Psalme
Ditaelo tšeo di yago go mohlahli. Koša ya Dafida mohlanka wa Jehofa.
36 Dilo tšeo di lego pelong ya motho yo mobe di mo hlohleletša go dira dilo tše mpe,
Ga a boife Modimo.+
3 O bolela dilo tšeo di kwešago bohloko le tša bofora.
Ga a sa na bohlale bja go mo thuša go dira dilo tše dibotse.
4 O loga maanomabe le ge a robetše mpeteng wa gagwe.
O ikemišeditše go sepela tseleng e mpe.
Ga a gane go dira dilo tše mpe.
5 Wena Jehofa, lerato la gago le le botegago le fihla magodimong,+
Gomme potego ya gago e fihla marung.
6 Go loka ga gago go bjalo ka dithaba tše dikgolo,+
Dikahlolo tša gago di bjalo ka bodiba bjo bogolo.+
Wena Jehofa, o phološa batho le diphoofolo.+
7 Wena Modimo, ruri lerato la gago le le botegago le bohlokwa kudu!+
Bana ba batho ba tšhabela moriting wa maphego a gago.+
8 Ba nwa dilo tše dibose tša ntlong ya gago go fihlela ba kgolwa,+
Ebile o ba fa dilo tše dintši tše dibotse bjalo ka ge eka o ba nweša meetse a mabose ao a elelago dinokaneng.+
10 Tšwela pele o bontšha bao ba go tsebago lerato la gago le le botegago,+
Gomme o bontšhe go loka ga gago go ba dipelo tše dibotse.+
11 O se ke wa dumelela leoto la yo a ikgogomošago le nkgata,
Goba wa dumelela yo mobe a nthaka.