Okuti Ove Utyihinangela?

Okuti welilongesa Omitala Viomulavi aviho vienima lino? Ine welilongesa-vio, tala ine utyivila okukumbulula omapulo aa:

Omukanda wa Tiaku 5:11 upopia okuti Huku una “oluembia olunene nokankhenda,” onondaka ombo mbutukalesa nonthumbi patyi”?

Tutyii okuti Siovaa mokonda una okankhenda, utuevela oviponyo vietu. Tiaku 5:11 upopia okuti Siovaa utukuatesako nokankhenda. Otyiwa no onthue tumuhetekele. — w21.01, pefo 21.

Omokonda yatyi Siovaa apakela-ko ononkhalamutwe?

Siovaa wapakako ononkhalamutwe mokonda uhole ovana vae, tyilinge vokeulu tyilinge va pano pohi. Ononkhalamutwe mbukuatesako ombunga ya Siovaa, okuongana nawa, nokukala nombembwa. Aveho mombunga vetyii olie wonganeka ovipuka nokuvikalela komutwe. — w21.02, pefo 3.

Omokonda yatyi Ovakilisitau vesukisila okulunguka tyina velituma onomesasi no novidiu no nofoto mo Internete?

Mo Internete omunthu wesukisa okutala nawa olie elituma nae ono foto no novidiu. Mahi ine uli motyikundyi tyovanthu ovanyingi tyipondola okumupuiya. (1 Tim. 5:13) Omunthu oo tupu upondola okuyandyanesa omatutu, nokuhonyeka efendelo lya Huku no nondando. — w21.03, pefo 31.

Omokonda yatyi Huku ayekela Sesusi amoneswe ononkhumbi aipawa?

Sesusi ankho una okunkhila momuti wemone opo ayovole ova Sundeu vahinganwa. (Gal. 3:10, 13) Vali Siovaa ankho ukahi nokumulongesa opo ha emupe otyilinga Tyounene-nakwa. Tatu Sesusi walekesa okuti ovanthu vapondola okutualako noukuatyili namphila vamoneswa ononkhumbi. (Jó 1:9-11) — w21.04, pomafo 16-17.

Oityi una okulinga ine tyina ukaivisa kuvasi ovanthu pomaumbo avo?

Hetekela okuovola ovanthu monoola mbelikalela hamwe uvevasa peumbo. Ovola ovanthu ponomphangu mbelikalaila. Tupu hetekela okuivisa mononkhalelo mbelikalela, aa okuhoneka omikanda. — w21.05, pomafo. 15-16.

Oityi Paulu ankho ahanda okupopia etyi ati: “Mokonda yovitumino ame nankhia pala ovitumino?” (Gal. 2:19)

Ovitumino Viapelwe Moisesi viakuatesileko ovanthu ovakuankhali okuhika kombuto, Kilisitu. (Gal. 3:19, 24) Etyi Paulu etavela Kilisitu, ‘ankhi pala ovitumino’ tyilekesa okuti ankho kesukisa vali okuvilandula. — w21.06, pefo 31.

Omokonda yatyi tupopila okuti Siovaa ongeleka ongwa yokukoleleya?

Siovaa ukoleleya okutala enyina liae liasiliswa, outumini wae watyitukiluapo, ovana vae vamwe vemutyitukilapo, omatutu Eliapu, ononkhumbi ovaumbili vae vamona, okuayapulwa kovaumbili vae mokonda yononkhia, ovanthu vamonesa vakuavo ononkhumbi, ovipuka ovivi ovanthu valinga, ovanthu vanyona ovipuka atunga. — w21.07, pomafo 9-12.

Omokonda yatyi Suse ongeleka ongwa yokukoleleya?

Suse walingilue onya novakulu vae. Konyima ahungwa akala mokaleya omanima omanyingi mo Isitu. — w21.08, pefo 12.

Eteketeso patyi ekuavo liapopiwa momukanda wa Ageu 2:6-9, 20-22?

Ovatumini kavetavela onondaka onongwa Mbouhamba tuivisa, mahi ovanthu ovanyingi vetavela otyili. Apa katutu Huku makateketesa omalongo ahanyeko ovatumini aveho. — w21.09, pomafo 15-19.

Omokonda yatyi tuhapondola okuyekapo okuivisa?

Siovaa umona ononkhono tulinga, otyo tyimuhambukiswa. Ine tutualako, atuhayeke-ko matukakala nomuenyo wahapu. — w21.10, pomafo 25-26.

Oñgeni omukanda wa Levítico 19 utukuatesako okunoñgonoka onondaka mbati: “Kalei ovasukuki movituwa vienyi aviho”? (1 Pet. 1:15)

Onondaka ombu tyafwa mbupopia omukanda wa Levítico 19:2. Okapitulu 19 komukanda wa Levítico ketukuatesako okuendela monondaka mbuli mu 1 Petulu 1:15 momuenyo wetu. — w21.12, pomafo 3-4.