gore Morwayi wage a kgwele tso rune re di sinnyeng, rune re ko ba re kenne king mo re sa tshwarele magageru? A re nyake go tshwana le lelata la pelo ye phifadu lo Jeso a bolabodiyeng ka lona ga mošupetso wage. Le mo ye a hiriyeng lelata lone a yye a sula sekoloto sa lona, lona le yye la šitega go tshwarela lelata le lengwana la gore ne le kolota ka gonyana. (Mat. 18:​23-35) Mo nkare go na le ye le sa fitisanang gabutši ka ho phutegong, ke ntaba wene o sa thomisi o tlogamela o lukise ditaba o make gore go bebe go soko bane go segela Segopotso? (Mat. 5:​23, 24) Mo o ka maka ka mokgonone, o nyoko ba o šupetsa gore o kwana le Jehova le Jeso ka matla. w23.01 29 ¶8-9

Mokgwa wo mongwana wa gore o tšibe tso magageru ma di hlokang ke gore o kganele kgole le go ba butsisa diputsiso tsa gore di nyoko maka gore ba šale ba tšebiye. (Diy. 20:5) Ayitsano ba na le tsa go ja, dihlare tsa go yalafa le dilo tse dingwana? Ayitsano ba kotsing ya gore ba ka felela ke mmereko kela ba gayela sekwetše sa go patela mo ba dulang? Ayitsano ba nyaka re ba gelepa ga taba ya go ba kgopelela ga mmušo gore wo ba gelepe? Jehova o nyaka gore ka mokana ga rune re tiyisane re boye re gelepe ba bangwana. (Magal. 6:10) Le mo re ka maka selo se senyana sa go šupetsa go nyakanana ga bo ba gore baa tilwalela, tsotsone di ka ba tiyisa ka matla. Sengwananyana se ka ngwalela mogageru khate kela sa gore se se thalathadiye go fo re se thogo mo tiyisa. Wa gore o sa gola a ka yela mogageru wa mosadi ditolo kela a ye mo makela se sengwana. Ba bangwana ba ka yapegela mogageru wa gore aa titsose tsa go ja. Dihlatse tse dingwana di romela melayetsa ya go leboga ga bagolo ba gore ga go tlala ba karakara ka matla ka dinako tsa bolwele bya go fo kutuluga ba kgwela magageru. A yi go jabodisa ga tsona mo re feta gabutši ga taba yo ya gore, “ariyeneng mahlong le kgomoletsana fote le tiyisana”!—1 Mathes. 5:11. w22.12 22 ¶2; 23 ¶5, 6

Masadutseyi ke mo ma tlwayelanne ka matla le kapheta ya dipuku tsa mathomo tsa Mangwalo ya Seheberu, mara ke mo ma sa yi tseyele hlogong nnete yo yi leng ga dipuku tsone. Mo re beyisa, lebelela ka mokgo Jeso a yyeng a fetola ka gona mo Masadutseyi ma mmutsisa ka taba ya tsogo. O yye a ba butsisa gore: “A le ya bala ga puku ya Moše ka taba yela ya sehlare sa go dura mollo, hala Modimo a re gage: ‘Ke nna Modimo wa Abhrahama, Modimo wa Isaka le Modimo Jakobo’?” (Mar. 12:​18, 26) Le mo Masadutseyi ma yye ma yi bala gatleletlele taba yone, putsiso ya Jeso ke mo yi napa yi yi beya lekgwaying gore ne ba yi takisa maahlo nnete yowa ya go tšwa Mangwalong—ya gore yi tšhutisa ka tsogo. (Luk. 20:38) Re tšhuta ying? Mo re bala, re nyaka go dula re ntshiye maahlo dikwakweng gore re ka tšhuta ying ga dilo ka mokana ga tsona tso di leng ga temanyana yone kela taba yo go bolabodiwang ka yona ka hone Bhayibeleng. A re fo nyaka go kwisisa tsa gore go fo ba moroba go di tshwara mara re nyaka go kwisisa nnete ya go kenelela le ditšhiko tsa gore di wutamme, fote gore o di kraye di nyaka o šinya o ro bhahla. w23.02 11 ¶9-10

Ba gore ke dihlatse bo go bolabolang ka bona ga temanyana ya lekgono, ba yye ba feta ga dintshitshire tse dikgolo mara ba f’lo ya mahlong ba šupetsa gore ba na le tumelo ga Jehova. (Maheb. 11:​36-40) Ayitsano ba sinnye nako ya bona mo ba tiyisela ba boya ba karakara? Dho! Le mo yi le gore batho bone a sanka ba bona tso Modimo a di tshepisiyeng di makega nakwela ba sa phela ba f’lo ya mahlong ba tshepela ga Jehova. Fote ka taba la gore ne ba sa kamake gore Jehova wa ba yamogela, ke mo ba sa yi kamake taba ya gore ba nyoko di bona tso a di tshepisiyeng di makega. (Maheb. 11:​4, 5) Mešupetso ya bona ya re tiyisa fote yi maka gore re nape re ye mahlong re tshepela ga Jehova. Lefase lo re phelang ga lona lekgono le fo ya le kene le befa le bifiye. (2 Thim. 3:13) Fote Sathane a soko tinwa ga taba yage ya go dula a liketsa batho ba Modimo. Le mo re ka gahlana le dintshitshire ku mahlong di nyaka re tikemisela go karakara ka matla re berekela Jehova re sa kamake gore “re tshepiye Modimo wa go phela.”—1 Thim. 4:10. w22.06 25 ¶17-18

