ELONGESO 08
Upondola Okukala Epanga lya Siovaa
Siovaa uhanda ove umunoñgonoke nawa. Omokonda yatyi? Omokonda ngwe utyii okuti ine umunoñgonoka nawa, ovipuka ehole, nevi eyele, no ñgeni atekula ovanthu, netyi ekuhandela, mohande okulinga epanga liae. Okuti ñgaa omunthu tyitavela umwe akale epanga lya Huku? (Tanga Salmo 25:14.) Oityi ove una okulinga ukale epanga liae? Ombimbiliya ikumbulula omapulo oo. Mahi tupu ipopia okuti kutupu otyipuka otyiwa vali tyipona okukala epanga lya Siovaa. Oityi ipopila ngotyo?
1. Siovaa uhanda ulinge-tyi?
“Fuenei ku Huku, nae mafuene ku onwe.” (Tiaku 4:8) Oityi onondaka ombo mbuhanda okupopia? Onondaka ombo mbuhanda okupopia okuti Siovaa uhanda ukale epanga liae. Vamwe vasoka okuti katyitavela okukala omapanga a Huku mokonda katumumono. Mahi Mondaka yae Ombimbiliya, Siovaa wahoneka-mo oñgeni ekahi. Iya ovio umwe ovipuka tuesukisa okunoñgonoka opo tukale omapanga ae, ine hatyo? Huku katunemumone, mahi tyina tulilongesa Ombimbiliya tukala vali omapanga ae.
2. Oityi tutila Siovaa Epanga likahi nawa?
Petupu omunthu ukuhole vali tyipona Siovaa. Siovaa ukuhandela otyiwa. Uhanda tyina una ovitateka olipopi kwe. Ombimbiliya ipopia okuti Huku uhanda ‘upakule otyiho tyove atyiho kwe, mokonda ngwe wesuka no ove.’ (1 Petulu 5:7) Siovaa ukuatesako omapanga ae iya uvetehelela tyina vena etyi vahanda okumupopila. — Tanga Salmo 94:18, 19.
3. Oityi Siovaa ahanda tulinge tukale omapanga ae?
Siovaa uhole ovanthu vatyo aveho, “mahi epanga enene lya vana valinga etyi tyaviuka.” (Provérbios 3:32) Siovaa uhanda omapanga ae velikuatehile okulinga etyi tyaviuka, avelityilika evi apopia okuti viapenga. Ovanthu vamwe vati kamavetyivili okulinga ovipuka aviho Siovaa atuma. Mahi Siovaa una omutima omuwa. Tyina atala okuti omunthu ou unthyole, umuyeka akale epanga liae. — Salmo 147:11; Ovilinga 10:34, 35.
KUHANDE OKUNOÑGONOKA VALI?
Nonoñgonoka ovipuka ovikwavo upondola okulinga ukale epanga lya Siovaa. Tupu momono oityi tutila Siovaa epanga likahi vali nawa ku aveho.
4. Ambalaiau wali epanga lya Siovaa
Ombimbiliya ipopia omukulu umwe ankho utiwa o Ambalaiau. Ovipuka alingaile vitulongesa etyi no onthwe tuna okulinga tukale omapanga a Huku. Tangei Gênesis 12:1-4, muapopiwa Ambalaiau. Pahe amutomphola omapulo aa:
Oityi Siovaa atumine Ambalaiau?
Oityi Siovaa emulaa okumulingila?
Okuti Ambalaiau wetavelele?
5. Oityi omunthu wokuhanda okukala epanga lya Siovaa ena okulinga?
Onthwe tuna ovipuka vimwe tuhanda omapanga etu etulingile-vyo.
Ovipuka patyi ove uhanda omapanga ove ekulingile-ko?
Tangei 1 Suau 5:3, amutomphola epulo eli:
Siovaa uhanda omapanga ae alinge-tyi?
Opo tutavele ku Siovaa, pamwe matusukisa okuyekapo okulinga ovipuka vimwe. Tangei Isaías 48:17, 18, amutomphola epulo eli:
Oityi Siovaa aitila omapanga ae ayekepo okulinga ovipuka eyele?
Epanga likahi nawa lipakela-mo mukwavo opo ehelietele ovitateka. Siovaa nae otyo alinga nomapanga ae.
6. Oityi Siovaa alingila omapanga ae?
Siovaa ukuatesako omapanga ae tyina ena ovitateka. Talei OVIDIU, amutomphola omapulo aa:
Oñgeni Siovaa ehole okukuatesako omukai walekeswa movidiu tyina asoya?
Tangei Isaías 41:10, 13, amutomphola omapulo aa:
Oityi Siovaa apopia okuti otyo makalingila omapanga ae aeho?
Tyina utala ñgaa, Siovaa Epanga ewa? Oityi wapopila ngotyo?
Epanga likahi nawa likukuatesako apeho tyina wesukisa okukuatesiwa-ko. Na Siovaa apeho mekukuatesako.
7. Opo tukale omapanga a Siovaa, tuesukisa okutomphola nae
Opo omapanga elikwatepo, vena okutompola apeho. Tangei Salmo 86:6, 11, amutomphola omapulo aa:
Oñgeni tupondola okupopia na Siovaa?
Oñgeni Siovaa apopia no onthwe?
Tyina tulikuambela tupopia na Siovaa; tyina tutanga Ombimbiliya Siovaa upopia no onthwe
OVANTHU VAMWE VATI: “Tyokuti omunthu upondola okukala epanga lya Huku, otyikembo vala, katyivilwa-le!”
Omunthu ngoo, ñgeno wemutangela otesitu patyi umukuateseko okunoñgonoka okuti tyitavela umwe okukala epanga lya Siovaa Huku?
ETYI WELILONGESA
Welilongesa okuti Siovaa uhanda ukale epanga liae, mekukuatesako mononkhono uli nokulinga ukale epanga liae.
Okupitulula
Oñgeni Siovaa akuatesako omapanga ae?
Oityi Siovaa ahandela omapanga ae vayekepo okulinga ovipuka eyele?
Tyina utala ñgaa, okuti Siovaa utuma omapanga ae otyipuka vehevili okulinga? Oityi usokela ngotyo?
KUHANDE OKUOVOLA VALI?
Okuti okukala epanga lya Huku pena etyi upolako?
“Oviwa Vitundilila Kokunoñgonoka Huku” (Omutala Womulavi, 15 ya Fevereiro yo 2003)
Monoñgonoka oñgeni upondola okukala epanga lya Huku.
Omukai ou wapopia okuti okukala epanga lya Siovaa tyemuhupisa. Tanga onthele ei utale oityi apopila ngotyo.
“Ame Ankho Hihande Okunkhia!” (Omutala Womulavi, No. 1 2017)
Tehelela etyi ovakuendye vamwe novahikuena vamwe vapopia etyi oupanga wavo na Siovaa uvekalesa.