Oviimbo

 2 Omakaka emwongelela nepuputu.+

Otyipundi tyae tyoutumini tyipumphi koviwa no ku evi viaviuka.+

 3 Komutwe wae kuna ekundungala liotupia,+

Lili nokulia-po onondyale mbae mbeliseta nae.+

 4 Omitetanena viae vimimikila otyilongo.

Eheke okutyimona aliteketa.+

 5 Onomphunda okumona Siovaa+ mbusenguluka ngelohi,

Mbusenguluka okumona Mwene weheke.

 6 Eulu likalavandya evi alinga viaviuka,

Ovanthu vovilongo aveho vamona omunkhima wae.+

 7 Aveho vokufenda ovilolo vakunde,+

Aveho vokwelimphandela ovika-huku viavo viehesilivila.+

 8 Siyau okutyiiva ihambukwa.+

Omapunda-umbo* o Sundaa eli nokuhela,

Mokonda yonomphela mbove Siovaa.+

 9 Ove Siovaa, ove Mukulami kombanda yohi aiho.

Ove wakulama vali kono huku ambuho.+

Ngwe uli nokuyunga nawa omwenyo* wa ava vehemuyeke-po.+

Uvehukulula peke* lionondingavivi.+

11 Otyitei tyilaimina ava valinga etyi tyaviuka,+

Ehambu olia vana vena omutima omuwa.

12 Hambukilwei mu Siovaa onwe vokuviukisa,

Pandulilei menyina liae likola.*