Nɔmbɛse

26 Ewule ne anzi,+ Gyihova zele Mosisi nee ɛsɔfo Aalɔn ara Ɛlieza kɛ: 2 “Bɛdia Yizilayɛma kɔsɔɔti mɔɔ ɛli ɛvolɛ 20 mɔɔ kɔ la wɔ bɛ mbusua nu, bɛdia bɛdabɛ mɔɔ bɛbahola bɛahɔ konle wɔ Yizilayɛ la amuala.”+ 3 Yemɔti Mosisi nee ɛsɔfo Ɛlieza+ nee bɛ dendɛle wɔ Mowabe ɛsɛlɛ+ ne mɔɔ wɔ Dwɔdan ne afoa nu na ɔbikye Gyɛleko+ la anu kɛ: 4 “Bɛdia bɛdabɛ mɔɔ bɛli ɛvolɛ 20 mɔɔ kɔ la kɛ mɔɔ Gyihova hanle hilele Mosisi la.”+

Yizilayɛma mɔɔ vile Yigyibiti azɛlɛ zo la ɛne: 5 Wulubɛn,+ Yizilayɛ belamunli ralɛ ne; Wulubɛn abozoamra+ ɛne: Heenɔkoma abusua ne vi Heenɔko anu; Paluma abusua ne vi Palu anu; 6 Hɛzelɔnoma abusua ne vi Hɛzelɔn anu; Kaamaema abusua ne vi Kaamae anu. 7 Wulubɛn mbusua ne mɔ ɛne, bɛ menli mɔɔ bɛdianle bɛ la dodo le 43,730.+

8 Palu ara a le Ɛlayabe. 9 Ɛlayabe amra a le Nɛmuwɛle, Deetan yɛɛ Abaelam. Deetan nee Abaelam ɛhye mɔ a ɛnee le menli titili wɔ menli ne anu mɔɔ bɛ nee Kɔla nee ɔ sa zo ne mɔ dwazole tiale Mosisi+ nee Aalɔn wɔ mekɛ mɔɔ bɛdele Gyihova anwo atua la.+

10 Azɛlɛ ne kpakyele* na ɔmenle bɛ. Kɔla ɛdeɛ, ɔ nee ɔ sa zo ne mɔ wule wɔ mekɛ mɔɔ senle ne rayelale mrenyia 250 ne la.+ Na bɛrayɛle kɔkɔbɔlɛ nwo neazo.+ 11 Noko Kɔla amra ne mɔ anwu.+

12 Semɛyɔn abozoamra+ nee bɛ mbusua ne mɔ ɛne: Nɛmuwɛlema abusua ne vi Nɛmuwɛle anu; Gyeemenema abusua ne vi Gyeemen anu; Gyeekenema abusua ne vi Gyeeken anu; 13 Zilama abusua ne vi Zila anu; Hyeewɛlema abusua ne vi Hyeewɛle anu. 14 Menli dodo mɔɔ bɛdianle bɛ wɔ Semɛyɔn abusua ne anu la ɛne: 22,200.+

15 Gaade abozoamra+ nee bɛ mbusua ne mɔ ɛne: Zifɔnoma abusua ne vi Zifɔn anu; Hɛgaema abusua ne vi Hɛgae anu; Hyunaema abusua ne vi Hyunae anu; 16 Ɔzenaema abusua ne vi Ɔzenae anu; Yilayema abusua ne vi Yilaye anu; 17 Ɛlɔdema abusua ne vi Ɛlɔde anu; Alilaema abusua ne vi Alilae anu. 18 Gaade mbusua ne mɔ ɛne, bɛ menli mɔɔ bɛdianle bɛ la dodo le 40,500.+

19 Dwuda amra+ a le Ɛɛ nee Onan.+ Noko Ɛɛ nee Onan wule Keena azɛlɛ zo.+ 20 Dwuda abozoamra nee bɛ mbusua ne mɔ ɛne: Hyilama+ abusua ne vi Hyila anu; Pilɛzema abusua ne vi Pilɛze+ anu; Zilama abusua ne vi Zila+ anu. 21 Pilɛze abozoamra ɛne: Hɛzelɔnoma abusua ne vi Hɛzelɔn+ anu; Hamɛlema abusua ne vi Hamɛle+ anu. 22 Dwuda mbusua ne mɔ ɛne, bɛ menli mɔɔ bɛdianle bɛ la dodo le 76,500.+

