Diema
2 Boloka ditaelo tša ka e le gore o phele nako e telele,+
Tšea ditaelo tša ka di le bohlokwa go swana le leihlo la gago.*
4 Botša bohlale o re: “O kgaetšedi ya ka,”
Gomme o botše kwešišo o re: “O wa gešo.”
5 Bohlale le kwešišo di tla go šireletša go mosadi yo a gobogilego,*+
Tša go šireletša go mosadi yo a hlokago boitshwaro* yo a goketšago batho ka dilo tšeo a di bolelago.+
6 Ke ile ka lebelela fase
Ke le lefasetereng la ntlo ya ka,
7 Gomme ge ke dutše ke lebeletše baswa bao ba se nago temogo,
8 Le be le feta kgauswi le khona ya seterata seo go dulago mosadi yo a hlokago boitshwaro,
Gomme le sepela le lebile ntlong ya mosadi yoo.
9 E be e le mantšiboa, leswiswi le le kgauswi le go swara+
Ebile go thoma go ba bošego.
10 Ke moka ka bona mosadi yoo a eya go le gahlanetša,
A apere bjalo ka mogwebakammele+ ebile a na le maanomabe.
11 O na le lešata ebile o na le kgang.+
Ga a ke a dula ka gae.
12 Ge o sa re o mmone ka ntle, nengneng o mebarakeng.
O dula a letile dikhoneng ka moka tša diterata.+
13 O goga lesogana leo ke moka a le khisa,
A bolela le lona a tiišitše ka ganong a re:
14 “Ke be ke ile go dira dihlabelo tša go dira khutšo le Modimo.*+
Lehono ke phethile dikeno tša ka.
15 Ke ka baka leo ke tlilego go go gahlanetša,
Ke be ke go nyaka bjale ke go hweditše.
17 Ke tšhetše mpete wa ka ka senkgišabose seo se dirilwego ka mira, dikgopha le sinamone.+
18 Etla re yo robala mmogo go fihlela mesong,
Etla re thabišane ka go bontšhana lerato.
19 Ka gobane monna wa ka ga a gona gae,
O tšere leeto, o ile kgole.
20 O sepetše le sekhwama sa tšhelete,
Le gona o tla boa ge kgwedi e eya go fela.”
21 O aroša lesogana leo ka go le phegelela kudu.+
O le goketša ka mantšu a boreledi.
22 Gateetee le mo šala morago go swana le poo yeo e yago go hlabja,
Le go etša lešilo leo batho ba le tlemilego gore ba le otle,+
23 Mafelelong go tla ba bjalo ka ge eka le hlabja ke mosebe sebeteng,
Ebile le tla swana le nonyana yeo e kitimelago molabeng. Ga le tsebe gore le bea bophelo bja lona kotsing.+
25 O se ke wa dumelela mosadi yoo a go aroša.