Ebangedi ya Johane

3 Go be go na le monna yo mongwe yoo e bego e le yo mongwe wa Bafarasei. Leina la gagwe e be e le Nikodemo+ ebile e be e le moetapele wa Bajuda. 2 Monna yoo o ile a tla go Jesu e le bošego,+ gomme a re go yena: “Rabi+ re a tseba gore o morutiši yo a tšwago go Modimo ka gobane ga go na motho yo a ka dirago mehlolo yeo+ o e dirago a sa thušwe ke Modimo.”+ 3 Jesu a mo araba a re: “Ruriruri ke re go wena: Ga go na motho yoo a ka tsenago Mmušong wa Modimo+ ka ntle le gore a tswalwe gape.”*+ 4 Nikodemo a re go yena: “Na go a kgonega gore motho a tswalwe mola a tšofetše? Na a ka tsena popelong ya mmagwe gomme a tswalwa gape?” 5 Jesu a mo araba a re: “Ruriruri ke re go wena, ga go na motho yo a ka tsenago mmušong wa Modimo ge e ba a sa kolobetšwe ka meetse,+ a amogela moya wa Modimo+ gomme a tswalwa gape. 6 Seo se tswetšwego ke nama ke nama gomme seo se tswetšwego ke moya ke moya. 7 O se ke wa makala ka gobane ke go boditše gore le swanetše go tswalwa gape. 8 Phefo e fokela kae le kae moo e nyakago go ya gona. Wena o no kwa modumo wa yona feela eupša ga o tsebe gore e tšwa kae le gore e ya kae. Go direga se se swanago ka batho ka moka bao ba tswetšwego ke moya o mokgethwa.”+

9 Nikodemo a mo araba a re: “Dilo tše di ka direga bjang?” 10 Jesu a re go yena: “O ka re o le morutiši wa Isiraele wa se tsebe dilo tše? 11 Ruriruri ke re go wena: Re bolela seo re se tsebago, ra nea bohlatse ka seo re se bonego, eupša lena ga le amogele bohlatse bjo re le fago bjona. 12 Ge e ba ke le boditše dilo tšeo di diregago lefaseng eupša la se dumele, gona le tla dumela bjang ge e ba ke le botša ka tšeo di diregago legodimong? 13 Go oketša moo, ga go na motho yo a kilego a rotogela legodimong,+ eupša go rotogetše yoo a theogilego a etšwa gona,+ e lego Morwa wa motho. 14 Le gona, go swana le ge Moshe a ile a fega noga lešokeng,+ Morwa wa motho le yena o tla fegwa ka yona tsela yeo,+ 15 e le gore yo mongwe le yo mongwe yo a dumelago go yena a tle a hwetše bophelo bjo bo sa felego.+

16 “Ka gobane Modimo o ratile lefase kudu moo a ilego a gafa Morwa wa gagwe yo a tswetšwego a nnoši+ e le gore motho yo mongwe le yo mongwe yo a dumelago go yena a se ke a fedišwa, eupša a hwetše bophelo bjo bo sa felego.+ 17 Modimo ga se a romela Morwa wa gagwe lefaseng gore a tle a ahlole batho, eupša o mo rometše gore ba tle ba phološwe ka yena.+ 18 Yo a dumelago go yena a ka se ke a ahlolwa.+ Eupša yo a sa dumelego go yena o šetše a ahlotšwe ka gobane ga se a dumela go Morwa* yo a tswetšwego a nnoši wa Modimo.+ 19 Ruri seetša se tlile lefaseng+ eupša go e na le gore batho ba se rate, ba ratile leswiswi ka gobane ba dira dilo tše mpe. Ke ka baka leo ba tlago go ahlolwa. 20 Ka gobane mang le mang yo a dirago dilo tše mpe o hloile seetša ebile ga a tsene gare ga sona e le gore se se ke sa utolla mediro ya gagwe e mebe. 21 Eupša mang le mang yo a ratago dilo tša nnete, o tla seetšeng,+ e le gore dilo tšeo a di dirago tšeo di sepedišanago le thato ya Modimo di bonagale.”

22 Ka morago ga moo, Jesu le barutiwa ba gagwe ba ile ba ya dinagamagaeng tša Judea. Ke moka Jesu a fetša nako e itšego a na le bona gomme a kolobetša batho.*+ 23 Eupša Johane le yena o be a kolobetša batho kua Enone kgauswi le Salima, ka gobane go be go na le meetse a mantši+ moo ebile batho ba be ba dulela go tla moo gore ba tle ba kolobetšwe.+ 24 Ka nako yeo Johane o be a sešo a lahlelwa kgolegong.+

25 Ka gona, barutiwa ba Johane ba thoma go ngangišana le Mojuda yo mongwe mabapi le melao ya go itlhwekiša. 26 Ke moka barutiwa ba Johane ba tla go yena ba re: “Rabi, motho yo o bego o na le yena ka mošola wa Noka ya Jorodane, yo o filego bohlatse ka yena+ o kolobetša batho ebile batho ka moka ba ya go yena.” 27  Johane a ba araba a re: “Selo se sengwe le se sengwe seo motho a nago le sona o ba a se filwe ke Modimo. 28 Lena ka noši le a ntlhatsela gore ke itše: Ga se nna Kriste,+ eupša Modimo o nthomile gore ke tle pele ga ge Kriste a ka tla.+ 29 Mang le mang yo a nago le monyadiwa+ ke monyadi. Eupša ge mogwera wa monyadi a emelela gomme a ekwa monyadi a bolela o thaba kudu. Ka mo go swanago, le nna ke thaba kudu. 30 Balatedi ba Kriste ba swanetše go oketšega eupša ba ka ba fokotšege.”

31 Yo a tšwago godimo+ o okametše batho ba bangwe ka moka. Yo a tšwago lefaseng, o tšwa lefaseng ebile o bolela ka dilo tše di lego lefaseng. Yo a tšwago legodimong o okametše batho ka moka ga bona.+ 32 O hlatsela seo a se bonego le seo a se kwelego,+ eupša ga go na motho yo a dumelago bohlatse bja gagwe.+ 33 Mang le mang yo a dumetšego bohlatse bja gagwe ga a belaele gore Modimo o bolela nnete.+ 34 Ka gobane yo Modimo a mo romilego o bolela dilo tšeo Modimo a di boletšego,+ ka ge Modimo a sa timane ka moya wa gagwe. 35 Tate o rata Morwa+ le gona o mo file maatla a go laola dilo ka moka.+ 36 Yo a dumelago go Morwa o tla hwetša bophelo bjo bo sa felego.+ Eupša yo a sa kwego Morwa a ka se bo hwetše+ eupša Modimo o tla mo galefela go ya go ile.+