Wahonekelwa Ova Efesu

2 Tupu Huku wemupa omwenyo, namphila onwe ankho mwankhila vala mokupengesa kwenyi, no mononkhali mbenyi,+ 2 omu ankho mweendela pokwapola-po vala viouye* uno,+ mo viomutumini womphepo,+ omphepo+ pahe yuundapa mo vokwehetavela. 3 Otyili, noonthwe twali puvo, pweetyi apa ankho tulandula vala movipepe viohitu yetu,+ pweetyi tulinga vala etyi tyahanda ohitu, etyi mwene twasoka,+ noonthwe ankho tuhiwa umwe onyengo+ nga vakwetu. 4 Mahi Huku, wokankhenda kamoma,+ tyolwembia lwae olunene noonthwe,+ 5 wetwaavela omwenyo kumwe na Kilisitu, ngwe onthwe ankho twankhila mokupengesa+ — onwe mwayovokela mokankhenda okanene. 6 Hatyo vala otyo, tupu Huku wetupindulila-po kumwe na Kilisitu Sesusi, etupumphika nae ponomphangu keulu,+ 7 opo mouye ukeya* okankhenda kae okanene-nene kamoma kamonekele motyali etulingila mu Kilisitu Sesusi.

8 Mokankhenda oko okanene, onwe vokwayumbako onthumbi omo mwayovokela,+ hakuti onwe kohalwenyi muna etyi mwalinga; mahi o kotyali tya Huku. 9 Au, otyo katyatukile kovilinga,+ opo pahamone ou ulimphanda. 10 Onthwe tuvilinga viomavoko a Huku,* twatungilwa+ mu Kilisitu Sesusi+ opo tulinge ovilinga oviwa, evi Huku etupangela-le kohale tweendele-mo.

11 Naina, hinangelei okuti onwe, onwe vokwatuka momihoko omikwavo kohitu, ava vatiwa “o vokwapita ekwendye,” vokwapitiswa ekwendye kohitu nomavoko ovanthu, onwe ankho vemuti “o vokwahaile ekwendye.” 12 Pononthiki mbatyo opo, onwe ankho mutupu Kilisitu, ankho muli kokule no tyova Isilayeli, ankho kamwiiwe monomphango mbeetyi tyatolelwe;+ ankho mutupu etyi mukevela, mouye ankho mwakala vala tyehena Huku.+ 13 Mahi pahe tyokwakala kumwe na Kilisitu Sesusi, onwe vokwali kokule, pahe mwaetwa popepi nohonde ya Kilisitu. 14 Mokonda ngwe oe ombembwa yetu,+ ou wokwahonyeka ovikundyi vivali avikala vala tyike,+ wokwateya-po otyimato ankho tyeveyapula.+ 15 Wapola-ko oundyale nohitu yae, wapola-ko Otyitumino tyovitumino ovinyingi viti vala etyi tyilingwa etyi katyilingwa, opo ovikundyi ovio vivali vihonyene mwe, pahe vikale omulume omupe,+ apake-po ombembwa 16 opo ahonyeke umwe nawa-nawa na Huku ovanthu ovo molutu lwike, evehonyeke nomuti wemone,*+ mokonda mwene oe waipaa-po oundyale.+ 17 Ngwe weya apopila onwe ankho muli kokule oviwa ovipe viombembwa, ava veli popepi evepopila ombembwa, 18 mokonda mwe, onthwe atuho ovikundyi ovio vivali, tuhika umwe ku Tate nomphepo ike vala.

19 Pahe onwe kamuvanthu vali veheiwe, kamunonthunda-vilongo vali,+ noonwe pahe mu votyilongo tyike+ novasukuki, mu vomeumbo lya Huku,+ 20 noonwe mwatungwa kelisesu liovatumwa, liovauli,+ ngwe kelisesu oko, Kilisitu Sesusi oe emanya liatyo mwene liopevindi.+ 21 Otyitunge atyiho mokonda yokuli kumwe nae, ngwe atyiho tyatyokaikwa umwe nawa,+ tyili nokwenda no peulu tyilinge ondywo ikola ya Siovaa.*+ 22 Onwe tyokwakala kumwe nae, noonwe muli nokutungilwa kumwe mulinge ondywo ya Huku, omu makala muna omphepo yae.+