10 “Tajaajilaa koo kan taate yaa Yaaqoob, hin sodaatin,

Yaa Israaʼel, hin naʼin.+

Sababiin isaas, ani siin biyya fagoo irraa,

Sanyii kees biyya boojiʼamanii itti fudhataman irraa nan deebisa.+

Yaaqoob ni deebiʼa, utuu hin jeeqamin tasgabbiidhaan ni jiraata,

Kan isa sodaachisus hin jiraatu” jedha Yihowaan.+

14 Ani saba koo Israaʼel warra boojiʼaman deebisee walitti nan qaba,+

Isaan magaalota ona taʼan deebisanii ni ijaaru, keessas ni jiraatu;+

Mukeetii wayinii ni dhaabu, daadhii wayinii isaaniis ni dhugu,+

Biqiltuu ni dhaabu, firii isaas ni nyaatu.’+

20 Ani yeroo sanatti deebisee isin nan fida,

Eeyyee, yeroo sanatti walitti isin nan qaba.

Ani yommuun warra isin keessaa boojiʼaman ijuma keessan duratti deebisee walitti qabutti,+

Saboota lafa irraa hundumaa gidduutti beekamtii* akka argattanii fi akka jajamtan nan godha”+ jedha Yihowaan.