Faarfannaa

115 Jaalala kee isa amanamaa fi amanamummaa keetiin kan kaʼe,+

Yaa Yihowaa, nuuf utuu hin taʼin, eeyyee, nuuf utuu hin taʼin,*

Maqaa keetiif ulfinni haa taʼu.+

 3 Waaqni keenya samii irra jira;

Inni wanta isatti tolu akkamii iyyuu ni raawwata.

 4 Waaqolii tolfamoon isaanii meetii fi warqii,

Warra hojii harka namaa taʼani dha.+

 5 Afaan qabu, garuu dubbachuu hin dandaʼan;+

Ija qabu, garuu arguu hin dandaʼan;

 6 Gurra qabu, garuu dhagaʼuu hin dandaʼan;

Funyaan qabu, garuu fuunfachuu hin dandaʼan;

 7 Harka qabu, garuu qaqqabuu hin dandaʼan;

Miila qabu, garuu deemuu hin dandaʼan;+

Qoonqoo isaaniitiinis sagalee hin baasan.+

 8 Namoonni isaan tolchan,

Warri isaanitti amanaman hundis akkuma isaanii ni taʼu.+

 9 Yaa Israaʼelotaa, Yihowaatti amanamaa,+

Inni gargaaraa fi gaachana keessani.+

10 Isin manni Aaron,+ Yihowaatti amanamaa,

Inni gargaaraa fi gaachana keessani.

11 Isin warri Yihowaa sodaattan, Yihowaatti amanamaa,+

Inni gargaaraa fi gaachana keessani.+

12 Yihowaan nu yaadata, nu eebbisas;

Inni mana Israaʼel ni eebbisa;+

Mana Aaronis ni eebbisa.

13 Xinnaas taʼe guddaa,

Inni warra Yihowaa sodaatan ni eebbisa.

14 Yihowaan isinis taatan ijoolleen* keessan

Akka baayʼattan ni godha.+

15 Yihowaan inni samii fi lafa tolche+

Isin haa eebbisu.+

16 Samiiwwan kan Yihowaa ti,+

Lafa garuu ilmaan namootaatiif kenne.+

17 Warri duʼan Yaahiin hin jajatan;+

Namni gara duʼaatti* gad buʼu hundis isa hin jajatu.+

18 Nuti garuu ammaa jalqabee bara baraaf

Yaahiin ni jajanna.