23 Yesakaa abozoamra+ nee bɛ mbusua ne mɔ ɛne: Tolama abusua ne vi Tola+ anu; Punama abusua ne vi Puva anu; 24 Gyehyɛbema abusua ne vi Gyehyɛbe anu; Hyɛmelɔnoma abusua ne vi Hyɛmelɔn anu. 25 Yesakaa mbusua ne mɔ ɛne, bɛ menli mɔɔ bɛdianle bɛ la dodo le 64,300.+

26 Zɛbulɛn abozoamra+ nee bɛ mbusua ne mɔ ɛne: Selɛdema abusua ne vi Selɛde anu; Yilɔnoma abusua ne vi Yilɔn anu; Gyaaleɛlema abusua ne vi Gyaaleɛle anu. 27 Zɛbulɛn mbusua ne mɔ ɛne, bɛ menli mɔɔ bɛdianle bɛ la dodo le 60,500.+

28 Dwosefi amra+ ne mɔ nee bɛ mbusua ne mɔ ɛne: Manasɛ nee Yifelaem.+ 29 Manasɛ abozoamra+ ɛne: Meekɛma abusua ne vi Meekɛ+ anu; yɛɛ Meekɛ wole Geleade; Geleadema abusua ne vi Geleade+ anu. 30 Geleade abozoamra ɛne: Ayizɛma abusua ne vi Ayizɛ anu; Hilɛkema abusua ne vi Hilɛke anu; 31 Azeleɛlema abusua ne vi Aseleɛle anu; Hyikɛmma abusua ne vi Hyikɛm anu; 32 Hyemaedama abusua ne vi Hyemaeda anu; Hifɛma abusua ne vi Hifɛ anu. 33 Hifɛ ara Zilɔfɛhade anwo mralɛ mrenyia, ɔwole mraalɛ ngome.+ Zilɔfɛhade amra mraalɛ ne mɔ+ aluma a le Maala, Nowa, Hɔgela, Melekaa yɛɛ Tɛza. 34 Manasɛ mbusua ne mɔ ɛne, bɛ menli mɔɔ bɛdianle bɛ la dodo le 52,700.+

35 Yifelaem abozoamra+ nee bɛ mbusua ne mɔ ɛne: Hyutilaama abusua ne vi Hyutilaa+ anu; Bikɛma abusua ne vi Bikɛ anu; Teehanema abusua ne vi Teehan anu. 36 Hyutilaa abozoamra ɛne: Yilanema abusua ne vi Yilan anu. 37 Yifelaem mbusua ne mɔ ɛne, bɛ menli mɔɔ bɛdianle bɛ la dodo le 32,500.+ Dwosefi amra ne mɔ nee bɛ mbusua ne mɔ ɛne.

38 Bɛngyaman abozoamra+ nee bɛ mbusua ne mɔ ɛne: Bilama abusua ne vi Bila+ anu; Ahyebɛlema abusua ne vi Ahyebɛle anu; Ahaelamma abusua ne vi Ahaelam anu; 39 Hyufamma abusua ne vi Hyɛfufam anu; Hufamma abusua ne vi Hufam anu. 40 Bila amra a le Aade nee Neeyaman:+ Aadema abusua ne vi Aade anu; Neeyamanema abusua ne vi Neeyaman anu. 41 Bɛngyaman mbusua ne mɔ ɛne, bɛ menli mɔɔ bɛdianle bɛ la dodo le 45,600.+

42 Dan+ abozoamra nee bɛ mbusua ne mɔ ɛne: Hyuhamma abusua ne vi Hyuham anu. Dan mbusua ne mɔ ɛne. 43 Hyuhamma mbusua ne mɔ amuala ɛne, bɛ menli mɔɔ bɛdianle bɛ la dodo le 64,400.+

44 Ahya abozoamra+ nee bɛ mbusua ne mɔ ɛne: Yemenaama abusua ne vi Yemenaa anu; Yehyevaema abusua ne vi Yehyevae anu; Belayama abusua ne vi Belaya anu; 45 Belaya abozoamra ɛne: Hibɛma abusua ne vi Hibɛ anu; Malekeɛlema abusua ne vi Malekeɛle anu. 46 Ahya ara raalɛ ne duma a le Silaa. 47 Ahya mbusua ne mɔ ɛne, bɛ menli mɔɔ bɛdianle bɛ la dodo le 53,400.+

