Joele
3 “Bonang! mehleng yeo
Ke tlo bušetša mathopša a Juda le a Jerusalema morago.+
2 Ke tlo kgoboketša le batho ba ditšhaba ka moka
Gomme ka ba iša Moeding wa Jehoshafate.*
Ke tlo ba ahlolela gona moo+
Ka baka la seo ba se dirilego Baisiraele bao e lego bohwa bja ka,
Ka gobane ba ba phatlaladitše le ditšhaba tše dingwe,
Gomme ba arolelana naga ya ka.+
3 Ba dira matengwa* gore ba arolelane batho ba ka.+
Ba rekiša ngwana wa mošemane gore ba reke mogwebakammele.
Ba rekiša ngwana wa ngwanenyana gore ba reke beine.
4 Le gona, ke ka baka la eng le elwa le nna
Lena Tiro le Sidone le dinaga ka moka tša Filisita?
Na go na le seo ke le dirilego sona gomme le a itefeletša?
Ge e ba le itefeletša,
Gona le nna ke tla itefeletša ka pela go ya ka tsela yeo le ntshwarago ka yona.+
5 Gobane le tšere silifera ya ka le gauta ya ka+
Gomme le išitše dilo tša ka tše dibotse ka ditempeleng tša lena.
6 Batho ba Juda le ba Jerusalema le ba rekišeditše Bagerika,+
E le gore le ba iše kgole le naga ya gabo bona.
7 Bjale ke ba bušetša morago go tšwa lefelong leo le ba rekišeditšego go lona.+
Ke tla itefeletša go ya ka seo le se dirilego.
8 Ke tla rekišetša batho ba Juda barwa ba lena le barwedi ba lena,+
Gomme bona ba tla ba rekišetša batho ba Sheba, e lego setšhaba seo se lego kgole kudu,
Gobane ke nna Jehofa yo a boletšego.
‘Itokišetšeng ntwa! Tsošang banna ba maatla!
Batametšang mašole ka moka gomme a hlasele!+
10 Megoma ya lena e direng disabola gomme disekela tša lena le di dire marumo.
Anke yo a fokolago a re: “Ke na le maatla.”
11 Lena ditšhaba ka moka tša kgauswi kgobokanang, gomme le tle le thušeng.’”+
Wena Jehofa, tliša madira a gago lefelong leo.
12 “Ditšhaba ka moka a di kgobokane gomme di rotogele Moeding wa Jehoshafate,
Ka gobane ke tla dula moo ka ahlola ditšhaba ka moka tša kgauswi.+
13 Etlang le disekela gobane ke nako ya go buna.
Etlang le gatakele diterebe ka gobane segatelo sa tšona se tletše.+
Dibe tša bona ke tše dintši go swana le beine yeo e tletšego wa go falala.
15 Letšatši le ngwedi di tla swifala,
Le dinaledi di ka se phadime.
16 Jehofa o tla rora bjalo ka tau a le Tsione.
O tla goeletša a le Jerusalema.
Ke moka legodimo le lefase di tla šišinyega,
Eupša Jehofa o tla ba setšhabelo sa batho ba gagwe+
Le sebo sa batho ba Isiraele.
17 Le tla tseba gore ke nna Jehofa Modimo wa lena, yo a dulago Tsione thabeng ya ka e kgethwa.+
Jerusalema e tla ba lefelo le lekgethwa.+
Ge e le batho ba dinaga tše dingwe ba ka se sa hlwa ba phatša go yona.+
18 Mehleng yeo dithaba di tla rotha beine e bose,+
Meboto yona e tla elela maswi,
Gomme dinoka ka moka tša Juda di tla elela meetse.
Ntlong ya Jehofa go tla ba le sediba seo se elelago,+
Gomme se tla nošetša Moedi wa Sithime.