Lee i gbī pya sīdee i tɔgɛ fɛgɛ le enwadɛɛ̄ kumaloo pya alu gbo Jɛhova. (Rom 12:10) Bu mɛ sīdee ni? Ziī sīdee alu ekɔ i doo lo ama bu kpa Le-yɔɔ 15:4 na kɔ nɛɛ alu saanɛɛ bu tɔ-kpo Jɛhova “naa wee nyaana nyiɛ ye kiiloo yii a bee yira, kere a aga.” Sɔ̄ ii doo pya yii i bee yira dap yere saŋ bu pya dɔɔ̄na. (Mat 5:37) Bu edobah, Jɛhova gbī kɔ pya alu saanɛɛ bu ye tɔ a sere yii ba bee yira bu wa iya dam le wa. Bu ye ɛɛnage sɔ̄ pya tɛ le ka piiga kaāna lo esere pya yii ba yira nɛ pya wa miɔŋɔ. Nyɔɔbee wereloo i ɛrɛ loo Bari le pya dɔɔ̄na, i piiga kaāna lo edoo pya nu i kɔ. Dɔɔ̄na sīdee i dap nwadɛɛ̄ pya gbo Jɛhova na lo esu baɛbah wa suā sa wa dɔɔ̄ nu nɛ. (Rom 12:13) Sɔ̄ i nyɔɔnɛ pya i wuga tɔniā sɔ̄ ii le uwe zue ue ale enɔānu doo kɔ i agɛrɛbah tɔɔ̄ waɛloo Jɛhova sa tɔɔ̄nage waɛloo ziī. Gbaāloo wo, sɔ̄ i su baɛbah suā pya dɔɔ̄na, i gaa nɔ Jɛhova. w24.06 12 ¶15-16

Jɛhova wee muuna kaka ue nɛ pya a kumalookɛ̄. (Mat 11:25) Sɔ̄ a bee lu eyerebah i nɛ lokwa i nɔ kaka ue, i bee kumalookɛ̄ sa su baɛbah suā. (Doonu 8:​30, 31) Kerewo, i ɛrɛ enwaɛdɛɛ̄ lokwa ii bɔātɛ̄ e’eeloo nɛ nyɔɔ. Lo i eeloo nɛ nyɔɔ, dap doo kɔ i bɔātɛ̄ ekɛɛrɛ kɔ kɛ̄ ili kɛɛrɛ nu doo lera sa lu nu suānu le loo ee pya daakuu Baibol le leredeebah a aabah bɔŋanaloo Jɛhova. Lokwa i kiisī lo ekumalookɛ̄, alu ebɛɛ̄ kɔ i nyɛŋiabu kɔ sɔ̄ i su i loo dooreloo Jɛhova i tera sa ii lu lɔgɔ nu. (Yɔɔ 8:​3, 4) I dapnage yere kara nɛ Bari sa ye bara kɔ a yerebah i nɛ kɔ i kumalookɛ̄, sa kpɛ̄naloo enɔnu. Jɛhova eyerebah i nɛ kɔ i ɛp ye ekɛɛrɛ lo a i nɛ tɛ̄maloo ye Muɛ̄ Ue le ye bɔŋanaloo, emanyɔɔ lo ili. Sɔ̄ o waa buū Baibol nyɔɔ oloo, gbī pya nu a tɔgɛ kɔ Jɛhova wereloo kumalookɛ̄ sa baaloo eeloo nɛ nyɔɔ, kakaaga, le dānaloo. Sa nwaɛ̄dɛɛ̄ kaāna sɔ̄ alu enɛ a ziī dɔtam lo a doo kɔ o ɛrɛ ekpo bee pya dɔɔ̄na. w24.07 10 ¶8-9

Aāge bu zua 1919, Jizɔs aa nɔɔ tam zue ue sa nɛ nuede bu edɔɔ̄ pya ye nɛɛ tɛ̄maloo nwīgbagbara eku pya a bee lu etɔ̄ nɔɔ̄ bee. (Luk 12:42) A sirapie kaāna kɔ Jɛhova aa nɛ leelee tam eku pya nɛɛ ama aa si. (Ais 65:​13, 14) Lo a naa bee lu enɔɔ kɛ̄ nu ekiā doo, ii le ebee dap sitam Jizɔs bee i nɛ kɔ i si. (Mat 28:​19, 20) Bu edobah, naa su kɔ a naa bee lu enɔɔ kɛ̄ ziī ziī bɔŋanaloo ezue ue, ɛrɛgebah nɛɛ ebee zue ue ɛrɛgebah kɛ̄ a ye nia. Lo a naa bee lu enɔɔ i tam, keekee pya zue ue ebee zue ue tɛɛ̄nyɔɔ booboo sɔ̄ bu pio i kɛ̄ zue ue, e bu pya dɔɔ̄na kɛ̄, ba naale ebee zue ue doo pippip. O dapge kɛɛrɛ pya dɔɔ̄na sīdee i ɛrɛ bere aāloo sɔ̄ alu enɔɔ i tam ni? Dookɛ̄ Jizɔs bee nɔɔ pya a wee ye nyɔɔnɛ dumɛ sɔ̄ a bee le a nyɔɔ kɛ̄nɛkɛ̄ doo, kɛ̄ a gaa kiinagesī lo enɔɔ pya nɛɛ Bari anii’ee doolo. w24.04 8-9 ¶2-4