Se sengwana so se re tšhofang gore re liketse ka matla go dula re philegiye, ke gore re nyaka go maka so re ka se kgonang gore re thogo berekela Jehova. (Mar. 12:30) Byalo re kganela kgole le go maka dilo tsa gore di ka re lwadisa. (Marom. 12:1) Ke nnete gore go na le tsa go tlala tso re ka di makang gore re dule re philegiye. Mara re karakara ka matla gore re dule re philegiye ka taba la gore re nyaka go šupetsa Papa wa rune wa legedimong gore re tseyela gedimo lephelo lo a re neyyeng. Mo re lwala kela re tsofala di ka makega gore re sa sa kgona go maka dilo tsa go tlala tso ne re kgona go di maka. Tsotsone di ka maka gore re hlakahlakane re boye re kgongwele. Mara a di nyake re napa re lahla tewu ke mokane re thomisa go sa sa tilekelela. Ke ntaba mara? Ka taba la gore le mo re ka tsofala kela ra lwala re ka di kgona go thanaka Jehova go tshwana le Kgoši Dafita. Phela di re kgomoletsa ka matla go tšiba gore Modimo wa rune o sa na a re tseyela gedimo le mo re lwala kela re tsofele! (Mat. 10:​29-31) Le mo re ka kgwa, Modimo o ko fo kwa nkare nako ya gore a re tsose nke yi šele yi segele. (Jobo 14:​14, 15) Byalo, mo re kene re sa phela, re nabela nkare re ka karakara ka matla gore re titšhireletse fote re dule re philegiye. w23.02 20-21 ¶3-5

Mabitso ya bo ba mogoba wo mogolo wa dinku tse dingwana ma nyoko dula ma le gona le ka nthago ga mo ba phonne Aremaghedoni? Eya. (Kut. 7:14) Jeso o yitseri, bowa ba go tshwana le dinku ba nyoko ya ga “lephelo la go ya go yye.” (Mat. 25:46) Mara bo ba phonneng Aremaghedoni ba ka sa kraye lephelo la go ya go yye ka nako yonone. Ga Sekete sa Mengwaga mo go Lawola Jeso ‘o nyoko ba disa fote a ba yetetsa ga sediba sa meetši ya lephelo.’ Bo ba theetselang mo Kreste a ba yetetsa ba boya ba yahludiwa go le ba go šupetsa gore baa tshepega ga Jehova, mabitso ya bona ba nyoko napa ba ma šihlela ka pukung ya lephelo. (Kut. 7:​16, 17) Mara, dipudi di nyoko psyitlanyiwa ka Aremaghedoni. Jeso o yitseri “ba nyoko napa ba kgwa.” (Mat. 25:46) Modimo o hlohletsele Pawulo wa lepostola gore a re botse gore “o nyoko ba yahlula, go nyoko fela ka bona.”—2 Mathes. 1:9; 2 Pet. 2:9. w22.09 16 ¶7-8

Mo mitši yi tikwisa ka dilo tso Jehova a di makiyeng, yi ka kgehlemela yi boya yi jabolela go fokatsa ggoši, fote tsotsone di nyoko yi gelepa gore yi nyakanane ka matla. Jehova o makiye dipoleke tsa go bafala ho lefaseng ga gore re ka maka dilo tso re kwanang natso ka matla. Mitši ya go tlala yi kwana natso go ba ggoši ga gore yi thogo lebelela hlago, go ba ggoši dimitšaneng, dithabeng kela lewatleng. Ga lefase la nyuwane la Modimo, babelegi le bana ba nyoko tikwisa ka hlago ya Jehova go phala gana byalo tsa nkare ba ro booga. Phela ka nako yonone, re ka sa tšhabe diphoolwane fote le tsona di ka sa ji fase mo di re bona. (Jes. 11:​6-9) Re nyoko tikwisa ka dilo tso Jehova a di makiyeng go ya go yye. (Pis. 22:26) Mara lune babelegi, le sa tiputsi gore le nyoko yemela go šinye go segele nako yone gore le thogo gelepa bana ba lune gore ba jabolele hlago. Mo le kene le berekisa hlago gore le tšhutise bana ba lune ka Jehova, di ka makega gore ba kwane le tso di hlayyeng ke Kgoši Dafita mo a re: “Barena Jehova, a yi šiyo mebereko ya go tshwana le yago.”—Pis. 86:8. w23.03 25 ¶16-17