48 Nafetalae abozoamra+ nee bɛ mbusua ne mɔ ɛne: Gyaazeɛlema abusua ne vi Gyaazeɛle anu; Gunaema abusua ne vi Gunae anu; 49 Gyizɛma abusua ne vi Gyizɛ anu; Hyelɛmma abusua ne vi Hyelɛm anu. 50 Nafetalae abusua ne nee bɛ mbusua ne mɔ ɛne, bɛ menli mɔɔ bɛdianle bɛ la dodo le 45,400.+

51 Yizilayɛma kɔsɔɔti mɔɔ bɛdianle bɛ la dodo le 601,730.+

52 Ɛhye anzi, Gyihova zele Mosisi kɛ: 53 “Nea bɛ aluma ne dodo ne* anwo kyɛ azɛlɛ ne maa bɛ.+ 54 Ekpunli mɔɔ anwo zonle la, ɔwɔ kɛ ɛmaa bɛ agyapadeɛ kpole, yɛɛ ekpunli mɔɔ anwo anzo la, ɔwɔ kɛ ɛte bɛ agyapadeɛ ne azo.+ Ɔwɔ kɛ ekpunli biala agyapadeɛ ne nee nuhua menli mɔɔ bɛdianle bɛ la yɛ ko. 55 Noko ɔwɔ kɛ bɛgua azɛlɛ ne anwo ma* na bɛahyɛ.+ Ɔwɔ kɛ bɛnyia bɛ agyapadeɛ ne wɔ bɛ papa mɔ mbusua ne mɔ aluma nu. 56 Bɛbagua agyapadeɛ ko biala anwo ma na bɛahyɛ bɛamaa ekpunli mgbole nee ngyikyi ne mɔ.”

57 Livaema+ mɔɔ bɛdianle bɛ la nee bɛ mbusua ne mɔ ɛne: Gɛhyɔnoma abusua ne vi Gɛhyɔn anu; Kohatema abusua ne vi Kohate+ anu; Mɛlɛlaema abusua ne vi Mɛlɛlae anu. 58 Livaema mbusua ne mɔ ɛne: Lebenaema+ abusua ne, Hibulɔnoma+ abusua ne, Maalaema+ abusua ne, Muhyaema+ abusua ne, Kɔlama+ abusua ne.

Kohate wole Amelam.+ 59 Bɛfɛlɛ Amelam aye Dwɔkɛbɛde,+ ɔle Livae ara raalɛ mɔɔ ɔ nee ɔ ye wole ye wɔ Yigyibiti a. Na Amelam nee Dwɔkɛbɛde wole Aalɔn nee Mosisi yɛɛ bɛ diema raalɛ Meleam.+ 60 Aalɔn noko wole Needabe, Abaehu, Ɛlieza yɛɛ Yetamaa.+ 61 Noko Needabe nee Abaehu wule ɔluakɛ bɛvale senle mɔɔ tia mɛla la bɛhɔle Gyihova anyunlu.+

62 Mrenyia kɔsɔɔti mɔɔ ɛli siane ko mɔɔ kɔ mɔɔ bɛdianle bɛ la dodo le 23,000.+ Bɛandia bɛ bɛamboka Yizilayɛma anwo,+ ɔluakɛ bɛammaa bɛ agyapadeɛ biala wɔ Yizilayɛma avinli.+

63 Menli ɛhye mɔ a Mosisi nee ɛsɔfo Ɛlieza dianle bɛ wɔ mekɛ mɔɔ bɛdianle Yizilayɛma wɔ Mowabe ɛsɛlɛ ne anu, wɔ Dwɔdan ne afoa nu wɔ Gyɛleko la a. 64 Noko menli mɔɔ Mosisi nee ɛsɔfo Aalɔn dianle bɛ wɔ mekɛ mɔɔ bɛdianle Yizilayɛma wɔ Saenae fienemgbole ne anu la ko bɔbɔ ɛmboka bɛ nwo.+ 65 Ɔluakɛ Gyihova hanle bɛ nwo edwɛkɛ kɛ: “Bɛbawu fienemgbole ne anu.”+ Yemɔti bɛ nuhua ko bɔbɔ anga, Gyɛfɛna ara Keelɛbe nee Nɛn ara Dwɔhyua ala a hale a.+