Wo Tete ku Timotiu

2 Mahi nkhele ame ndyiti, pakale tyokulivondelela ovanthu aveho, nokuvelingila omalikwambelo, nokuvepopilako, nokuvepandulilako, 2 aveho nonohamba, novanthu aveho vokuli kovipundi,*+ opo onthwe tukale umwe nawa tyipumphi, tufime nawa atuyembe umwe kokulinga Huku onthilo, nokuta ombili ovipuka.+ 3 Otyo otyo tyaviuka, otyo Huku Omuyovoli wetu etavela,+ 4 ou wahanda ovanthu vatyo aveho vayovoke,+ veye menoñgonoko liaviuka liotyili. 5 Ngwe kuna vala Huku wike,+ kuna vala omuhonyeki wike+ uhonyeka Huku novanthu,+ omulume wike, Kilisitu Sesusi+ 6 ou welipakula ngae ulinga ofeto yatamo iyovola aveho*+ — otyo haa matyipopiwa pononthiki mbatyo mwene. 7 Ngwe tyoumbangi wotyipuka otyo,+ otyo napelwa otyilinga tyokupopia, ndyilinge omutumwa+ — ndyili nokupopia otyili, hili nokukemba — ndyilinge omulongesi wo vomihoko omikwavo+ ulongesa eyumba-nthumbi, notyili.

8 Naina, konohika ambuho, ovalume vetyikwate umwe tyokulikwambela, vayelule omavoko aama ku Huku,+ tyehena onyengo,+ tyehelitesa nkhango.+ 9 Novakai haityo, komahiwe oku vavale umwe nawa,* vavale lwonthilo, lwonondunge,* vahaye no tyovivindo, tyo olu, tyomakwalali omahiwe, tyomivalo viatena,+ 10 mahi vavale umwe etyi tyaviuka tyovakai vonthilo na Huku,+ ovakai valinga ovilinga oviwa.

11 Omukai atie filuu* tyina alongeswa, eliheke umwe vala.+ 12 Ame hitavela omukai alongese hamwe ngae utumina omulume, mahi ngwe atie vala filuu.*+ 13 Mokonda Andau oe watetekela okutungwa, Eva eya monyima.+ 14 Tupu Andau hae wayondyelwe, mahi wayondyelwe umwe atwalwa nohika omukai,+ atokela umwe monkhali. 15 Mahi tyikemuyovola, okumona ovana,+ tyae* okwahatundu vala meyumba-nthumbi, molwembia, mousukuki no monondunge.+