Omukanda wo Tete Ehipululo

10 Nthiki imwe, ova Filisitiya vakalwisile ova Isilayeli. Ovalume vo Isilayeli avatili-ko, ovanyingi avaipaelwa Komphunda Silimbowa.+ 2 Ova Filisitiya avataata Saulu novana vae, avaipaa Sonataa, na Ambinandambe, na Malikisuwa+ ovana va Saulu. 3 Ovilwa ovio, pahe avilemena-po Saulu. Vononkhondyi avemuvasi, avemuvange.+ 4 Saulu apopila wokutyinda ondyakulilo yae ati: “Nana-mo omutunga wove, ondyipaa nao, opo nahaipawe noovo ñgaa vahaile ekwendye, avandingi onya.”*+ Mahi wokutyinda ondyakulilo yae, ehetavela, watila unene owoma. Saulu akwate omutunga, eliyumbu-ko.+ 5 Etyi wondyakulilo amona okuti Saulu wankhia, nae eliyumbu komutunga wae, ankhi. 6 Ongootyo Saulu novana vae vankhia, aveho veumbo liae vankhila vala kumwe.+ 7 Etyi ova Isilayeli vokuli membota* vetyimona okuti aveho vatila-ko, Saulu novana vae vaipawa, avasi-po omapunda-umbo avo, avai nkholo. Konyima, ova Filisitiya aveya, avapingi-mo.

8 Monthiki yalandula-ko, etyi ova Filisitiya vakapunda ovipuka vyo vokwankhia, avavasi Saulu novana vae vetatu vankhila Komphunda Silimbowa.+ 9 Avalulu Saulu, avemutete omutwe, avemupolo ondyakulilo yae. Avatumu ovatumwa-ndaka motyilongo atyiho tyova Filisitiya, opo vakapopie ovipuka ovio kono huku mbavo,+ no movanthu aveho. 10 Avapake otyikutu tyae tyondyakulilo mondywo ya* huku yavo, omutwe wae avekeutulika mondywo ya Ndangoo.+

11 Etyi ovanthu vokukala ko Sambesi+ mo Sileyande, veiva atyiho ova Filisitiya valinga Saulu,+ 12 ovakwa-vita aveho, avakapola olutu lwa Saulu, nomalutu ovana vae, aveetwala ko Sambesi. Avapake omankhipa avo ko Sambesi mombwelo yomuti umwe omunene.+ Avakala tyihali ononthiki epandu-vali.

13 Saulu wankhia mokonda ketavelele ku Siovaa, ketavelele ondaka ya Siovaa,+ tupu wakaovolele otyitapi,+ 14 ahakaovola Siovaa. Otyo emupakulile kononkhia, ouhamba ewaavela Ndaviti omona wa Sesee.+